И.Мөнхжаргал: Бодлого тодорхойлох түвшинд залуус ажиллах боломжийг 5-6 жилээр ухраасан | News.MN

И.Мөнхжаргал: Бодлого тодорхойлох түвшинд залуус ажиллах боломжийг 5-6 жилээр ухраасан

И.Мөнхжаргал: Бодлого тодорхойлох түвшинд залуус ажиллах боломжийг 5-6 жилээр ухраасан

И.Мөнхжаргал: Бодлого тодорхойлох түвшинд залуус ажиллах боломжийг 5-6 жилээр ухраасан

Ардчилсан намын ҮБХ-ны  гишүүдийн эргэлт (ротаци)-ийн сонгуулийг 2019 оны гуравдугаар сарын 1-ний өдрөөс эхлэн зарлаад байгаа билээ.  Эргэлтийн  сонгуулийн талаар Ардчилсан намын Дотоод сонгуулийн хорооны И.Мөнхжаргалтай ярилцлаа.


-АН-ын ҮБХ-ны гишүүдийн эргэлтийн сонгууль үргэлжилж байна. Эргэлтийн сонгуулийн талаар тодорхой мэдээлэл өгөхгүй юу?

-Ардчилсан намын Үндсэн дүрэмт ротаци буюу эргэлтийн сонгуулийн асуудлыг тусгасан байдаг. Ардчилсан намын  ҮБХ-ны гишүүдийн гуравны нэг, нийслэл, аймаг, дүүрэгт тухайн жилээсээ шалтгаалаад гуравны нэг эсвэл дөрөвний хоёр дээр нь ротаци буюу эргэлтийн сонгууль явагддаг. Энэ жилийн хувьд ҮБХ-ны 410 гишүүнээс  112 нь эргэлтийн сонгуульд оролцож байна. Хэнтий аймгаас бусад 73 тойрогт ротацийн сонгууль явагдаж байгаа. Үүний зэрэгцээ эмэгтэйчүүд болон залуучуудын суудалд эргэлтийн сонгууль явагдаж байна.  Эмэгтэйчүүд 14, залуучуудын  21 суудал дээр ротаци явагдаж байгаа. Ротацийн сонгууль бол  Ардчилсан нам ажлаа дүгнэж байгаа хэлбэр. Сонгуульт гишүүд намынхаа үйл ажиллагаанд тухайн жилд хэрхэн оролцсоноос хамаарч дөрвөн шатны байгууллагаас  үнэлгээ өгдөг. Дунд шат, тухайн харъяалагдаж буй Бодлогын зөвлөл, төв нам, залуучуудын болон эмэгтэйчүүдийн байгууллагаас үнэлгээ өгч, хамгийн бага үнэлгээ авсан хүнд дахин сонгогдох боломж олгож байгаа юм. Өөрөөр хэлбэл, тухайн суудлыг эргэлтийг нээж өгч буй процесс. Өөрийн саналаар ротацийн сонгуульд нэр дэвшиж байгаа хүн ч бий. Энэ бол Ардчилсан намын Үндсэр дүрмээр батлагдсан ажлаа дүгнэж буй процесс юм.

-Эргэлтийн сонгууль нэрийдлээр АН зарим гишүүдээ “явуулах” гэж байна гэсэн хардлага олон нийтийн дунд үүсчихээд байна.  Ротацийн үеэр намын гишүүдийн үндсэн эрх, үүрэгтэй холбоотой ямар нэгэн асуудал хөндөгддөг үү?

-Ардчилсан намын гишүүнийг намаас хасдаг эрх бүхий байгууллага нь Дотоод сонгуулийн хороо биш. Ротацийн сонгуулийн үеэр Ардчилсан намын гишүүний эрхтэй холбоотой ямар нэгэн асуудлыг огт хөнддөггүй. Хэн нэгнийг намын гишүүнчлэлээс хасах процесс явагддаггүй. Зөвхөн сонгуульт гишүүд ажлаа хэр хийснээс хамаарч тухайн шат руу нь буцааж байгаа хэлбэр. Тухайн шатандаа буцаж очоод өөрийгөө үнэлүүлээд, сонгуульт гишүүнээр дахин сонгогдох процесс явагдаж байгаа  юм. Түүнээс биш намын гишүүний үндсэн эрх, үүрэгтэй холбоотой асуудал биш. Сонгуульт гишүүн гэхээр намын гишүүн байж байгаад тухайн тойрогт ҮБХ болон аймаг, дүүргийн намын хорооны гишүүн болох тэр процессыг л хэлж байгаа юм.

-Ардчилсан намын зарим удирдлагын үед ротаци буюу эргэлтийн сонгуулийг зогсоосон байсан. Тухайн үед Ардчилсан нам вакумжих, аливаа асуудал хэдхэн хүний хүрээнд яригдах эхлэл нь тавигдсан гэдэг?

-Ардчилсан намд 2011-2016 онд ротаци буюу эргэлтийн сонгууль огт явагдаагүй, Ардчилсан намын дүрмээс ротацийг бүр хасчихсан байсан. Энэ хугацаанд нам өөрөө, өөрийгөө хайрцагласан, вакумжуулчихсан байсан л даа. Намын ҮБХ-нд хэн нэгэн орж болдоггүй, гарч болдоггүй болчихсон байсан. Тухайн үед би дунд шатны намын даргаар ажиллаж байсан л даа. Намын дотоод эргэлтийг байхгүй болгосноор залуу боловсон хүчний боломжийг хязгаарласан, хориглосон байсан. Үр дүнд нь Ардчилсан намын залуу боловсон хүчин бодлого тодорхойлох хэмжээнд ажиллах боломжийг 5-6 жилээр ухраасан. Харин 2017 оноос хойш ротаци буюу эргэлтийн сонгууль сэргэснээр ҮБХ-ны нийт гишүүдийн бараг 50 хувьд нь залуус орж ирсэн. Ийм л том шинэчлэл болсон доо.

-ҮБХ-ны гишүүдийн гуравны нэгт ротацийн сонгууль явуулна гэж Үндсэн дүрэмд тусгасан. Гэтэл энэ жил нийт гишүүдийн 50 хувьд нь ротаци явуулж байгаа тухай  мэдээлэл байна. Сонгуулийн өмнөх жил учраас ингэж байна уу?

