Г.Дашням "каннабис" хэрэглэж байгаад баригджээ | News.MN

Г.Дашням "каннабис" хэрэглэж байгаад баригджээ

Г.Дашням "каннабис" хэрэглэж байгаад баригджээ

Г.Дашням "каннабис" хэрэглэж байгаад баригджээ

“UBIKE” төслийг хэрэгжүүлэгч, “Никель Ганбаа” ХХК-ийн гүйцэтгэх захирал Г.Дашням нарыг хар тамхины хэрэгт холбогдуулан шалгаж байгаа тухай бид мэдээлсэн.

Хэргийг сануулахад, цагдаа нар энэ сарын 13-ны оройн 19:00 цагийн орчимд хүүхдийн 100 дугаар дэлгүүр орчимд цагаан өнгийн “Тоёота приус” маркийн автомашинтай Г.Дашням нарын гурван иргэнийг саатуулан шалгахад хар тамхи сэтгэцэд нөлөөлөх өвс ургамал хэрэглэсэн байж болзошгүй байжээ. Шалгалтаар сэжигтнүүдийн автомашинаас хар тамхи илрүүлж, нотлох баримтаар хураан авсан аж. Үзлэгийн үеэр тэдний халааснаас таван гр орчим мансууруулах төрлийн бодис илэрчээ. Сэжигтнүүдээс биологийн дээж авч, шинжилгээнд явуулсан байна.

Энэ асуудлаар ЦЕГ-ын Хар тамхитай тэмцэх газрын тасгийн дарга дэд хурандаа Г.Давааням “Машиндаа хар тамхи мансууруулах бодис хэрэглээд байна гэсэн иргэдээс ирсэн дуудлага мэдээллийн дагуу Сүхбаатар дүүргийн цагдаагийн хэлтэс холбогдох шалгалтыг явуулсан. Тухайн тээврийн хэрэгсэлд нийт гурван иргэн 1961 оны конвенцэд заасан мансууруулах бодис, сэтгэцэд нөлөөт эм бодисын жагсаалтад орсон каннабисын төрлийн ургамал хэрэглэж байсан нь тогтоогдсон. Тухайн тээврийн хэрэгслээс хураагдсан мансууруулах бодисыг шүүх шинжилгээний хүрээлэнд шинжлүүлэхээр хүргүүлсэн байгаа. Одоогоор дүгнэлт нь гараагүй байна” гэж ярилаа.

Эх сурвалж мэдээлэхдээ, түүнтэй хамт олны танил улс төрчийн дүү зорчиж явсан гэх мэдээлэл өглөө. Одоогийн байдлаар сэжигтнүүдээс авсан шинжилгээний хариу гараагүй байгаа ажээ.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
8
ГайхмаарГайхмаар
4
ТэнэглэлТэнэглэл
2
ХахаХаха
2
ХарамсалтайХарамсалтай
0
ЗөвЗөв
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж