Монголын анхны сургалтын эмнэлэг зургадугаар сард ашиглалтад орно | News.MN

Монголын анхны сургалтын эмнэлэг зургадугаар сард ашиглалтад орно

Хуучирсан мэдээ: 2019.03.28-нд нийтлэгдсэн

Монголын анхны сургалтын эмнэлэг зургадугаар сард ашиглалтад орно

Монголын анхны сургалтын эмнэлэг зургадугаар сард ашиглалтад орно

Монголын эрүүл мэндийн салбарын боловсон хүчний 95 хувийг бэлтгэдэг АШУҮИС-ийн сургалтын эмнэлэг буюу Монгол-Японы сургалтын эмнэлгийн барилгын үйл ажиллагаатай танилцлаа.

Баянзүрх дүүргийн 12 дугаар хороо буюу Амгаланд байрладаг тус эмнэлгийн барилгын ажил 2016 онд эхэлсэн бөгөөд 2018 оны долдугаар сард эмнэлгийг ашиглалтад оруулахаар төлөвлөөд байсан ч одоог болтол ашиглалтад ороогүй байгаа билээ. Монголд анх удаа баригдаж байгаа сургалтын эмнэлгийг ЖАЙКА-гийн буцалтгүй тусламжаар барьж байгаа юм. Тус эмнэлэгт II, III шатлалын эмнэлгийн тусламж үйлчилгээ үзүүлэхийн зэрэгцээ резидент буюу дадлагажигч эмч нарыг дадлагажуулна.

Япон технологиор эмнэлгийг бариад зогсохгүй, хамгийн сүүлийн үеийн техник тоног төхөөрөмж, боловсон хүчин, эмчилгээ, үйлчилгээ гээд бүх талаараа Японы эмнэлгийн үйлчилгээг нутагшуулж, “жинхэнэ” эмнэлгийн үйлчилгээг Монголчуудад мэдрүүлэх гэнэ. Жил бүр "нүүрээ угаагаад" ч өнгө ордоггүйн дээр ачаалал ихтэй, эмч, сувилагчид нь уцаартай гээд улсын эмнэлгийн үйлчилгээг хүн бүр голдог. Тэгвэл сургалтын эмнэлгээр дамжуулан өндөр хөгжилтэй орны эмнэлгийн үйлчилгээ ямар байдгийг мэдрүүлэх юм байна. Япон мэргэжилтний хэлсэнчлэн сургалтын эмнэлэг нь "Японд байна уу, Монголд байна уу" гэж эндүүрэхүйц үйлчилгээ үзүүлэх аж.

Төслийн хүрээнд хоёр хэлбэрээр хамтран ажиллаж байгаа юм. Үүний нэг нь Японы буцалтгүй тусламжаар барих эмнэлгийн барилгын ажил. Хоёр дахь нь, сургалтын эмнэлгийн техникийн хамтын ажиллагаа. Техникийн хамтын ажиллагааны хүрээнд Япон, Монгол сургалтын эмнэлгийн хүний нөөцийг чадавхжуулж, менежментийг боловсруулах юм.

МОНГОЛЫН ТАЛААС 2.7 ТЭРБУМ ТӨГРӨГИЙН ТӨХӨӨРӨМЖ НИЙЛҮҮЛЖ БАЙГАА

Барилгын ажилтай танилцах үеэр АШУҮИС-ийн захирал Ж.Цолмон “Эмнэлгийн барилгыг өнөөдөр/2019.03.28/ улсын комисст хүлээлгэж өгнө. Ингээд дөрөвдүгээр сарын 1-нд барилгыг хүлээн авах ёслол болж, зургадугаар сарын 17-нд амбулатори туршилтын журмаар ажиллаж, нээлтээ хийнэ. Дараа нь, наймдугаар сараас хэвтэн эмчлүүлэх тасаг ажиллана. Ингээд 2019 оны арванхоёрдугаар сар гэхэд эмнэлэг бүрэн хүчин чадлаар ажиллана.  Хоёр дахь төсөл буюу менежментийн төсөл үргэлжилж байгаа. Менежментийн төсөл нь 2016 оноос эхэлсэн, таван жил үргэлжилнэ. Энэ хүрээнд Монгол Улсад эмчлэх боломжгүй байгаа 26 төрлийн өвчнийг цөөлнө. Дэлхийд ашиглаж байгаа техник технологийг нутагшуулна. Менежментийн төсөл хэрэгжсэн хугацаанд эх орондоо 12 удаа сургалт зохион байгуулсан. Сургалтыг 200 гаруй япон зөвлөх, мэргэжилтнүүд явуулж, 1400 гаруй хүнийг хамруулсан байна. Мөн Японд есөн удаа сургалт зохион байгуулж, 66 эрдэмтэн, профессор хамрагдсан.

