Эрдэмтэд халуун цай хорт хавдар үүсгэдэг болохыг мэдэгдэв. Тэд есөн жилийн турш хийсэн судалгаагаараа халуун цай уух нь улаан хоолойн хорт хавдар үүсгэж, өвчнийг улам даамжруулдаг гэсэн дүгнэлтэд хүрсэн байна.

Мэргэжилтнүүд 40-75 насны 50 мянга гаруй хүний хоол хүнсний хэрэглээг судалсны дүнд улаан хоолойн хорт хавдартай 317 хүнийг илрүүлжээ.

Эрдэмтдийн үзэж буйгаар, өдөрт 60 градусаас дээш халуун 700 мл цай уух нь хавдраар өвчлөх эрсдэлийг 90 хувиар нэмэгдүүлдэг байна. Ийм эрсдэлд орохгүйн тулд цайгаа ердийн температуртай болгож буюу бүлээнээр нь ууж заншихыг зөвлөжээ.

Эх сурвалж: Eurek Alert