K-поп од Жун Жүн Ёныг баривчилжээ

Хуучирсан мэдээ: 2019.03.22-нд нийтлэгдсэн

K-поп од Жун Жүн Ёныг баривчилжээ

K-поп од Жун Жүн Ёныг баривчилжээ

БНСУ-ын К-поп од, дуучин Жун Жүн Ёныг өнгөрсөн пүрэв гаригт эмэгтэйчүүдтэй бэлгийн харьцаанд орохдоо нууцаар бичлэг хийж, улмаар бусдад үзүүлдэг байсан хэрэгт буруутган баривчилсан талаар цагдаагийн газрын эх сурвалж мэдээлжээ. Түүнийг шүүх хуралдаанд оролцож, хохирогчдоос уучлал хүссэнийх нь дараа ийн баривчилсан байна. Өдгөө 30 настай Жун Жүн Ён өнгөрсөн долоо хоногт цагдаагийн газарт очиж байцаалт өгснийхөө дараа хэвлэлийнхэнд хандан гэм буруугаа хүлээн зөвшөөрч буйгаа мэдэгдсэн билээ.

Тэрбээр “Би чин сэтгэлээсээ уучлалт хүсч байна. Буруутгаж буй бүх үндэслэл болон шүүхийн шийдвэрийг хүлээн зөвшөөрөх болно” хэмээн хэлжээ. Мөн тэрээр "Миний буруутай үйлдлийн улмаас хохирсон бүх бүсгүйчүүдээс уучлалт хүсч байна" хэмээн нэмж өгүүлсэн байна. Шүүх хурлын дараа түүнийг цагдаагийнхан гавлаж, өмнө нь саатуулагдаж байсан, Сөүл хотын төв цагдаагийн газар руу авч явжээ.

Жуныг эмэгтэйчүүдтэй бэлгийн харьцаанд орж буй нууц бичлэгүүдээ групп чат үүсгэн найзуудтайгаа хуваалцан хамт үздэг байсан хэрэгт буруутгасан байна. Тус групп чатад “Big Bang” хамтлагийн Сэнри болон хөвгүүдийн “F.T Island”-ын Чой Жон Хун нар байгаа аж. Хэрвээ тэдний гэм буруутай нотлогдвол Өмнөд Солонгосын хуулийн дагуу тав хүртэл жил шоронд хоригдох, эсвэл 26 мянган ам.доллар буюу 30 сая воны торгуулийн ял оноох ажээ.

Жуны хувьд "MakeUS Entertainment"-ийг орхиж буйгаа мэдэгдсэн бол өнгөрсөн долоо хоногт Сэнри ч мөн урлагийн ертөнцийг орхиж байгаагаа зарласан билээ.

Эх сурвалж: CNN

Энэ мэдээнд өгөх таны сэтгэгдэл?
7
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж