ӨНӨӨДӨР БОЛОХ ҮЙЛ ЯВДАЛ

09.00

• “Корпорейт конвейшн төв”-ийн Эвент холлд “MONGOLIA GOLD-2019” алтны салбарын хөрөнгө оруулалт, технологийн 3 дахь удаагийн Олон улсын хурал, үзэсгэлэн болно.
• НҮБ-ын байрны 6 дугаар давхарт Монгол Улсын Тогтвортой хөгжлийн зорилгын хэрэгжилтээрх Үндэсний сайн дурын илтгэлийг боловсруулах ажлын хүрээнд агаарын бохирдлын асуудлаар илтгэх тайлангийн төслийг бэлтгэх уулзалт болно.

10.00

• "Ардчилал ба оролцоот эдийн засаг" сэдэвт сургалт, хэлэлцүүлэг Туушин зочид буудалд болно.
• "Түүх мартахгүй" уран сайхны киноны уран бүтээлчид  Монгол ньюс мэдээллийн төвд мэдээлэл хийнэ.
• "Холидэй Инн" зочид буудлын хурлын танхимд ДЭЛХИЙН УСНЫ ӨДРИЙН НЭГДСЭН АРГА ХЭМЖЭЭ, "Туул голын сав газрын төлөв байдлын үнэлгээ" төслийн үр дүнг танилцуулах уулзалт болно.
• Гаалийн ерөнхий газар болон Лондонгийн амьтан судлалын нийгэмлэг хамтран "Зэрлэг амьтан хамгаалах , тэдгээрийн хууль бус худалдааны гэмт хэрэг зөрчилтэй тэмцэхэд төрийн байгууллагууд болон албаны эрэлч ноходын оролцоо ба ач холбогдол" сэдэвт уулзалт хэлэлцүүлэг болно. Хэлэлцүүлэг Улаанбаатар хот дахь гаалийн газрын 6 давхарт.

10.30

• НМХГ-ын 5 давхарын хурлын танхимд барилга угсралтын ажил эхэлж байгаатай холбогдуулан хийгдэж буй хяналт шалгалт, анхаарах асуудлууд, агаарын бохирдлыг бууруулах арга хэмжээний хүрээнд хийж гүйцэтгэсэн хяналт шалгалтын талаар мэдээлэл хийнэ.
• Нийслэлийн ИТХ-ын Тэргүүлэгчид нийслэлийн ЗДТГ-ын А танхимд хуралдана. Хуралдаанаар нийслэлийн Онцгой байдлын газраас цаг үеийн асуудлаар мэдээлэл хийх, Цэргийн албыг биеэр дүйцүүлэн хаах иргэдийн тооны дээд хязгаар батлах тухай, нийслэлийн 380 жилийн ойг тэмдэглэх тухай болон бусад асуудлыг хэлэлцэнэ.

11.00

• Сэтгэцийн эрүүл мэндийн мэдээлэл өгөх 24 цагийн 1800-2000 утасны үйлчилгээ үзүүлэх төвийг Монголд анх удаа СЭМҮТ нээх гэж байна.
• МАХН-ын гишүүн Э.Эрдэнэжамъян "Зууны мэдээ" мэдээллийн төвд мэдээлэл хийнэ.
• “Монголын геологи хайгуул-2019” чуулга уулзалтыг зохион байгуулахтай  холбогдуулан УУХҮЯ, АМГТГ хамтран  хэвлэлийн бага хурал хийнэ.

12.00

• "Би нар" гэр бүлийн уран сайхны киноны талаарх мэдээллийг хүргэнэ. Хэвлэлийн хуралд тус киноны Найруулагч Ж.Сэнгэдорж, Продюсер жүжигчин А.Өнөржаргал /Өскө/болон уран бүтээлчид оролцох юм.

14.00

•  Голомт банкны Яармаг салбарт 114-р сургуулийн ахлах ангийн сурагчдыг банк санхүүгийн байгууллагатай танилцуулах уулзалт болно.
• Монголын хэвлэл мэдээллийн гэрэл зурагчдын хамтарсан “Mongolian press photo” үзэсгэлэн Монголын уран зургийн галерейн 3 давхарын үзэсгэлэнгийн танхимд нээгдэнэ.

16.00

• Сансарын хамтарсан нислэгийн өдөрт зориулсан "Одон орон, сансар судлалын ололт, амжилт" сэдэвт өдөрлөг  ШУА-ийн Одон орон,геофизикийн хүрээлэнгийн Сансар, од эрхэсийн ордонд болно.Эрхэм сэтгүүлч та бүхнийг хүрэлцэн ирж Сансар судлалын музей болон Од эрхэсийн танхимтай танилцахыг урьж байна.