Нобелийн шагналд нэр дэвшигч 16 настай Грета Тунберг | News.MN

Нобелийн шагналд нэр дэвшигч 16 настай Грета Тунберг

Нобелийн шагналд нэр дэвшигч 16 настай Грета Тунберг

Нобелийн шагналд нэр дэвшигч 16 настай Грета Тунберг

Швед улсад 2018 оны есдүгээр сарын 9-ний өдөр парламентын сонгууль болсон. Грета Тунберг гэх 16 настай есдүгээр ангийн сурагч охин сонгууль болохоос хориод хоногийн өмнөөс буюу наймдугаар сарын 20-ны өдрөөс эхлэн сонгууль хүртэл хичээлдээ явахгүй хэмээн нийслэл Стокгольм хотын төвд орших парламентын байрны гадна “Уур амьсгалын эсрэг хичээл хаялт” гэсэн бичиг барин суусан юм. Үүнээс хойш өдөр бүр хичээлийн цагаар ирж суулт хийх болсон бөгөөд байгаль орчны асуудал, дэлхийн дулаарал, уур амьсгалын өөрчлөлтөд ихэд санаа зовнидог түүний зорилго нь улсынхаа эрх баригчдыг байгаль орчинд хортой хог хаягдлыг багасгах тухай “Парисын хэлэлцээр”-ийг дагаж мөрдөхийг шаардаж, ард иргэдийг ч мөн үүнд анхааран өөртэй нь нэгдэхийг уриалах байлаа. Эдгээр өдрүүдээс өмнө Швед улсад өмнө тохиож байгаагүй их халуун болж, хээрийн түймэр газар аваад байсан юм. Сонгуулийн дараагаар Грета долоо хоног бүрийн баасан гаригт хичээл хаялтаа үргэлжлүүлэх болсноор олон улсын анхаарлыг татаж,  дэлхийн өнцөг булан бүрт амьдардаг сурагчид, хүүхэд залуус түүнтэй нэгдэх болсон байна.

Ингээд Гретагийн эхлүүлсэн “Friday for future буюу “Ирээдүйн төлөөх баасан гариг” хөдөлгөөн хүчээ авч өнөөдөр дэлхийн 100 гаруй орны 1,700 орчим хот, тосгоны хэдэн арван мянган сурагч түүнтэй нэгдэн сонгогдсон баасан гаригт хичээлээ орхиж, цаг уурын өөрчлөлтийн эсрэг жагсаалд нэгдээд байгаа билээ.

Дэлхий даяар олон зуун сургуулиудад зочилж, хэдэн зуун мянган хүүхдүүдийг дэлхийн цаг уурын өөрчлөлттэй тэмцэж, өөрсдийн хувь нэмрийг оруулахыг уриалсан Грета Тунбергийг “Time” сэтгүүл 2018 оны хамгийн нөлөө бүхий өсвөр насны хүүхдээр тодруулав. Дараа нь тэрбээр мөн оны арванхоёрдугаар сард болсон НҮБ-ын цаг уурын өөрчлөлтийн эсрэг чуулга уулзалтад оролцож, дэлхийн олон орны зочид төлөөлөгчид, удирдагчдын өмнө үг хэлэхдээ тэднийг цаг уурын өөрчлөлт, байгаль орчны асуудалд хойрго хандаж буйг шүүмжилсэн.

АСПЕРГЕРИЙН ХАМ ШИНЖТЭЙ ГРЕТА

Швейцарийн Давос хотноо зохион байгуулагдсан “Давос-2019” дэлхийн эдийн засгийн чуулга уулзалтад ч тэр уригдан очсон юм. Чуулга уулзалтын үеэр арван зургаахан настай, аутизмын нэг төрөл болох аспергерийн хам шинжтэй сурагч охин “Та бүхэн өөрсдийн гэр орноо шатаж байна гээд төсөөлдөө. Эх дэлхий минь яг түүн шиг үгүй болж байна шүү дээ” хэмээн хэлж зочид төлөөлөгчдийг хэлэх үггүй болгосон байна. Грета 2018 оны арванхоёрдугаар сард аспергерийн хам шинж гэх өвчтэй болохоо мэдсэн юм. Тэрбээр мөн "TED Talk"-д оролцож өөрийн илтгэлээ тавьсан. Түүний оролцсон TED Talk-ийг та эндээс үзэх боломжтой.

 

Аспергерийн хам шинж бол аутизмын нэг хэлбэр бѳгѳѳд хорвоо ертѳнцийг хүлээж авч ойлгох, мэдээллийг боловсруулах, хүмүүстэй харьцах чадваруудын бэрхшээл юм. Аспергерийг аутизмын нуугдмал хэлбэр ч гэж хэлдэг. Ийм өвчтэй хүнийг гаднаас хараад танихад хэцүү байдаг. Түүнээсээ болоод аутизмын бусад хэлбэрийг бодвол хожуу оношлогдох нь олонтаа.

Тэд аутизмын гурвалсан бэрхшээл буюу
-нийгмийн харилцаанд оролцох чадвар,
-хүмүүстэй харьцах чадвар,
-тѳсѳѳлѳх чадвар муутай байдаг. Гэхдээ аутизмын бусад хэлбэрийг бодвол хэл ярианы асуудалгүй, оюун ухааны хѳгжил нь хэвийн, заримдаа бүр ѳндѳр түвшинд байдаг.

ГРЕТА ТУНБЕРГИЙН ХЭЛСЭН ЭШЛЭЛҮҮД

  • Уур амьсгалын өөрчлөлтийн талаар ярилцах гэж энд цугларсан та бүхнийг хувийн онгоцоороо ирснийг үнэхээр ойлгохгүй байна.
  • Удаан хугацааны туршид улстөрчид болон эрх мэдлийг гартаа авсан хүмүүс уур амьсгалын өөрчлөлтийн эсрэг юу ч хийхгүй, гараа хумхилаа. Тэд бидэнд итгэ гэж хэлэх дуртай. Гэхдээ бидэнд хоосон итгэл биш бодит ажил хэрэгтэй байна.
  • Бид өөрсдийн гэрийн даалгавраа хийчихсэн учраас энд нэгдэн жагсаж байна. Харин эрх баригчид хийгээгүй байгаа.
  • Өөрсдийн гэрээ шатаж байна гээд төсөөлөөд үз. Үүнтэй адил эх дэлхий минь үгүй болж байна.
  • Бага ярьж, их хийх хэрэгтэй. Бидэнд маш гайхалтай боломж бий. Гэхдээ энэ хэвээрээ үргэлжлүүлбэл, бид юунд ч хүрэхгүй.
  • Үнэн гэвэл бид бууран, доройтсоор байна. Гэхдээ бүхнийг өөрчлөх цаг бидэнд бий.
  • Та нар үр хүүхдүүддээ юунаас ч илүү хайртай гэж амаараа хэлдэг ч, тэдний ирээдүйг нүднийх нь өмнө хулгайлж байна.

ГРЕТА ТУНБЕРГИЙГ НОБЕЛИЙН ЭНХТАЙВНЫ ШАГНАЛД НЭР ДЭВШҮҮЛЭВ

Үеийнхнийгээ зөв зүйлд уриалан дуудаж, тэдний дуу хоолой болж буй түүнийг Шведийн парламентын гишүүн Фредди Аустегард тэргүүтэй улстөрчид энэ жилийн Нобелийн энх тайвны шагналд нэр дэвшүүлсэн. “Цаг уурын өөрчлөлтийн аюул занал бол юу юунаас илүүтэй дэлхийн нийтийн өмнө тулгамдаад буй хамгийн том асуудал юм. Энэ бол дайснаас ч илүү дайсан. Тиймээс Грета Тунберг охины өрнүүлсэн хөдөлгөөн нь дэлхийн энх тайванд асар их хувь нэмэр оруулсан гэдэгтэй олон хүн санал нийлнэ гэж бодож байна” хэмээн Фредди хэлжээ. Фредди Аустегард бол 2017-2021 оны хооронд Норвегийн парламентад ажиллахаар сонгогдсон 24 настай залуу улстөрч юм.

