Монголын баг хаалгандаа дахин гоол алдав

Монголын хөлбөмбөгийн талбайд 23 хүртэлх насны Азийн аварга шалгаруулах тэмцээний урьдчилсан шатны “G” хэсгийн тоглолтууд болж байгаа билээ. Өчигдөр болсон Монгол, Хонгконгийн тоглолт 1:0-оор зочин багийн ялалтаар өндөрлөв. Манай хөлбөмбөгчид эхний тоглолтод БНАСАУ-ын багт 1:0-оор хожигдсон бөгөөд хоёр дараалан ялагдал хүлээснээр хэсгийн сүүлд бичигдсэн хэвээр үлдлээ. Хэрвээ өчигдрийн тоглолтод тэнцээ хийх юмуу хожил авсан бол манай залуус сүүлийн тоглолтоос их зүйлийг харах байв. Гэвч энэ удаа хаалгандаа дахин нэг гоол алдсанаар цааш шалгарах боломжгүй боллоо.

Герман дасгалжуулагч Ханс Майкл Вайссээр удирдуулсан Монголын баг энэ удаагийн тоглолтод дараалан хожигдсон ч богино хугацаанд бүрдсэн багийн хувьд чамгүй амжилт болж байна. Хэсгийн хүчтэй баг БНАСАУ-ын багтай тэнцүүхэн тоглолтыг хийж 1:0-оор хожигдсон ч Хонконгтой мөн 1:0-оор ялагдан оноо авч чадсангүй. “G” хэсгийг БНАСАУ, Хонконг дөрвөн оноотой тэргүүлж эхэлсэн бол Сингапур хоёр оноотой удаалж байна. Хэсгийн сүүлийн тоглолт маргааш болж, цааш өрсөлдөх багийн нэр тодорно.

ДҮН: /Хоёр тоглолтын дараа/

БНАСАУ – 4 оноо /1 хожил, 1 тэнцээ/

Хонконг – 4 оноо /1 хожил, 1 тэнцээ/

Сингапур -2 оноо /2 тэнцээ/

Монгол -0 оноо /хоёр хожигдол/

ТОГЛОЛТЫН ХУВААРЬ:

03.22