"Томилсон хүндээ биш төрийн сүлдэндээ үнэнч ажиллаарай" | News.MN

"Томилсон хүндээ биш төрийн сүлдэндээ үнэнч ажиллаарай"

"Томилсон хүндээ биш төрийн сүлдэндээ үнэнч ажиллаарай"

"Томилсон хүндээ биш төрийн сүлдэндээ үнэнч ажиллаарай"

Аюулгүй байдал, гадаад бодлогын байнгын хорооны хуралдаанаар ЗХЖШ-ын даргад А.Ганбатыг томилох эсэх асуудлыг хэлэлцэж, байнгын хорооны  гишүүдийн 93.3 хувиар  түүнийг  ЗХЖШ-ын даргад дэмжлээ. Хэлэлцсэн  асуудалтай холбогдуулан гишүүд үг хэлж,  асуулт тодруулсан юм.

УИХ-ЫН ГИШҮҮН Ж.ЭНХБАЯР:

-Монголын Зэвсэгт хүчин бол арми фронтын хэмжээний байлдааны сургуулилт явуулдаг. Олон мянган техник, цэргийн албан хаагчидтай  орчин үеийн ерөнхий цэргийн зориулалтын арми болж өргөжсөн. ЗХЖШ-ын  даргад нэр дэвшиж буй  А.Ганбатын хувьд бүх шатны ангийг дамжсан цэргийн дээд сургуулиудыг Монголоос алтан медальтай төгссөн цөөхөн хүний нэг. Хамгийн гол нь  Монголын Зэвсэгт хүчний шилдэг дарга нарын гараар бэлтгэгдсэн, Цэргийн шинжлэх ухааны доктор ийм хүн. Таныг ЗХЖШ-ын дарга болно гэдэгт итгэлтэй байна. Гурван асуулт байна. Олон улсад Монгол Улсын зэвсэгт хүчний үүрэг өндөр. Цааш нь энэ үйл ажиллагаагаа улам өргөтгөх энхийн ажиллагаанд оролцох хүч нөөцөө нэмэгдүүлэх зорилттой ажилладаг. Мөн дотоодын байлдааны ангиудын зэвсэг техник боловсон хүчнийг дээшлүүлэх, эх орноо хамгаалах үндсэн үүргийг чанаржуулах ажил тодорхой хэмжээгээр хоцрогдсон. Үүнтэй холбоотойгоор цэргүүдийн сахилга бат зарим газар суларсан. Нийгмийг доргиосон үйл явдал боллоо. Тиймээс яаралтай цэргийн сахилга батыг сайжруулах шаардлага үүссэн. Орчин үед кибер хүч гэдэг шинэ ойлголт бий боллоо. Монголын Зэвсэгт хүчин энэ хүчийг бий болгох зайлшгүй шаардлага байна.  Мөн барилгын инженерийн ангиудыг эх орны бүтээн байгуулалтын үйл ажиллагаанд оролцуулах саналыг Ерөнхийлөгч ярьж байгаа. Үүнийг би ч дэмжиж байна. Гэхдээ нэг анхаарах зүйл нь байлдааны ангиуд үүнд оролцдоггүй.

 

ЗХЖШ-ЫН ДАРГАД  НЭР ДЭВШИГЧ А.ГАНБАТ:

-Миний өмнөх ажиллаж байсан зэвсэгт хүчний удирдлага, дарга нарын явуулж байсан энхийг дэмжих үйл ажиллагааны чадавхыг бэхжүүлэх чиглэлд гаргасан амжилт бүтээлийг нь улам төгөлдөржүүлж шинэ шатанд гаргах чиглэлд идэвхийлэн ажиллана. Инженерийн анги салбарын орон тоо, бүтцийг шинээр харж, үүнд цэргийн албан хаагчдыг оролцуулах асуудалд ажиллах зайлшгүй шаардлага бий. Таны хэлсэнчлэн кибер аюулгүй байдал, довтолгооны чиглэлд өөрийн зүгээс бодсон , төлөвлөсөн зүйл бий. Ерөнхийлөгч Х.Баттулга “Нэг цэрэг-нэг бүтээн байгуулалт” гэсэн төслийг санаачилсныг би дэмжиж байгаа. Уг төсөлд манай салбар хэрхэн яаж оролцох уу гэдгээ хуулийн хүрээнд болон Зэвсэгт хүчний өөрийн боломжийн хэмжээгээр оролцох боломжтой.

