Шадар сайд асан Ц.Оюунбаатар, Д.Жаргалсайхан, О.Тэмүүжин нарт холбогдох хэргийн  шүүх хурал өнөөдөр хоёр дахь өдрөө Сүхбаатар дүүргийн Эрүүгийн хэргийн шүүхэд үргэлжилж байна. Тус шүүх хурал өчигдөр 11.00 цагт эхлэн 21.30 цагт завсарласан байсан юм.

Шадар сайд асан Ц.Оюунбаатарыг 150 гаруй сая төгрөг шамшигдуулж, улсад их хэмжээний хохирол учруулсан гэж үзэн Авлигатай тэмцэх газраас шалгаж эхэлсэн байдаг. Ингэхдээ “Тэмээн поло 2016” тэмцээнийг зохион байгуулах нэрийн дор өөрийнхөө ерөнхийлөгчөөр нь ажилладаг Монголын тэмээ поло, спорт уралдаан аяллын холбоо төрийн бус байгууллагын данс руу дээрх хэмжээний мөнгийг төсвөөс шилжүүлсэн гэж буруутгадаг юм.