Гуравт, тоног төхөөрөмжийн төсөл хэрэгжээд ерөнхийдөө дуусч байна. Японы талаас 360 гаруй нэр төрлийн тоног төхөөрөмж суурилуулж байгаа. Монгол Улсад байхгүй, хамгийн сүүлийн үеийн компьютер томограф, ангиографи зэрэг төхөөрөмжүүд үүнд багтаж байгаа. Монголын талаас 2.7 тэрбум төгрөгийн зургаан багц төхөөрөмж нийлүүлж байгаа. Барилгын гадна талд бага зэргийн ажил үлдсэн байгаа. Үүнийг зургадугаар сард багтаагаад дуусгана. Монгол анх удаа сургуулийн эмнэлэг байгуулагдаж байгаа болохоор эрхзүйн хувьд асуудал үүсч байгаа ч сургуулийн эмнэлгийн талаарх зүйл заалтыг удахгүй оруулна” гэлээ.

7.9 ТЭРБУМ ИЕНЭЭР БАРЬЖ БАЙНА

ЖАЙКА-гийн Монгол дахь төлөөлөгчийн газрын дарга Тамура Эрико “Япон, Монгол сургалтын эмнэлэг төслийг долоон тэрбум 986 сая иенийн буцалтгүй тусламжаар барьж байгаа нь дэлхийд дээгүүр үнэлэгдэх өртөгтэйд тооцогдож байгаа. Япон, Монголын хамтын ажиллагаа 1977 оноос эхэлсэн. Тухайн үед Японы буцалтгүй тусламжаар “Говь” комбинатыг байгуулж байсан.Үүнээс хойш техник хамтын ажиллагаа, иенийн хөнгөлөлттэй зээл, буцалтгүй тусламж хэлбэрээр нийт 291.9 тэрбум иенийн төсөл хөтөлбөр дээр хамтран ажиллаад байна ” гэлээ.

ЭМНЭЛГИЙГ 270 ТӨРЛИЙН ХЭРЭГСЭЛ ДАГАЛДАНА

Барилгын ажилд зөвлөх үйлчилгээ үзүүлэгч Azusa Sekkei” компанийн мэргэжилтэн Миёши Оно  “Эмнэлгийн барилга хугацаандаа ашиглалтад орж чадаагүйд барилгын ажлын үед цаг агаарын хүндрэл үүссэн, барилгын материалын импорт удаашралтай байсан зэрэг нөлөөлсөн. Барилгыг томограф, ангиографи, рентген аппарат, клиник оношилгооны төхөөрөмж, хэвтэн эмчлүүлэгчийн ор, тэргэнцрээс эхлээд 270 төрлийн хэрэгсэл дагалдах болно. Энэ бүхэн 13.6 тэрбум иен төгрөг болж байгаа. Эмнэлгийн тоног төхөөрөмжийн угсралт суурилуулалтын ажил дөрөвдүгээр сарын 8-нд дуусна” гэсэн юм.

Сургалтын эмнэлэг нь 15 мянган ам метр талбайд байрлах бөгөөд амбулатори, дүрс оношилгоо, дуран, яаралтай түргэн тусламж, эрчимт эмчилгээ, мэс засал, лаборатори, эмийн сан, ариутгал, гал тогоо, бичиг хэрэг, захиргаа, сургалтын танхим, эмчийн үзлэгийн кабинет, морог зэрэг хэсгээс бүрдэж байна.  Мөн хэвтэн эмчлүүлэх 104 ортой аж.

Түүнчлэн Япон, Монгол сургалтын эмнэлэг нь Баянзүрх дүүргийн иргэдэд нэгдсэн эмнэлгийн, улсын хэмжээнд төрөлжсөн нарийн мэргэжлийн тусламж үйлчилгээг үзүүлэх бөгөөд иргэд эрүүл мэндийн даатгалаараа үйлчлүүлэх боломжтой юм.

