Уншигчид юунд мөнгөө зарцуулахдаа сэтгэл хангалуун байснаа ингэж ярьж байна.

Оюутны төлбөрийн зээл
-Хүү маань коллежид суралцахын зэрэгцээ гэр бүлээ тэжээж байлаа. Би түүнийг коллежоо төгсөх хүртэл нь хоёр жилийн турш сар бүр 700 ам долларыг түүний  дансанд хийдэг байсан юм. Хүү сургуулиа амжиллтай төгсөөд миний төлсөн төлбөрийг хоёр дахин нугалж өгсөн. Би ач хүүгээ коллежид ороход нь хэрэг болно гэж  хүүгийн өгсөн мөнгийг  банкинд хийсэн. 

Найда Скуэро Марина, Калифорни 
Байшин, орон сууц
-Би гэрийн тавилга, хэрэгсэл авахдаа хэр удаан эдлэхээ ер тооцдоггүй байж.

Харин нас ахихын хирээр эртний, чанар сайтай эд хэрэгсэл авахад мөнгө хэмнэдэг гэдгийг ухаарч байна. Ийм тавилгууд сонгодог хэрнээ, цагын шалгуурт тэсвэртэй байдаг.

Женнифер Амент
Вестминстер, Мерилэнд
 
-Миний амьдралдаа хийсэн хамгийн хожоотой наймаа гал тогооны  сайн хутга байсан. Мохоо хутгаар өдөр бүр ногоо хэрчих нажидтай ажил шүү.
Хитер Ворнеро
Нью Йорк
 
-Манайх одоо том хөргөгчтэй болсон болохоор хоол хүнсээ нэг мөсөн авч, мах, ногоо, жимс муудаж, зайрмагаа хайлах вий гэж санаа зоволтгүй болсон.

Женнифер Урбаник
Колумб, Огайо  
-Би халуун устай онгоцонд суух дуртай. Урт ажлын өдрийн эцэст тайвширч, алжаалаа тайлж, хайртай хүнтэйгээ дотно яриа өрнүүлэхэд сайхан байдаг юм.

Дебби Касталейн
Петоски, Мичиган
 
-Би байсхийгээд л шинэ пүүз авдаг. Тэтгэвэрт гарсан хойно хэрэг болно гэж тэр.

Элизабет Хоран
Сакраменто , Калифорни
-Би хивч цэвэрлэдэг машин авсан. Хэрэглэхэд маш амархан. Би хивс цэвэрлэгээ дуудах мөнгөө хэмнэж байгаа шүү. Бас хоёр настай хүү маань хивсэн дээр жимсний шүүс асгасан ч санаа зовохоо больсон.

Эбби МакЭнири
Арканкзас  
-Нөхөр бид хоёр фитнесст огт явах завгүй болохоор гэртээ дасгал хийдэг төхөөрөмж авсан. Эргэн тойрон толь бас олон хүмүүс байхгүй нь сайн хэрэг.

Пам Бевиер, Мичиган
Ажил, боловсрол
-Япон хэл сурсан маань надад гадаадад ажиллаж амьдрах боломж олгосон юм.

Би японоор ус цас шиг чөлөөтэй ярьдаг болсноор, олон сайхан хүмүүс болон өөр соёл, зан заншилтай танилцаж, өөрөөр амьдрах итгэл олж авсан юм.

Памела Маккартни, Массачусетс
-Би мэдээллийн технологийн салбарт хүчээ сорихоор шийдэж,  90 ам долларын үнэтэй гарын авлага авсан юм. Уг номноос олж мэдсэн зүйлийн тусалмжтайгаар би сард 2.200 ам долларын цалинтай ажилд орж чадсан юм даа.

Лоу Эл Хажж, Бейрут, Леван
Бэлтгэсэн  Н.Энх