“3 сая инээд” шоу нэвтрүүлгийн өчигдрийн /2019.03.24/ дугаарт  “Авьяаслаг Монголчууд-2018” шоуны шилдэг 32 оролцогчийн нэг элэглэгч бүсгүй Б.Буяндэлгэр оролцлоо. Түүний хувьд яруу найрагч Ц.Хулан, Төрийн шагналт МУГЖ Д.Сосорбарам, Асашёорюү Д.Дагвадорж нарыг дуурайн элэглэсэн юм. Шоуны дүрмийн дагуу өгөгдсөн эхний  нэг минутад оролцогч  бүсгүй шүүгч  М.Баярмагнай, Д.Баттөр  нарыг инээлгэснээр 100 мянган төгрөгийг хожиж, дөрөв дахь минутад нэг сая төгрөгийн эзэн болсон юм.

Түүний хувьд хамгийн сүүлийн буюу тав дахь минутад  амжин  шүүгчдийг инээлгэж чадвал гурван сая төгрөгийг хожих боломж байсан ч азаа үзэхийг хүсээгүй юм. Сонирхуулахад, “3 сая инээд” шоу нэвтрүүлэг өнгөрсөн хоёрдугаар  сарын 10-наас эхлэн үзэгчдийн хүртээл болсон билээ.

Э.БУРАМ