“Аримун” продакшны анхны бүтээл “Халуун зүрх” уран сайхны кино гуравдугаар сарын 29-нд нээлтээ хийхээр хүлээгдэж буй. Залуу жүжигчин А.Ганчимэгийн зохиол ”Халуун зүрх” киноны зураг авалтыг жилийн дөрвөн улиралын турш хийж, нийт 200 гаруй уран бүтээлчдийн халуун зүрх, дулаан сэтгэл, чин итгэлийн хүчээр бүтсэн байна.

Уг дэлгэцийн бүтээлийн талаар Соёлын тэргүүний ажилтан, жүжигчин Д.Ганцэцэг МҮОНРТ-ийн "Зогсошгүй" хөрөг нэвтрүүлгийн үеэр ярихдаа “Аримун” продакшныхаа анхны дэлгэцийн бүтээл“Халуун зүрх” киногоо ханьдаа зориулан хийсэн бөгөөд кинонд бага хүү маань тоглосон” тухайгаа ярьсан юм.

Жүжигчин Д.Ганцэцэгийн том хүү нь анх 2012 онд Улсын драмын эрдмийн театрын тайзнаа “Гамлет” жүжгийн тоглоход бага насанд нь тоглож, сүүлд “Зэрлэг цэцэгсийн хүлэмж”, “Зангараг” зэрэг уран сайхны кинонд тоглоод амжсан авьяаслаг хүү ажээ.

А.СҮРЭН