Цагдаагийн Ерөнхий газар, Монголын Үндэсний бөхийн холбоотой хамтран зохион байгуулж буй “Нэг хором” аянд сумын цолтой болон залуу бөхчүүд нэгдлээ. Өнгөрөгч долоо хоногт Бөхийн өргөөнд болсон сумын цолтой болон залуу 512 бөхийн барилдааны үеэр бөхчүүд нэгдэж байгаагаа илэрхийлжээ. Мөн уг “Нэг хором” аянд улсын аварга, арслан, харцага тэргүүтэй бөхчүүд нэгдэн оролцож байна.

2018 онд энэ төрлийн гэмт хэргээс урьдчилсан сэргийлэх зорилгоор “Хуулийн хэрэгжилт” аяныг өрнүүлж, улсын цолтой бөхчүүд оролцож байсан бол энэ жил “Нэг хором” аянд бөхчүүд нэгдсээр байна.

Гэмт хэргийн байдлыг судалгаанаас харахад 88 хувь нь өс хонзонгийн сэдэлтгүй ялихгүй маргаан, түргэн уур, омголон зангаас үйлдэгдэж байгааг тогтоожээ.