 

УИХ-ЫН ГИШҮҮН Х.НЯМБААТАР:

 

 

-Монгол Улсын Зэвсэгт хүчин олон улсын энхийг сахиулах ажиллагаануудад маш амжилттай оролцож, эх орныхоо нэр хүндийг өндөрт өргөж ирсэн. Үүний зэрэгцээ дотооддоо зэвсэгт хүчний анги нэгтгэлийн удирдлагууд хариуцлага алдаж энх цагт цэрэг эрсийн амь нас эрсдэх явдал сүүлийн үед ихэд гарах боллоо. Өмнөх Батлан хамгаалахын сайд үүнтэй холбоотойгоор хариуцлага үүрье гэдэг асуудал ч яригдаж байсан. Чиг үүрэг, удирдлагын хүрээнд бол ЗХЖШ-ын даргад цэргийн анги нэгтгэлийн удирдлагууд шууд харьяалагддаг. Томилгоо, сэлгээ хийх эрх нь ч ЗХЖШ-ын даргад хамааралтай. Батлан хамгаалахын сайд бол улс төрийн албан тушаалтан гэдгийг манайхан төдийлөн сайн ойлгодоггүй. Та ЗХЖШ-ын дарга болсноор цэргийн анги нэгтгэлүүдэд сахилга, хариуцлагыг дээшлүүлэх,  энх цагт цэрэг эрс эрүүл мэнд, амь насаараа хохирдоггүй байх сахилгажуулах тал дээр ямар бодлого барьж ажиллах вэ?

 

ЗХЖШ-ЫН ДАРГАД  НЭР ДЭВШИГЧ А.ГАНБАТ:

-Бидэнд ололт, амжилтын аль аль нь байна. Цаашид анхаарах зүйлс ч зайлшгүй байна. Сүүлийн үед Монгол Улсын Зэвсэгт хүчний нэр хүндэд сөргөөр нөлөөлсөн зөрчлүүд гарсанд эмгэнэж байна. Энэ хэрээр бидэнд том сургамж боллоо. Хэрэв би ЗХЖШ-ын даргаар томилогдвол энэ талаар судалгаа хийж юунд анхаарах уу, юуг сайжруулах уу гэдгээ эхлээд тодорхойлно. Зэвсэгт хүчин бол нийгмийн салбар хэсэг. Янз бүрийн ааш авир, хүмүүжилтэй хүмүүс ирж алба хаадаг учраас бид тэднийг төлөвшүүлэх, эх орон ч үзлийг суулгах чиглэлд анхаарч ажиллана.

 

УИХ-ЫН ГИШҮҮН Я.САНЖМЯТАВ:

-ЗХЖШ-ын даргад  нэр дэвшигч А.Ганбатыг мэргэжлийн хувьд бэлтгэгдсэн цөөхөн боловсон хүчнүүдийн нэг гэж харж байна. Би таньж, мэдэхгүй ч танилцуулгаас нь харсан. Салбартаа хүлээн зөвшөөрөгдсөн хүн гэж ойлгосон. Туршлагатай хүний хувьд төлөвлөсөн ажил, бодлогоо хэрэгжүүлэх байх. Өнөөгийн шинэ цаг үед олон зүйлийг санаачлан хийх шаардлага байна гэж  би хувьдаа боддог. Х.Нямбаатар гишүүний ярьсантай санал нийлж байна. Алтан сайхан үрийг нь авч хүмүүжүүлнэ гэж  цэрийн албанд авчхаад зоддог, дарамталдаг энэ байдалд цэг тавихад анхаараасай гэж хүсч байна.

 

 

ЗГХЭГ-ЫН ДАРГА Л.ОЮУН-ЭРДЭНЭ:

-Ийм, тийм зүйл хийгээрэй гэж захихаас илүү төрийн сүлдэндээ үнэнч, ёс зүйтэй байгаарай, байгууллагынхаа нэр хүндийг бодож ажиллаарай, хувь, хувьсгалаа ялгаарай, томилсон хүндээ биш төрийн сүлдэндээ үнэнч ажиллаарай гэж захья. Хууль хяналтын байгууллагуудыг  Монгол Улсын тусгаар тогтнол, төрт ёс гэж ард түмэн хардаг. Шударга ёсны хэм хэмжүүр гэж хардаг. Төрийн сүлдэндээ сүү өргөдөг ард түмэн үнэндээ та бүхнээр төрийг төсөөлдөг. Зөвхөн улстөрчдөөр биш. Энэ бүхнийг бодож ажиллаарай, та.

 

 

 

 

НЭР ДЭВШИГЧ ХОШУУЧ ГЕНЕРАЛ А.ГАНБАТЫН НАМТАР:

  • 1962 онд Улаанбаатар хотод төрсөн.
  • 1969-1979 онд Д.Сүхбаатарын нэрэмжит Улаанбаатар хотын арван жилийн II дунд сургууль,
  • 1979-1983 онд ЗХУ-ын Одесс хотын Цэргийн нэгдсэн дунд сургууль,
  • 1988-1991 онд ЗХУ-ын Москва хотын М.В.Фрунзын нэрэмжит Ерөнхий цэргийн академи,
  • 1998-2000 онд ОХУ-ын Зэвсэгт хүчний Жанжин штабын академи,
  • 2004 онд АНУ-ын Калифорни мужийн Монтерей хотын Тэнгисийн цэргийн сургалтын дараах сургуулийн Батлан хамгаалах нөөцийн менежментийн дээд дамжааг тус тус төгссөн байна.

1979 онд ЗХУ-ын Одесс хотын Цэргийн нэгдсэн дунд сургуульд элссэн цагаасаа хойш зэвсэгт хүчинд албанд ажиллаж байна. Тодруулбал, Ардын армийн 019 дүгээр ангид сургуулийн салааны захирагч, БХЯ-ны долоодугаар хэлтэс, ЗХЖШ-ын нэгдүгээр газарт офицер, Ардын цэргийн 126 дугаар нэгтгэлийн штабын даргын нэгдүгээр орлогч, оперативын тасгийн дарга, Зэвсэгт хүчний 131 дүгээр ангийн штабын дарга, захирагчийн нэгдүгээр орлогчоор ажиллаж байв. Мөн ЗХЕШ-ын Хэмжил зүй, техник хяналтын албанд улсын байцаагч, хэмжил зүйч, БХЯ-ны Стратегийн судалгааны хүрээлэнд эрдэм шинжилгээний ажилтан, ЗХЕШ-ын Цэргийн удирдлага, стратегийн төлөвлөлтийн газрын орлогч дарга, хэлтсийн дарга, ЗХЖШ-ын Сургалт, зохион байгуулалт эрхэлсэн орлогч дарга, ЗХЖШ-ын нэгдүгээр орлогч дарга, Цэргийн удирдлага, стратегийн төлөвлөлтийн газрын дарга, ЗХЖШ-ын тэргүүн дэд дарга, Ерөнхий зориулалтын цэргийн командлагч, Улаанбаатар Цэргийн хүрээний даргаар тус тус ажиллаж байсан бөгөөд 2005 онд хошууч генерал цол хүртжээ.

"Болор дуран"-аар шалгав.
Энэ мэдээнд өгөх таны сэтгэгдэл?
9
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БХЯ-ны стратегийн судалгааны хүрээлэнд С. Баяртай хамт байсан. 2019-03-22 103.212.118.205

БХЯ-ны стратегийн судалгааны хүрээлэнд С.Баяр, Р.Болд нарын бэлтгэсэн хүн. Стратегийн судалгааны хүрээлэнд ажиллаж байсан хүмүүсээс тагнуул төрдөг гэж ярьдаг. Эх орондоо, элгэн түмэндээ үнэнч ажиллаарай.

Avatar

Зочин 2019-03-22 103.212.118.205

mgkrtoeowjd

Avatar

Ард түмэн 2019-03-22 202.131.238.166

Оюун-Эрдэнэ үнэхээр зөв хэлжээ. төрийн бүлдэндээ түмэн олондоо үнэнч байгаарай

Avatar

Зочин 2019-03-22 78.187.120.177

С.Баяр, Р.Болд хоёрын бэлтгэсэн хүн дээ

Avatar

Дэмжигч 2019-03-22 202.131.233.190

Монголын арми энэ хүнийг ашиглах ёстой. Харин ч цаг нь оройтож байна. Цэргийн бүх шатны сургууль, дээр нь алтан үеийн дарга нарын гараар орсон цөөн хүний нэг гэж Ж. Энхбаярын хэлдэг үнэн шүү. Армийг хүнд үед нь наймаа худалдаа хийнэ гэж тушаалаа ч гаргуулалгүй хаяж явчихаад, гайгүй үед нь танил талаараа ирж, хурандаа болсон ерундаа нар одоо зайлуулагдана гэж найдаж байна.
Хов жив зөөсөн, айрагны хөхүүр шиг гүзээтэй мөрдөстэй нөхдөөс хамгийн түрүүн биеийн тамирын шалгалт аваарай.

Avatar

Зочин 2019-03-22 66.181.171.34

Заа даа мэдэхгүй. Хуулийн суган доогуур бултаад сурчихсан хүн одоо ч цагаандаа гарч мэдэх л юм. Харж л байя даа.

Avatar

Netizen 2019-03-22 64.119.20.167

Наад Ганбат чинь хятадын тагнуул шүү. Бээжингийн нисэх буудал дээр хятад бие үнэлэгчдийг найгүй хусдаг баагийдаа.

Avatar

Зочин 2019-03-22 202.179.25.187

Хүн чинь овгоороо бахархдаг биз дээ. А -гээд л байх юм Нэрийг нь бүтнээр бичиж болдоггүй юм болов уу. Төрд ажиллах хүмүүс тангараг өргөөд л байдаг. Түүнийгээ л хэрэгжүүлвэл боллоо доо

Avatar

RGB 2019-03-22 49.0.212.192

МОНГОЛ ХҮН ЭЦГИЙНХЭЭ НЭРИЙГ ДУУДДАГГҮЙ ЗАНШИЛТАЙ ЮМ, ЭНЭ САЙХАН ЗАНШЛЫГ УВС САМАНДЫН ЖАВХЛАН ҮГҮЙ ХИЙСЭН, ЮМ Л БОЛ САМАНДЫН ЖАВХЛАН, САМАНДЫН ЖАВХЛАН , САМАНДЫН ЖАВХЛАН ГЭСЭЭР БАЙГААД ЖИШИГ БОЛГОЧИХСОН.

Avatar

zochin 2019-03-22 202.179.27.130

uneheer bolj bna shuu. mergejliin hun ene salbariig avaad yavah buren chamjtai haragdaj bna.

NewsMN Гар утасны хувилбар Татах
NEWS.mn

Мэдээллийн эх сурвалж