МУГЖ, дуучин С.Жавхлан улстөрийн өнгө аястай мэдэгдэл, мэдээлэл хийж үе үе хүмүүсийг алмайруулах нь бий. Эх оронч сэтгэлийн үүднээс гэнэтийн шийдэл гаргаддаг гавьяат маань энэ удаа жинхэнээсээ эх оронч шийдвэр гаргаж, “Хамаг Монгол” төслийнхөө хамт олонтой хамт Дорнод аймгийн Баян-Уул суманд гарсан түймрийн голомтод ажиллаж байгаа ажээ.

Дуучин С.Жавхлан дадсан заншлынхаа дагуу монгол үндэсний хувцсаа өмсөн, гал түймрийн аюулаас байгаль дэлхийгээ хамгаалах их үйл хэрэгт гар бие оролцож яваад талархах хүмүүс олон байна. “Хамаг Монгол” төслийнхөн өчигдөр Баян-Уул сумын удирдлага хамт олонд хандивын зүйлсээ хүлээлгэн өгчихөөд галын цэг рүү хөдөлжээ. Тэрбээр “Байдал хүнд байгаа тул хүн бүрийг түймрийн эсрэг хүчээ өгөхийг залуус уриалж Бидэнд нэмэлт хүч хэрэгтэй байна” хэмээн фэйж хуудастаа бичжээ.

М.СУРА