Германы Штутгарт хотноо болж буй "Porsche Tennis Grand Prix" тэмцээний хоёрдугаар тойргоос ОХУ-ын Мария Шарапова хасагдлаа.

Тус тэмцээнийг тэргүүлэн тоглосон Мария Шарапова Германы А.Керберт 6:2, 5:7, 1:6-аар хожигдож, тэмцээнээ өндөрлүүллээ. Түүний хувьд хоёрдугаар тойргоос тэмцээнээ эхлүүлсэн ч цааш өрсөлдөх боломжгүй болсон байна. Кербер шөвгийн наймд мөн ОХУ-ын теннисчин Е.Макароватай тоглохоор оноолт таарчээ.

Өдгөө дэлхийн чансааны хоёрт бичигдэж буй Шарапова  "Porsche Tennis Grand Prix" тэмцээнд сүүлийн гурван жил дараалан түрүүлээд байсан юм.

Ч.БОЛ