Монголын хөлбөмбөгийн холбооны нэрэмжит идэрчүүдийн Улсын аварга шалгаруулах тэмцээний урьдчилсан шатны тоглолтууд болж, орон нутгийн бүсийн тэмцээнүүд өндөрлөв.

Энэ жилээс эхлэн 21 аймгийн гурван бүс, Улаанбаатар хотын есөн дүүрэг, МХБХ-нд бүртгэлтэй клубүүд урьдчилсан шатанд өрсөлдөх юм. Эндээс шалгарсан багууд ирэх зургадугаар сард болох шигшээ тэмцээнд оролцох эрхийг авах бөгөөд одоогоор орон нутгийн бүсээс шалгарсан багууд шигшээд өрсөлдөх эрхийг аваад байна.

Бүсийн тоглолтууд доорхи хуваарийн дагуу явагдлаа.

IV.18-24 Талын бүс (Хэнтий аймаг. Чингис хот)

IV.20-24 Алтайн бүс (Завхан аймаг. Улиастай хот)

IV.26-30 Хангайн бүс (Хөвсгөл аймаг. Мөрөн хот)

Эндээс Алтайн бүсээс U-15 Ховд, Баянхонгор U-17 Ховд, Завхан, Талын бүсээс U-15 Говьсүмбэр, Дорнод, Дорноговь, U-17 Дорнод, Хэнтий, Хангайн бүсээс U-15 Дархан, Хөвсгөл, Орхон, U-17 Орхон, Сэлэнгэ, Өвөрхангай аймгийн багууд шалгарч шигшээд өрсөлдөх эрхийг авлаа.

Одоо Улаанбаатар хотын дүүргүүд, клубүүдийн тоглолтууд болж, шигшээд өрсөлдөх багууд бүрэн тодрох юм.

Ч.БОЛ