Оросын болон дэлхий дахины суут хөгжмийн зохиолч Пётр Ильич Чайковский 1840 оны тавдугаар сарын 7-нд хуучны Оросын Вотинск хотод уул уурхайн инженерийн гэр бүлд мэндэлжээ. Энэ жил гоц авЬяас билэгт хөгжмийн зохиолч мэндэлсний 175 жилийн ой тохиож байгаа бөгөөд түүний төрсөн өдрийн баярыг Улсын Филармонийн Симфони найрал хөгжим тэмдэглэн өнгөрүүлэх гэж байна.

Тавдугаар сарын 07-нд 19.00 цагаас Улсын Филармонийн концертын танхимд ганцхан удаа болох П.И.Чайковскийн мэндэлсний 175 жилийн ойд зориулсан тоглолтод түүний туурвисан гайхамшигт олон бүтээлүүдээс тоглогдоно.

Тасалбарыг Филармонийн кассаар худалдах болон 1900-1617 дугаарын утсаар үнэгүй хүргэх юм байна.

Б.ЭНХ