Их, дээд сургуульд элсэгчид монгол хэл бичгийн шалгалтаа өгөөд буй. Энэ шалгалтын дүн ирэх Даваа гаригийн 09.00 цагт гарах ажээ.  Шалгалтын дүн 2019 оны дөрөвдүгээр сарын 1-ний 09:00 цагт Боловсролын үнэлгээнийн төвийн http://www.eec.mn/ сайтад тавигдах юм. Элсэгчид монгол хэлний шалгалтыг заавал өгсөн байх шаардлагатай бөгөөд өмнөх долоо хоногийн Бямба гаригт тус шалгалт орон даяар явагдсан билээ.

Энэ жилийн тухайд монгол хэл бичгийн шалгалтыг 16,436 элсэгч өгчээ. Тухайлбал, 2018 онд арванхоёрдугаар ангийн төгсөгчид дээрх сайт руу орж регистрийн дугаараа хийж, харин өмнөх оны төгсөгчид нэвтрэх нэр, нууц дугаар хийж дүнгээ харна.

Хэрэв босго оноо 400-д хүрээгүй бол дахин шалгалт өгөх юм. Монгол хэл бичгийн дахин шалгалт 2019 оны дөрөвдүгээр сарын 20-нд 12:00 цагаас явагдана. Дашрамд дурдахад, элсэгчид монгол хэл бичгийн шалгалт заавал өгч байж элсэлтийн ерөнхий шалгалтад орох эрхтэй болох аж.

Э.ЭНХ