Москва хотын метронд банкны картаар үйлчлүүлж болно | News.MN

Москва хотын метронд банкны картаар үйлчлүүлж болно

Москва хотын метронд банкны картаар үйлчлүүлж болно

Москва хотын метронд банкны картаар үйлчлүүлж болно

Банкны картаа уншуулан метронд зорчих боломжийг хангасан төхөөрөмжийг Москва хотын метроны бүх станцад суурилуулжээ. Ингэснээр метронд картаар зорчих боломжтой анхны улс боллоо хэмээн Москва хотын Захирагчийн Тээврийн асуудал хариуцсан орлогч дарга Максим Ликтусов РИА Новости агентлагт мэдээллээ.

Станц болгонд 1-2 төхөөрөмжийг суурилуулсан байна. Энэ төхөөрөмж банкны картаас гадна ухаалаг утасны төлбөрийн апп-ыг мөн уншина.

Өнөөдрийн байдлаар 550 төхөөрөмж суурилуулсныг орлогч дарга хэлсэн байна.

Шинэ төхөөрөмжийн ач тус ачаалал ихтэй цагуудад гарч байгааг Максим Ликтусов хэллээ. Энэ төхөөрөмжийг ашигласан зорчигч өдөрт 8 хүртэл минут, жилдээ 34 цагийг хэмнэх боломжтой гэсэн тооцоог Москва хотын захиргаа хийсэн байна. Банкны картаар метрогоор нэг удаа зорчих үнэ 42 рубль байх юм.

Зорчигчид картаа уншуулан зорчих нь нэмэгдэж байгаа бөгөөд сүүлийн хоёр сарын хугацаанд төхөөрөмжөөр 250 мянган удаа үйлчлүүлжээ. Гуравдугаар сарын 8-ны өдөр картаар зорчсон хэрэглэгчийн тоо рекорд тогтоож 10 мянга хүрсэн байна.

Эх сурвалж: РИА НОВОСТИ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж