Хүний нөөц гадагш урсаж, хувийн компаниуд ажиллах хүчгүй болох нь | News.MN

Хүний нөөц гадагш урсаж, хувийн компаниуд ажиллах хүчгүй болох нь

Хүний нөөц гадагш урсаж, хувийн компаниуд ажиллах хүчгүй болох нь

Хүний нөөц гадагш урсаж, хувийн компаниуд ажиллах хүчгүй болох нь

Хөдөлмөрийн насны залуучууд гадагш дүрвэх болсноор байгууллагууд хүнд байдалд орж байна

Монголын эдийн засгийн 40 гаруй хувийг үйлчилгээний салбар эзэлдэг. Энэ салбар хамгийн том ажил олгогч бөгөөд хөдөлмөрийн зах зээлийн өнгө төрхийг тодорхойлж буй. Сүүлийн жилүүдэд үйлчилгээний салбар тогтвортой ажиллах хүчний хомсдолд орж, хүний нөөцийн эрэлд дор бүрнээ гарцгаах боллоо. Тухайн ажилд таарах, тохирох хүнийг олно гэдэг захирлуудын хувьд хамгийн гол бэрхшээл бас толгойны өвчин. Шинэ орсон нь ажилдаа тийм ч удаан ажиллах хүсэлгүй эсвэл тодорхой хугацааны дараа гадагшаа явах, өөр ажилд шилжих үзэгдэл хамгийн түгээмэл болоод байна. Энэ нь ажиллах хүчний эрэлд компаниуд өөрсдөө гарахад хүргэжээ.

Жижиг компани, аж ахуйн нэгжүүд хүний нөөцийн хэлтэсгүй, үүнийг илүү зардал хэмээн харж, тусгайлан хариуцсан мэргэжлийн хүнгүй, зөвхөн гүйцэтгэх удирдлага хэнийг ажилд авахаа шийдэж ирсэн нь өнөөдөр ээлжит бэрхшээл болов. Бизнес эрхлэгчдийн хувьд хүний нөөцийн асуудалтай үргэлж тулгарч, өөрсдийн хүнээ бусдад алдахгүй эсвэл тогтоон барих үүднээс нэмэлт төлөвлөөгүй зардал хүртэл гаргаж байна. Үйлчилгээний салбарын дийлэнх нь жижиг аж ахуйн нэгжүүд бөгөөд хүний нөөцөө шийдвэрлэх нь тэдэнд томоохон сорилт болсоор багагүй хугацааг үзлээ.

Дотоодын нийт бүтээгдэхүүний 60 орчим хувийг үйлдвэрлэдэг нийслэл хотод үйл ажиллагаа явуулдаг томоохон аж ахуйн нэгжүүд ажлын байрны зараа мэдээллийн хэрэгслээр үргэлж явуулсаар. Компаниудын өөрсдийнх нь цахим хуудсаар зочлоход хэчнээн ажлын байр эзнээ хүлээж байгааг харж болно. Тухайлбал, М-Си-Эс групп гэхэд 60 ажлын байр зарласан бол “Тэсо” корпораци мөн тооны ажилтан авахаа нээлттэй мэдээлжээ. Орон нутаг дахь жижиг дунд үйлдвэрүүд бас л ажиллах хүчний дутагдалтай тулсаар. Гэтэл улсын хэмжээнд хөдөлмөр эрхлэлтийн байгууллагад ажил хайж бүртгүүлсэн иргэд энэ оны хоёрдугаар сарын байдлаар 33.9 мянгыг давжээ. Үүний 9.9 мянга нь ажилтай боловч өөр ажил хайж байгаа иргэд байна.