-Ардчилсан намын Үндсэн дүрэмд  энэ талаар тодорхой заасан байдаг.  Дунд шатны нам буюу нийслэл, аймаг, дүүргийн намын гишүүний  эргэлтийн сонгуулийг эхний хоёр жил нэг суудал дээр, сонгуулийн өмнөх буюу гурав дахь жилд хоёр  суудал дээр  эргэлтийн сонгууль явагддаг. Дүүргийн намын хороо Иргэдийн хурлын тойрогт хуваагддаг.  Иргэдийн хурлын тойргийг дөрвөөр үржүүлсэнтэй тэнцүү тооны намын хорооны гишүүн байдаг. Тэгэхээр мэдээж дөрвөн хүний хоёр нь ротацид орж байгаа учраас том дүнгээр нь харахаар 50 хувь гэж харагдаж байгаа болов уу. Энэ хүмүүс нэр дэвшиж, өрсөлдөөд буцаад сонгогдох эрх нь нээлттэй. Гагцхүү шинэ залуу боловсон хүчин нэмж өрсөлдөх боломж нээж өгч байгаа юм. Сонгуулийн өмнөх жил ротацид орсон хүмүүсийн зарим нь гомдох тохиолдол бий. Үүнийг нь санаатайгаар дэвэргэдэг улстөрийн хүчин, бүлэг хүмүүс байдаг. Намын үйл ажиллагааг харлуулах зорилгоор хэсэг хүмүүсийн л хийж байгаа ажил. Жил бүр л ийм процесс явагддаг. Өмнөх жилүүдэд Ардчилсан нам тийм, тийм хүмүүсээ хөөгөөд явуулжээ гээд л буруу, зөрүү мэдээлэл тараадаг шүү дээ. Гэтэл ротацид орсон хүмүүс нь буцаж өрсөлдөөд сонгогддог. Асуулттай чинь холбогдуулаад статистик мэдээлэл сонирхуулахад 2018 оны ротацийн сонгуульд 123 хүн оролцсоноос 90 хувь нь буцаад сонгогдсон. Энэ жил ч ялгаагүй 112 хүний 70-80 хувь нь эргээд сонгогдох боломжтой. Ротацийн сонгуулийг өмнө нь огт байгаагүй мэтээр зарим хүмүүс буруугаар тайлбарладаг. Ротацийн сонгууль 2000 оноос эхлэлтэй. 2000 онд таван нам нэгдэж Үндсэн дүрмээ батлахдаа тухайн жилд ҮБХ-ны гишүүдийн гуравны нэг дээр ротацийн сонгууль явуулна гэж тусгасан. Энэ зарчим 18 дахь жилдээ үргэлжилж байна. Завсар  нь 6-7 жил намын эрх бүхий албан тушаалтнууд зогсоож  байсан. Үүнээс болж ротацийн сонгууль Ардчилсан намд огт байгаагүй мэтээр тайлбарлаж, ойлгуулж байсан юм. Харин 2016 оны УИХ-ын сонгуулийн дараа Ардчилсан намын их хурал хуралдаж, Үндсэн дүрмийнхээ хуучин заалтыг сэргээсэн. Ротацийн сонгууль гурав дахь жилдээ явагдаж байна. Ардчилсан намын хэвийн явагддаг үйл ажиллагаануудын нэг нь ротацийн сонгууль. Шинэчлэлийн хүрээнд явагдаж буй намын дотоод үйл ажиллагааны нэг хэлбэр.

Б.НАМУУНТАМИР

Эх сурвалж: “Зууны мэдээ” сонин

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-03-20 202.131.243.169

Хаа сайгүй л суудал сандал горилсон залуучууд их болж дээ. Мэдлэг боловсрол, ур чадвар, туршлага дадлага олж авъя гэж бодохоосоо илүү шууд л даргын суудалд суух сонирхолтой. Аймаар бас ичмээр юм!

Avatar

Зочин дорнод 2019-03-20 202.126.89.175

Дорнодын АН-ын даргын сунгааг хийгээч Даш гээд тамга худалдаж авдаг юу ч мэдэхгүй нусыг татаж аваач. Одбаярт чинь хэдэн цаас өгч үүрэг гүйцэтгэгч болоо биздэн

Avatar

Зочин дорнод 2019-03-20 202.126.89.175

Дорнодын АН-ын даргын сунгааг хийгээч Даш гээд тамга худалдаж авдаг юу ч мэдэхгүй нусыг татаж аваач. Одбаярт чинь хэдэн цаас өгч үүрэг гүйцэтгэгч болоо биздэн

Avatar

Иргэн 2019-03-20 203.91.119.58

Чи дуугүй Зи-гийнхээ бөгсийг долоогоод л явж бай.

Avatar

Зочин 2019-03-20 203.91.119.58

Чи дуугүй Зи-гийнхээ бөгсийг долоогоод л явж бай.

Avatar

Ан 2019-03-20 202.179.24.42

Орхон аймгийн намын даргын сунгаа хийж дүрмийн дагуу шийдээчээ

Avatar

Зочин 2019-03-20 202.179.25.110

Ямар хачин гарчиг вэ.

Avatar

Зочин 2019-03-20 93.177.75.250

Битгий ш** луйварчидаа

NewsMN Гар утасны хувилбар Татах
NEWS.mn

Мэдээллийн эх сурвалж