Галзуугийн сэжигтэй 48 тохиолдол бүртгэгджээ | News.MN

Галзуугийн сэжигтэй 48 тохиолдол бүртгэгджээ

Хуучирсан мэдээ: 2019.03.27-нд нийтлэгдсэн

Галзуугийн сэжигтэй 48 тохиолдол бүртгэгджээ

Галзуугийн сэжигтэй 48 тохиолдол бүртгэгджээ

Галзуугийн сэжигтэй тохиолдол ихсээд байна. Тухайлбал, Зоонозын өвчин судлалын үндэсний төвд он гарснаас хойш Булган, Говь-Алтай, Дорноговь, Дундговь, Орхон, Өвөрхангай, Өмнөговь, Сэлэнгэ, Төв, Увс, Ховд, Хэнтий, Хөвсгөл, Завхан, Өвөрхангай аймгийн 18 сум, нийслэлийн Баянзүрх, Бүхбаатар, Сонгинохайрхан, Чингэлтэй дүүргээс галзуу өвчний эрсдэлд өртөж, эрүүл мэндийн туслам, үйлчилгээнд хамрагдсан нийт 48 тохиолдол бүртгэгдээд байна.

Монгол Улсын хэмжээнд 1972 оноос хойш нийт галзуугийн хүний өвчлөл 36 бүртгэгдсэн бөгөөд 1978-1992 оны хооронд Улаанбаатар хотод нийт таван хүн галзуу нохойд хазуулж, уруулснаас өвчилж, нас барсан. Галзуу өвчнийг үүсгэгч вирус нь хүн, мал, амьтны мэдрэлийн тогтолцооны гол төв эрхтэн болох тархийг гэмтээн, улмаар нас баралтад хүргэдэг аюултай. Өнөөг хүртэл галзуу өвчнийг эмчлэх арга нээгдээгүй хэвээр байна.

Галзуу өвчнөөс хэрхэн урьдчилан сэргийлэх вэ? 

  • Галзуу өвчний эрсдэлд өртөх аливаа эрсдэлээс сэргийлж, сонор сэрэмжтэй байх
  • Мал, тэжээвэр амьтны зан авирыг ажиглаж, өөрчлөлт илэрсэн үед яаралтай мал эмнэлгийн байгууллагад мэдээлэх
  • Гэрийн тэжээвэр амьтныг бүртгэлжүүлж, урьдчилан сэргийлэх үзлэг, дархлаажуулалтад хамруулах
  • Хэрэв галзуугийн сэжигтэй мал, амьтны дайралтад өртсөн тохиолдолд нэн даруй савантай усаар шархыг 10-15 минут сайтар хөөсрүүлэн угаах, эмнэлэгт яаралтай хандаж, вакцины бүрэн тунд хамрагдах
  • Малчид бэлчээрт зэрлэг амьтны дайралтад өртөхөөс сэргийлэх, шалтгаан тодорхоогүй мал, амьтан үхсэн тохиолдолд мэргэжлийн байгууллагад хандахыг зөвлөж байна.

 

 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

1234 2019-03-27 202.9.42.94

тусламж

NewsMN Гар утасны хувилбар Татах
NEWS.mn

Мэдээллийн эх сурвалж