Үзэгчдийн дунд хүлээлт үүсгээд байсан “Бүсгүйн зурвас” жүжиг энэ сарын 1-нд нээлтээ хийсэн Тус өдрөөс хойш 15 хоногийн дараа зохиолч Л.Өлзийтөгс өөрийн цахим хуудсаараа дамжуулан “Бүсгүйн зурвас”-ын зохиол миний зохиол биш болжээ” хэмээн мэдэгдэж, ярилцлага өгсөн билээ.

“Бүсгүйн зурвас” жүжгийн найруулагч Н.Наранбаатар үүний хариу болгон “Жүжгийн зохиол, драмын жүжиг хоёр өөр байдаг гэдгийг үзэгчид мэдэх хэрэгтэй. Шекспирийн жүжгийн зохиолоос сэдэвлэн, өөрийн найруулгаараа жүжгээ дэглэн тавьдаг найруулагч дэлхийд олон.

Кино хүртэл эх зохиолоосоо өөр байдаг шүү дээ. Тэрэн шиг л би Л.Өлзийтөгсийн жүжгийн зохиолд өөрийнхөө үзэл баримтал, юуг хэрхэн яаж үзэгчдэд харуулах вэ гэдгээ тусгасан. Зохиол жүжиг болохоороо хувирдаг гэдгийг зохиолч болгон мэддэг” гэсэн утгатай ярилцлага өгчээ.