Энэ мэдээнд өгөх таны сэтгэгдэл?
7
ГайхмаарГайхмаар
5
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-03-28 103.26.194.175

Баяр хүргэе орчин үеийн сайхан төхөөрөмжтэй болтой. Сургалтын анхны эмнэлэг гэж худлаа ярих юм. Улсын 1-р төв эмнэлэг үүснэн байгуулагдсан цагаасаа 1990 он хүртэл Анагаахын дээд сургуулийн бааз эмнэлэг байсан бүх багш нар тэнд ажилладаг, хичээлээ чөлөөтэй хийдэг, оюутнуудыг хөөж тууж байгаагүй байсан шүүдээ. Хэн хэн нь түүхээ, салбар яаж өдий хүрснийг мэдэхгүй худлаа ярьдгаа болимоор юмдаа. Улсынхаа, салбарынхаа, мэргэжлийнхээ түүхийг судалцгаа.

Avatar

zochin 2019-03-28 106.130.215.145

Japan'd iim emneleg uud ni mash sain uilchilgeetei bdag …. onoshilgoo ni sain bdag iluu sain teheeremj bdag Mongold yag adilhan tuvshind baigaasai …. adil bish bna uu ugui yu gedgiig Japand bgaa bsan buh humuus mash sain haraad medne

Avatar

mongol 2019-03-28 103.229.177.50

saikhan medee bn. bayar hurgeye.

Avatar

иргэн 2019-03-28 202.9.42.13

Захирлыг нь зөв хүнээр тавиараа. "Эрдмийн хүн" гээд байдагдаа. Өнгө, мөнгө, амбицаас хол тийм л хүн байвал хөгжинөө. тэгээгүй нөхцөлд мөнгө олох хэрэгсэл болоод дуусна.

Avatar

Зочин 2019-03-28 202.72.245.124

Сургуулийн багш нар дангаараа эмнэлгээ ажиллуулаад давхар хичээлээ заана гэвэл үлгэр тэх үү

Avatar

Ах 2019-03-28 103.26.192.43

Чи т1 байх аа

Avatar

hj 2019-03-28 66.181.167.182

teneg s** be yaagaad boldogguin

Avatar

Мө 2019-03-28 202.21.106.116

Баяр хүргий. Захирлыг нь доктороос доошгүй цол гуншинтай. Дунд эргэм насны бас япон школтой эрхэмээр тавьж өгөөрэй Эрэгтэй хүн бвл сн шүү

Avatar

nemo 2019-03-28 124.158.90.25

hamgiin saihan medee

Avatar

Зочин 2019-03-28 202.21.111.98

сайхан мэдээ байна,

Avatar

Зочин 2019-03-28 106.186.208.29

Ботаникийн хашаан дотор ямар ч модгүй хэсэгт барьсан. Монголчууд бид өөрсдөө модоо тарих хэрэгтэй.

Avatar

Зочин 2019-03-28 66.181.178.217

Ёстой цорын ганц гэгээлэг мэдээ байна!!! Харин манай авилгачид хувьдаа булааж авах гэж шантажлах г. м.-ээр саад хийж бүү л унтраагаасай билээ!!!!!!!!!

Avatar

mgl 2019-03-28 202.179.11.230

Shalnii parketiin ungu ni ogt zohitsoogui yum baina, er ni parket baidag buruu, edelgee daahgui. Bas l No orson bololtoi. Gehdee amjilt husiye, Mongold heregtei emneleg.

Avatar

Дарь 2019-03-28 202.126.89.94

Их сургуулийн эмнэлэг гээч. Энд сургалт, судалгаа, инновац, шинжлэх ухааны шинэхэн ололт гээд өч төчнөөн юм хамаарагдана.

Avatar

Зочин 2019-03-28 103.229.177.4

Ажлын өндөр амжилт хүсье.

Avatar

Нээрээ 2019-03-28 202.9.42.130

Хөлдүү хар эргүүнүүд ийм сайхан юм хийгээд өгч байхад сэтгэгдлийг нь хараарай. Мод тарьсан уу мод нь хаана байна ч гэж байх шиг. Өөрсдөө дараа нь тарьчихаж чадахгүй юу.

Avatar

зочин 2019-03-28 103.26.192.43

Тойруулаад сайхан мод тариасаасай.

Avatar

Зочин 2019-03-28 202.9.45.132

Botanikiin mod bna yy?

NewsMN Гар утасны хувилбар Татах
NEWS.mn

Мэдээллийн эх сурвалж