Хэрвээ Грета Тунберг Нобелийн энх тайвны шагналтнаар тодорвол, хамгийн балчир Нобелийн шагналтан болох юм.

Хүүхдийн эрх, тэр дундаа өсвөр насны охидын сурч боловсрох эрхийн төлөө тэмцэгч, 17 настай Малала Юсуфзай 2014 онд Нобелийн энх тайвны шагналыг хүртэж байсан билээ. Энэ жилийн 12 дугаар сард шагналтнууд тодрох ба 223 хүн, 78 байгууллага 2019 оны Нобелийн энх тайвны шагналд нэр дэвшсэн байна.

 

"Болор дуран"-аар шалгав.
Энэ мэдээнд өгөх таны сэтгэгдэл?
10
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ok 2019-03-28 64.119.24.215

ер нь монголчууд бүүр дээр үеэсээ маш их байгальд ээлтэй амьдарч байсан ард түмэн, ямарч хор байхгүй, нэг нэг чанартай зүйл хэрэглээд л боллоо, дэлхийн ертөнц энийг харин маш оройтож ойлгож байна, өрөө дүүрэн хувцас, гутал, булган шуба, матарын арьсан гутал цүнх гээд, дэлхийн энэ хэт эд материалын туйлшрал нь эргээд байгаль дэлхийг маш их сүйтгэж байгаа, харин ч манай монголын өвөг дээдэст наад нобелийн шагналаа өгүүл таарна, сүүлийн хорин 30 жил монголчууд дэлхийн хийсэн хог идлээ, чипс, сола,

Avatar

Зочин 2019-03-28 202.179.26.147

huurhii mini uvchtei yum baina. deer uyed pavel morozov geed etsgiigee hovloj aluuldag "aimaar shudarga" pioneriin tuhai unshuuldag baij bilee. neg tiimerhuu shine ueiin pioner ch yumuu

Avatar

У 2019-03-28 66.181.170.215

Та нар шиг хүн шүүмжлэхээс өөр ид шидгүй, юм хийдэг хүмүүсийг муулаад нийгэмд жоом шиг амьдарч байгаа хүмүүсийн дэргэд үнэхээр superstar байна. ТОмчууд ажлаа хийхгүй байгаагаас ухаалаг хүүхдүүд нийгэмд анхаарал татаж буй асуудалд олон нитйийн анхаарлыг хандуулж чадаж байна гэдэг гайхалтаЙ.

Avatar

Зочин 2019-03-28 139.5.218.100

uhaalag gene huurhiig bolij uz. ene bol media-giin hiij baigaa ajil. medeej climate change evgui sedev. gelee geed asperger syndrome-tai huurhii ohiniig ashiglaj shuugian uusgeed baih n hunleg ed uu? mongold emegteichuud ui olnooroo huchirhiiluulj bn gej baahan seveed gadnaas sanhuujilt avaad zugeer suuj baigaa targan targan avgai nariin business shig l sonsogdoj baina

Avatar

У 2019-03-28 66.181.170.215

Та нар шиг хүн шүүмжлэхээс өөр ид шидгүй, юм хийдэг хүмүүсийг муулаад нийгэмд жоом шиг амьдарч байгаа хүмүүсийн дэргэд үнэхээр superstar байна. Тмчууд ажлаа хийхгүй байгаагаас ухаалаг хүүхдүүд нийгэмд анхаарал татаж буй асуудалд олон нитйийн анхаарлыг хандуулж чадаж байна гэдэг гайхалта.

Avatar

Зочин 2019-03-28 64.119.16.100

Тэнэгтэж өгөх юмаа

Avatar

Зочин 2019-03-28 202.179.26.197

Путин шиг царайтай золиг вэ

Avatar

Fantomas 2019-03-28 122.201.21.26

Yamar mundag emkh tsegtstei yaridag huuhed ve? Turulhiin uran iltgegch baina, bas aguu eh oronch hunii\nshinj chanar enehuu byatshan bie oyun uhaand orshij baina da. Aguu aguu

NewsMN Гар утасны хувилбар Татах
NEWS.mn

Мэдээллийн эх сурвалж