Хоёр сарын дотор зам тээврийн ослоор 56 хүн амиа алджээ | News.MN

Хоёр сарын дотор зам тээврийн ослоор 56 хүн амиа алджээ

Хоёр сарын дотор зам тээврийн ослоор 56 хүн амиа алджээ

Хоёр сарын дотор зам тээврийн ослоор 56 хүн амиа алджээ

Тээврийн цагдаагийн газраас өнөөдөр /2019.03.22/ цаг үеийн асуудлаар мэдээлэл өглөө. Тээврийн цагдаагийн газрын дарга Д.Амарсайхан "Манай улсад өнөөдрийн байдлаар 960 мянган орчим тээврийн хэрэгсэл, нэг сая орчим жолооч 12 мянган километр хатуу хучилттай авто зам байдаг. Замын хөдөлгөөний аюулгүй байдлыг хангах чиглэлээр улсын хэмжээнд 972 алба хаагч ажиллаж байгаагаас 427 нь нийслэл хотод хяналт тавьж байна. Нийслэлийн хэмжээнд өдөрт 400 мянган тээврийн хэрэгсэл замын хөдөлгөөнд оролцдог ажээ. Мөн нийслэлийн хэмжээнд хоногт 410 алба хаагчийн бүрэлдэхүүнтэйгээр 117 цэг дээр хяналт тавьж байгаа бөгөөд цаашид 213 цэгт хяналт тавих шаардлагатай байгааг хэллээ. Захын хорооллоор алба хаагчид дутагдалтай байдаг.

Монгол Улсад гол болон салбар замуудад нийтдээ 280 гаруй авто төмөр замын гарамтай бөгөөд үүнээс 122 гарам нь өндөр ачаалал бүхий нийтийн хэрэгцээний төмөр замын гарам байгаа. 98 гарам нь галт тэрэг ойртон ирж буй мэдээллийг дохио, тэмдгийн зохицуулалттай. Түүнчлэн жолооч нар анхаарал болгоомжгүй байдлаас галт тэрэгтэй мөргөлдөх, мөргүүлэх осол нэлээд бүртгэгдсэн байна.

2019 оны эхний хоёр сарын байдлаар Тээврийн цагдаагийн албанд 11479 дуудлага мэдээлэл иржээ. Үүнээс 4265 хэргийг шалгаж шийдвэрлэжээ. Он гарсаар зам тээврийн ослоор 56 хүн амиа алдаж, 165 хүн гэмтсэн байна.

Осол хэргийн тоо өмнөх оны мөн үетэй харьцуулбал 29.1 хувиар буурсан дүн мэдээтэй байгаа аж. Орон нутагт замд яваа жолооч нар анхаарал болгоомжгүй яваагаас 47 хүн орон нутагт нас баржээ. Нийслэлийн хэмжээнд өглөөний түгжрэл 07.30 цагт эхлээд үүсдэг болсон. Хөдөлгөөний ачаалал зарим замуудад хэвээрээ байна. Манай алба хаагчид цагийн уртасгасан хуваарьтай ажилладаг. Тухайлбал, нэг алба хаагч долоо хоногт 40-48 цагийн үүрэг гүйцэтгэдэг. Хоногт нийслэлийн хэмжээнд 230-250 зам тээврийн осол мэдээлэл бүртгэгддэг. Үүний дийлэнх нь эд материалтай холбоотой осол бүртгэгдэж байгаа” гэв.

Үүний дараа сэтгүүлчдийн асуултад хариулт өглөө.

-Өнгөрөгч долоо хоногт цагдаагийн дэд даргын жолооч осол гаргаж хүний амь нас хохироосон гэсэн мэдээлэл бий. Үүнд тайлбар өгөөч?

-Саяхан Нийслэлийн цагдаагийн дарга бөгөөд ЦЕГ-ын дэд даргын жолооч зам тээврийн хөдөлгөөнд оролцож байхдаа осол гаргаж хүний амь нас хохироосон хэрэг гарсан. Дуудлага гарсан даруйд алба хаагчид шуурхай ажилласан. Уг хэргийг Мөрдөн байцаах албаны тусгай субъект шалгаж байна.

-Сүхбаатарын талбайн хажуу талын замыг эргэхийг хориглосон байсан. Ямар шалтгаанаар тэр юм бол?

-Хөдөлгөөний түр зохион байгуулалтыг судалгаатай хийдэг. Түгжрэлийн улмаас ачааллаа дийлээхээ болиод ирэхээр түр зуурын зохион байгуулалтыг хийгээд байгаа юм. Өнөөдөр нэг жолооч зам дээр хэдхэн минут зогсоход Улаанбаатар хот нийтдээ түгжрэх эрсдэлтэй болчхоод байна. Иймд түр хугацааны зохион байгуулалтыг Авто тээврийн үндэсний төвөөс хийж байгаа. Манайхаас ард иргэдийнхээ амь нас, эрүүл мэндийг хамгаалах, хөдөлгөөний аюулгүй байдлыг хангах чиглэлээр ажил хийнэ.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Болд 2019-03-22 103.57.94.218

7, 8 саруудад жинхэнэ үхэл ирнэ одоо бол юу ч биш яаг энэ саруудад хэдэн зуугаараа үхэцгээдэг, амралт зугаалга гээд аспальтан замууц цусанд будагддаг, 7,8 сард үхэх хүн алах мангар пацаанууд пүүжгээгээ унаад давхилдаж байна хотын гудмаар...

Avatar

иргэн 2019-03-22 202.179.26.190

яанаа цөөхөн Монголчууд маань Хэнэггүй явдал Тоомжиргүй байдлаасаа болж Энхийн цаг үед ахар богино цаг хугацаанд ингэж олноороо Амь насаа алдаад байдаг 2-хон сарын дотор зөвхөн л Зам тээврийн Ослоор 56н иргэн Бурханы оронд заларчихдаг мөн тоогүй еэ

Avatar

Зочин 2019-03-22 139.5.217.192

zam daguuh haaltuudaa bugdiig n avch hay aa.dandaa horino hashna gedgee boli

Avatar

RGB 2019-03-22 49.0.212.192

МАН намын жолооч

Avatar

Зочин 2019-03-22 66.181.171.34

Цагдаагаас хэдэн хүн ЖДҮ-д холбогдсон бол оо.

Avatar

Цагдаа өөрөө урсгал сөрдөг 2019-03-22 202.21.127.161

Цагдаагийнхан их онгироо, үнэн худал нь мэдэгдэхгүй дуут дохио хангинуулаад давхина, урсгал сөрнө, тэгж яваад л осол гаргаа биз. Уг нь цагдаа бол дүрэм журмаа мөрдөж бусдад үлгэрлэж байж, бусдад шаардлага тавинаа даа

NewsMN Гар утасны хувилбар Татах
NEWS.mn

Мэдээллийн эх сурвалж