Хөдөлмөрч хүнийг амьдрал шагнадаг | News.MN

Хөдөлмөрч хүнийг амьдрал шагнадаг

Хөдөлмөрч хүнийг амьдрал шагнадаг

“Монгол HD” телевизийн “Шарк Танк” шоу  нэвтрүүлгийн  хоёрдугаар улирлын сүүлийн дугаар өчигдөр /2019.03.24/ үзэгчдийн хүртээл боллоо. Сүүлийн дугаарт шүүгчид төдийгүй үзэгчдийн хүндэтгэлийг хүлээсэн оролцогч Б.Батбилэг Г.Дэлгэрнасан нар  байлаа. Тэд сүүлийн долоон жилийн хугацаанд өрхийн хэрэгцээний 0.7 га газар дээр 70 мкв амины орон сууц барьж зах зээлд борлуулж эхэлсэн байна.  Шүүгч нараас тэд 70 сая төгрөгийн хөрөнгө оруулалт хүсч, компанийнхаа 20 хувийг санал болгосон юм.

Б.Батбилэгийн хувьд 2005 онд авто осолд орж нуруу нугасны хүнд гэмтэл авчээ. Тэрбээр дөрвөн жилийн турш хөл дээрээ алхахын тулд эмчилгээ хийлгэн өмссөн хувцастайгаа үлдэх хүртлээ тэмцсэн гэдгээ хэлж байсан юм.

Тэрбээр “Эхнэр маань Хөвсгөл аймагт цэцэрлэгийн эрхлэгч хийдэг байсан. Намайг асрах гээд ажлаасаа ч гарсан. Олон жил эмнэлгээр явсны эцэст дахиж алхаж чадахгүй гэдэг хариуг сонсоод  хэцүү байсан. Бүх юм буруугаар эргэж байгаа юм шиг л  санагдсан. Ойр дотны хүмүүсээс ганц хоёрхон л хүмүүс  хажууд үлддэг юм билээ” гэж ярьж байлаа. Хэдийгээр тэр биеийн тулгуур болох хөлөө алдаж, тэргэнцэртэй явах болсон  ч амьдралаа хөл дээр нь босгож чаджээ. Өмссөн хувцастайгаа үлдсэн тэр өнөөдөр бизнес эрхлэгч болж, олон олон гэр бүлийн орон гэрийг бэлдэж, галыг нь бадраасан байна.

Тэргэнцэрт суулаа гэж хэнд ч гомдоллоогүй тэсвэр тэвчээрийг нь, амьдралын төлөө гэх тууштай тэмцлийг нь үнэлж шаркууд тэдэнд хөрөнгө оруулалт оруулсан юм. Шүүгчид бүр хоолой зангируулж, нулимс дуслуулан байж тэсвэр тэвчээр, хүсэл эрмэлзэл, хөдөлмөр зүтгэл, амьдралын төлөөх тэмцлийг нь үнэллээ.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
4
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

dsn 2019-03-25 64.119.20.96

Luivar hiij deesh garsan hen bolovch hunii zovlong medehgui shuudee .luivarchdiin egnee ulam l telseer jiriin irged hohino bolsoor bndaa .erhten bugd shn yrisan ch ergeed tansaglaldaa orhoor buhniig umartan tarhi n ergedeg jamtai bljee.

Avatar

Хэрэрэ 2019-03-25 45.117.35.8

Мэдээж хэрэг тусалж байгаа нь сайн гэхдээ Шарк хэртэй нөхдүүд хүний зовлонгоор нэвтрүүлгээ рекламдаж шоудсан шүү, худлаа уйлцгаах гээд л юу вэ

Avatar

Зоч 2019-03-25 103.57.92.219

Монголын нийгэм харгис босондоо зөв замаар яваа гэж боддоггүй.Сайхан сэтгэлээ гээгүй олон хүн б.на. Жижиг бизнес эрхлэгчдийг дэмжмээр б.на.

Avatar

Зочин 2019-03-25 122.201.24.195

Манай 2 залуу шарк арай муухай жүжиг байсан уу үгүй юу. Юм үзээгүй нь харагдаад байхын. Үүнээс илүү зовлон эдлээд амьдралын төлөө зүтгэж байгаа хүмүүс олон байгаа шүү

Avatar

зочин 2019-03-25 139.5.216.228

заавал өө хайх юмаа тээ

Avatar

2 шарк залуу уйлсанд би их баярласан 2019-03-25 66.181.191.241

Зүгээр мөнгөө өгч болох л байсан. Тэд жүжиглэж уйлаагүй. Яах гэж ...? Юуны тулд ...? Шарк Энхтүвшин, Амартүвшин хоёрыг хүн сэтгэлээ гээгээгүй байгаад Монгол улсын жирийн бүх иргэдийн өмнөөс талархаж байна. "Хүний сэтгэл" гэдэг энэ 2 залууд байна даа л гэж харагдсан. Илүү зовж байгаа хүмүүс олон байгаа байхаа. Монгочуудын 90% ядуу амьдарч байна. Монголын эмгэнэл.

Avatar

Хүн чанар гэж байдаг юм уу.. ??? ГЭЖ 2019-03-25 66.181.191.241

Энэ эрэгтэйн хэлсэн үг бол бидний амьдарч байгаа энэ нийгмийн "ТОЛЬ" юм. Хүн чанаргүй хог шаар болсон нийгэмд амьдарч байна. Амьдрлын төлөө бор зүрхээрээ тэмцэж байгаа энэ гэр бүлээс УИХ-ын ЖДҮЧИН гишүүд уучлалт гуйж ичиж амьдрах хэрэгтэй. Авилгачин, луйварчин улстөрчид, буруу гараар баяжсан хүмүүс газрын гаваар далд ороорой

Avatar

ааа 2019-03-25 212.139.84.219

Муусайн ЖДҮ-чин УИХ-ынхныг бодох тусам уур хүрэх юм. Хамгийн зэвүүн нь Оюундарь, Жадамбаа генералийн хүү, Содбаатар нарын хариултыг та нар сонссон уу? Тэд буруу юм хийсэн гэж өөрснийгөө бодохгүйгээр барахгүй, сайн үлгэр дууриал үзүүлж зээлийн мөнгийг яаж ашиглаж буй гэж тэнэгтдэг байгаа. Тэдний нэгнийх нь авсан 960 саяыг л гэхэд энэ хоёр шиг 10-20 жижиг дунд бизнес эрхлэгчид аваад монголын дундач давхрага хөгжих боломжтой байв аа гэдгийг бодож чадахгүй тийм л тэнэг байгаа байхгүй юу

Avatar

Зочин 2019-03-25 64.119.17.89

хүний сайхан сэтгэлээ гэж амжилт хүсье

NewsMN Гар утасны хувилбар Татах
NEWS.mn

Мэдээллийн эх сурвалж