“Сэргэн мандалт” группийн үүсгэн байгуулагч Б.Төмөрчулуун “Худалдаа аж үйлдвэрийн танхим тогтвортой үйл ажиллагаа явуулж буй 60 гаруй мянган аж ахуйн нэгжийн боловсон хүчний шилжилт хөдөлгөөнд үнэлэлт дүгнэлт өгөх цаг болсон. Хувийн хэвшил дэх ажиллах хүч маш тогтворгүй болсон. Тиймээс тухайн ажилтны орсон гарсан гэсэн тодорхойлолтыг гаргадаг болох хэрэгтэй. Ингэснээр хариуцлагатай болно. Түүх үүснэ. Ажилтны орсон, гарсан бүртгэл хийснээр компаниудад ч илүү амар хялбар нөхцөл бүрдэнэ. Ямар нэгэн зөрчил гаргаж байсан эсэх гээд дүгнэлттэй болно гэсэн үг. Өнөөдөр ажил биш орлого хөөж байна. Гэтэл ажил хийх чадвар нь чухал. Байгууллагаа хууран мэхэлдэг, гэнэт гадагшаа явдаг, өөр газар давхар ажиллах зэрэг асуудал байна. Тохиолдлоор хүн ажилд авна гэдэг эрсдэлтэй болж эхэллээ. Хөдөлмөрийн биржээр энэ харилцааг явуулах ёстой. Нөгөө талдаа бараа, таваарыг биржээр үнэ хаялцуулдаг. Үүнтэй адил үнэхээр сайн ажилтан байвал яагаад үнэ хаялцуулж, өндөр цалин амлаж авч болохгүй гэж” хэмээн байр сууриа илэрхийлэв.

Компани толгойлж, үйлдвэрлэл, үйлчилгээ явуулж буй захирлуудын уулзаад ярьдаг нэг ярианы сэдэв нь хүний нөөц болсон гэхэд хилсдэхгүй. Сайн ажилтан гэдэг тэдний хувьд өдрийн од мэт тохиолдох болсныг гүйцэтгэх захирлуудын CEO клубийн уулзалтаар бизнес эрхлэгчид хөндөж байв. Томоохон компаниуд нээлттэй ажлын байр ихээр зарлах болсноор жижиг, дунд компаниудад ажиллах хүчээ алдах, эсвэл цалингийн зардлаа өсгөх, ажилтныхаа нийгмийн боломжийг нэмэгдүүлэх зэрэг шинэ нөхцөл байдал тулгарах болжээ. Цалинг нь нэмж чадахгүй нөхцөлд ажилтнаа алдахад хүрч байна.

“Ард санхүүгийн нэгдэл”-ийн гүйцэтгэх захирал Ч.Ганхуяг “Манай компанийн хувьд ажилтнууд маань харьцангуй тогтвортой ажилладаг. Гэхдээ доод шатанд ажилд орох, гарах үзэгдэл тодорхой хэмжээнд байна” гэв. Эдийн засаг 2018 он гарснаас хойш сэргэж эхэлснээр бизнесийн идэвхжил сайжирсан. Ингэснээр аж ахуйн нэгжүүдийн ашигт ажиллагаа нэмэгдэж, үйл ажиллагаа өргөтгөх, үйлдвэрлэлээ тэлэх болсноор шинэ ажлын байр олноор гарах болжээ. Жишээлбэл, “Тэсо” корпораци үндсэн бизнесийн үйл ажиллагаанаас гадна барилгын шинэ төсөл эхлүүлсэнтэй холбогдуулан өдөр болгон шинээр ажлын байр зарлах болов. Нөгөө талдаа компаниуд хүний нөөцөөр дутагдах болсон нь зах зээлд ижил төрлийн тоглогчид олширч, өрсөлдөөн ширүүсэх болсноор үнэ цэнэтэй ажилтны эрэлт хэрэгцээ нэмэгдсэнтэй холбоотой. Хэдий компаниуд олон ажлын байр хөдөлмөрийн зах зээлд санал болгодог ч тухайн ажлын байранд тэнцэх хүний нөөц хангалтгүй байгааг ажил олгогчид мөн хэлцгээдэг.

Ажил олгогч бага цалингаар ажиллуулах хүсэлтэй бол ажилтан өндөр цалинг горилж, ажил олгогч, ажилтны зам эндээс салах нь түгээмэл. Тэрчлэн ажлын шаардлага хангахгүй, тухайн зарласан ажлын байранд гологдох атлаа өндөр цалин хүсэх, илүү нөхцөл шаардах хандлага сүүлийн үед газар авчээ. Мөн ажилтны ур чадвар хүлээлтэд хүрэхгүй байгаагаас болж ажилтнаа явуулахаас аргагүй болдог байна. Үүнээс гадна тухайн байгууллагын соёл буруу, ажил хийдэг хүнээ үнэлж чаддаггүйгээс болж сайн хүнээ алдаж байна.

Байгууллагын хүний нөөц өөрсдийн ажилд хэрэгтэй хүнээ таньж авч чаддаггүй эсвэл хүнд суртал гаргах зэрэг наад захын хандлагаас үүдэн зарим ажил горилогч дараагийн шатнаас татгалзах тохиолдол гардаг байна. Өндөр цалин авах хүсэлтэй боловч ажлын бүтээмж тааруу, хөдөлмөрийн зах зээлийн шаардлагыг хангахгүй боловсон хүчин олноор гарч байгаа нь компаниуд дахин дахин ажлын байр зарлахад мөн нөлөөлдөг аж. Боловсролын чанар, хүмүүсийн мэргэжил сонголт нөгөө талдаа ажилгүйдлийн суурь шалтгаан болж байна.

Захирлуудын ярианы гол сэдэв нь хүний нөөц болжээ

Хөдөлмөрийн эдийн засгийг судалдаг эдийн засагч, “Ажил” номын зохиогч Д.Лхагвасүрэн “Улс орнуудын эдийн засгийн бодлогын хамгийн чухал асуудал нь ажил эрхлэлт. Бид ажилгүйдлээ ул суурьтай бодож, ярьж, шийдэл олж чадахгүй цаг их алдаж байна” гэв. Компаниуд ажиллах хүчээр дутмаг болж байгаа нь сүүлийн жилүүдэд хөдөлмөрийн насны залуучууд амьдралын нөхцөлөө сайжруулахаар хилийн дээс алхах болсонтой холбон зарим эдийн засагч тайлбарлаж байна. Хэрвээ хөдөлмөрийн насны ид хийж бүтээх насандаа яваа залуучуудаа гадагш алдсаар байвал дотоодын компаниудын цаашдын хөгжилд ч энэ нь ихээхэн хор уршиг учруулах нь гарцаагүй.

Эх сурвалж: ЗАСГИЙН ГАЗРЫН МЭДЭЭ

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Өвгөн 2019-03-28 49.0.212.120

Улс, хувь газар нь хүн амьдрах цалин олгохгүй, амьдрах сууцийг нь шийдэхэд туслахгүй бол явж одохыг яалтай, үүний тулд эдийн засгийн зохих түвшинд байгууллага, улсаа авч явж, зохих цалин, мэрэгжилтнээ үнэлэх үнэлэмжтэй байх хэрэгтэй байлгүй дээ, мэдсээр байж хийхгүй байгаа болхоор цуурай мэт санааг давтсаар л байх юм бол уу, монгол хүнээ үнэлэх гэж нэг юм байх шиг …

Avatar

х 2019-03-28 203.169.49.100

Төгрөгний ханш хэт доогуур байгаагаас болоод авсан цалин нь аманд ч үгүй, хамартанд ч хүрэхгүй байгаа. Тиймээс эрүүл% ажил хийдэг хүний хөдөлмөрийн хөлсийг цагаар тооцож нэмэгдүүлэхгүй бол монголд ажил хийх хүн олдохгүй байх нь ойлгомжтой.\nХөдөлмөрийн үнэ цэнийг сайжруулахгүй бол монгол зөвхөн төрөөс халамж авдаг, ажлын чадваргүй хүмүүсийн орон болж байна.

Avatar

зочин 2019-03-28 203.91.115.253

хувийн хэвшлийнхэн жинхэнэ луйварчид. Тэд хүний хөдөлмөрийг шударгаар үнэлдэггүй учраас залуус ажиллах дургүй. Цалингаа хангалттай өг Тэгвэл чинь гүйгээд л очно доо Залуус гадагшаа явах нь зөв Монголд ажиллаад гуйлгачин болж байснаас гадагшаа явж боол болсон ч амьдралаа залгуулах мөнгөтэй л ирнэ

Avatar

Зочин 2019-03-28 103.229.120.132

CEO гээд байгаа нөхдүүд ихэнх нь луйварчид нам дагаж нэг юм босгосон нөхдүүд байдаг. Ажилчдаа боол гэж үздэг. Тийм биш гэдгийг ойлгох хэрэгтэй. Халаад дахиад нэг малыг ав гэдэг байдлаар хандаж ирсэн. Залуучууд гадагшаа гарах нь маш зөв. Эхлээд ажилчнаа хүн гэж хардаг болох хэрэгтэй. Дараа нь дэмий донгос.

Avatar

Зочин 2019-03-28 144.138.79.185

Залуучууд гадагшаа гарч ажилдаг нь зөв. Хувийн хэвшил, улс төрийнхөнд том сургамж болно биз. Мэдлэг боловсролтой хүн дутаад ирэхээр цалин, хангамжуудаа нэмнэ, амьдрах орчингоо сайжруулна гээд л олон зүйл гарна гэж найдаж байна.

Avatar

Зочин 2019-03-28 175.38.87.92

Нөгөө талдаа эздүүд чинь ашиг орлого олохгүй бол яаж цалин нэмэх үү?! Ер нь бол залуучуудыг гадагш гарч ажиллаж амьдрахыг дэмжиж байна өө, энэ МОЯА омогийхон учраа олно биз

Avatar

Зочин 2019-03-28 202.72.245.220

ХАРИН Ч ЗӨВ ҮАМД НЬ ЗАХ ЗЭЭЛ ОРУУЛЖ БАЙНА. ОЮУНЫ БОЛОН БИЕИЙН ХҮЧЭЭР ЗОХИХ ЁСООР ҮНЭЛҮҮЛЭХ ЁСТОЙ ХЭСЭГ НЬ ЭНДХИЙН ГУЙЛАГЧИНГИЙН ЦАЛИНГ ГОЛООД ЯВАХ НЬ ЗӨВ ӨӨ. ОДОО Л АЖИЛ ОЛГОГЧИД ТОХИРСОН ЦАЛИНГАА ӨГЧ ЭХЛЭХГҮЙ БОЛ ХООСОН ХОЦРОНО ШҮҮ. МАНАЙ БАРАА БҮТЭЭГДХҮҮНИЙ ҮНЭ ДЭЛХИЙН ЖИШИГТЭЙ АДИЛ БАЙЖ ЦАЛИН 10 ДАХИН БАГА БАЙДАГ НЬ ҮҮНИЙГ МАШ ТОДООР ИЛЭРХИЙЛНЭ

Avatar

ЗОЧИН 2019-03-28 150.129.141.152

бизнес эрхлэхээр хөөцөлдөгсөдийг ажил хэрэгчээр дэмжихгүй байна. одоо жижиг дунд үйлдвэрийн тухай хуулийн төсөл, журмын төсөл нь эгэл энгийн хүмүүст давж гарахааргүй байна даа. эргээд л нөгөө луйварчдад ашигтайгаар болжж байх шиг дээ.Нөгөө хэдэн нөхрийн өөр хүний нэр дээр байгуулагдсан охин гэх компаниуд л авах болжээ. энэ гэн чөтгөрийн тойргоосоо хэсэгтээ гарахгүй нь иймээс залуус гадагшаа гарч ажиллахгүй гээд яах юм

Avatar

Зочин 2019-03-28 103.229.122.73

Бага цалин өгнө, хязгааргүй ажиллуулна хэн та нарын дор ажилдийн

Avatar

Иргэн 2019-03-28 202.126.89.145

Харин тийм, гэрээ сахиад сууж бай даа.

Avatar

irgen 2019-03-28 139.5.217.155

нохой феодалуудад үнэгүй шахуу мөлжүүлдэг цаг дууссан

Avatar

gyandan 2019-03-28 202.179.27.20

Eniig hohin gedeg yum.hunii hudulmuriig unelj chadahguigees hoish odoo gonginood yavveedee.uneldeg gazar n bool bolson n deer

Avatar

иргэн 2019-03-28 66.181.184.236

өөр арга байхгүй, хэрэглээний ихэнх бараа импортоор орж ирж жижиглэнгийн үнэ 3 дагч орныхоос ч бараг өндөр тэгсэн Монголын дундаж цалин 3 дагч орныхоо халамжийн мөнгөнд ч хүрэхгүй өчүүхэн бага , харин ч Монголчууд хонь шиг номхон болхоор урд хормойгоо хойд хормойгоороо нөхсөөр 30 жил болох нь явах нь зөв үнийн болоод цалингийн дунджийг зохицуулалтаар барихгүй бол явах нь зөв өөөөө

Avatar

зочин 2019-03-28 182.160.37.83

Венесуэлн араас орох н

Avatar

З 2019-03-28 124.158.90.46

1 сая төгрөгийн цалин бол юу ч биш шүү, дор хаяж 1,5 саяыг өгөх хэрэгтэй. Бас хагас бүтэн сайнд бүтэн амраах, илүү цагаар ажиллуулвал илүү цагийн нэмэгдэл өгөх хэрэгтэй. Чадахгүй бол дампуурцгаа компаниудаа

Avatar

Зочин 2019-03-28 66.181.180.215

Чадвартай инженер 5 сая төгрөгнөөс дээш, мэргэжлийн ажилтан 2 сая төгрөгнөөс дээш орлоготой. Эрэлт хэрэгцээнд үнэ бас цалин хэмжигддэг. Өнөөдөр ажил чамайг голж байна. Баахан хуульч эдийн засагчийн зэрэг мэргэжлээр дээд сургууль төгссөн хүмүүс лааз өшиглөхөөс өөр яалтай ч билээ.

Avatar

Зочин 2019-03-28 202.126.88.56

Яг үнэндээ сүүлийн 20-30 жил манай монголчууд үнэгүй боолын хөдөлмөр эрхэлж хэдэн босс нэртэй луйварчдыг тансаглуулсаар өдий хүрсэн. Яая гэхэв дээ одоо өөрсдөө бүх барлагынхаа ажилаа хийж дээ хаха. Ү хсэнийх нь дотоодын аж ахуй одоо байгалын шалгаралдаа ор. Дампуурах нь дампуур лааз өшиглөх нь өшиглө. Өчнөөн жил л 11 барьж ланд лексус уналаа хүний хөдөлмөр үнэгүй сорж. Аль эсвэл хүнийг хүн шиг амьдрах ёстой гэж бодоод олигтойхон цалин урамшуулал өгөхийн төлөө сэтгэл гарга.

Avatar

Зочин 2019-03-28 124.158.95.187

Хувийн компаниудын жилдээ өгдөг цалинг 2-3 сард олдог гээд явчих юм байна. Ихэнх компани 14 хоног, түүнээс ч илүү хугацаагаар туршилт нэртэй ажилд авч хүний хөдөлмөр мөлжиж байна. Ийм зүйлүүд чинь хүний нөөцийн хомсдол буй болгож байгааг анхаарах хэрэгтэй.

Avatar

Иргэн 2019-03-28 202.126.89.145

Ажил бүү хийцгээ. Амар тайван жарга даа.

Avatar

Зочин 2019-03-28 202.179.25.59

Цалин өгдөггүй компаниуд яахав даа, Хэн өндөр цалин амална тийшээгээ хүний нөөц урсана.

NewsMN Гар утасны хувилбар Татах
NEWS.mn

Мэдээллийн эх сурвалж