Ким Жон Ун АНУ-аас татгалзаж, ОХУ-тай тохиролцоно | News.MN

Ким Жон Ун АНУ-аас татгалзаж, ОХУ-тай тохиролцоно

Ким Жон Ун АНУ-аас татгалзаж, ОХУ-тай тохиролцоно

Ким Жон Ун АНУ-аас татгалзаж, ОХУ-тай тохиролцоно

БНАСАУ болон ОХУ өндөр түвшний гэрээ хэлэлцээгээ бэхжүүлж, улс төр, эдийн засаг, хүмүүнлэг зэрэг олон салбарт хамтын ажиллагаагаа өргөжүүлэхээр тохиролцсон байна.  БНАСАУ-ын Гадаад хэргийн дэд сайд Им Чон Иль болон ОХУ-ын Гадаад хэргийн дэд сайд Игорь Моргулов нар өнгөрсөн долоо хоногт Москва хотноо уулзаж, дээрх хэлэлцээг байгуулахдаа хоёр улсын улс төрийн салбарын харилцан солилцоог нэмэгдүүлж, эдийн засаг, хүмүүнлэг зэрэг олон салбарын хамтын ажиллагааг хөгжүүлж, Солонгосын хойг болон олон улсын тавцан дахь асуудлуудыг шийдвэрлэхэд хамтран ажиллахаар тохиролцсон байна.  Мөн энэхүү хэлэлцээний хүрээнд БНАСАУ-ын удирдагч Ким Жон Ун болон ОХУ-ын Ерөнхийлөгч Владимир Путин нар тун удахгүй уулзана гэж ажиглагчид үзэж байгаа билээ.

ОХУ болон БНАСАУ нь эртнээс найрсаг харилцаатай байсан ба 1948 онд дипломат харилцаа тогтоож байсан уг хоёр улс нь 39.4 км үргэлжлэх усан хилээр хиллэдэг. Дэлхийн хоёрдугаар дайн дуусч, Солонгосоос Японы цэргүүдийг хөөн гаргасны дараа Солонгосыг хойгийг хоёр заагласан. Өмнөд хэсэгт нь АНУ-ын, харин Хойд хэсэгт Зөвлөлтийн цэргүүд байрлаж байсан. 1948 онд умард хэсэгт Ким Ир Сэн тэргүүтэй Зөвлөлтийн Коммунист Засгийн газартай БНАСАУ байгуулагджээ. ЗХУ бол Хойд Солонгосыг хүлээн зөвшөөрсөн дэлхийн анхны улс. Мөн ОХУ БНАСАУ-д тогтмол хүмүүнлэгийн тусламж үзүүлдэг. Худалдаа, эдийн засгийн хувьд ЗХУ нь БНАСАУ-ын худалдааны гол түнш байсаар ирсэн.

Мөн дээрх уулзалтын үеэр өнгөрсөн сард Ханойд болсон Ким Жон Ун, Дональд Трамп нарын уулзалтын үр дүнгийн талаар ч ярилцсан гэнэ. ОХУ-тай ийнхүү яриа хэлэлцээ хийсний дараахан БНАСАУ Солонгосын хойгийг цөмийн зэвсэггүй болгох хэлэлцээрээс гарч, цөмийн зэвсэг болон пуужингийн туршилтаа дахин сэргээж магадгүй талаар тус улсын Гадаад хэргийн орлогч сайд Чэ Сон Хи мэдэгджээ.

 

Мөн тэрбээр саяхан Ханой хотноо болж өнгөрсөн Дональд Трамп болон Ким Жон Ун нарын уулзалтын үеэр АНУ-ын тал “алтан боломжийг” алдсан гэж АНУ-ыг хатуухан шүүмжилсэн байна. АНУ-ын Ерөнхийлөгч Дональд Трампын тавьсан цөмийн зэвсгээ устгах шаардлагыг хэтэрхий нэг талыг барьсан шаардлага байснаас гадна Хойд Солонгосын тал бүх хоригоо цуцлуулна гэсэн шаардлага огт тавиагүй, гол хоригуудыг хэсэгчлэн цуцлуулахыг хүссэн гэв.

Тус улсад тавьсан АНУ болон НҮБ, Европын холбооны улсуудын хориг нь тус улсын эдийн засаг, улс төр, нийгмийн харилцааг бүхэлд нь боомилж, бусад улс орнуудаас улам тусгаарлаж байгаа юм. Саяхан БНАСАУ-ын төрийн өмчит “Родонг Синмун” сонинд бичсэн нэгэн нийтлэлд удирдагч Ким Жон Уны “Бид бусдыг гараа сунгахыг хүлээгээд суугаад байвал хэзээ ч хөгжихгүй. Энэ хэвээрээ үлдэнэ. Бидэнд бие даасан эдийн засгийн хөгжил хэрэгтэй” хэмээн хэлснийг онцолжээ. Ханойн уулзалт нэгэнт үр дүнд хүрээгүй тул Ким Жон Ун АНУ-аас их зүйл хүлээхээ больсон бололтой гэж ажиглагчид дүгнэж байна.

Цэрэг зэвсэг, уул уурхай, хөдөө аж ахуйн салбарыг түшиглэдэг тус улс нь 25 сая хүн амтай бөгөөд дотоодын нийт бүтээгдэхүүний /ДНБ/ хэмжээ  30,7 тэрбум ам.доллартай  тэнцэж байна. Нэг хүн ногдох ДНБ 1,300 ам.доллар байдаг ба энэ үзүүлэлтээрээ дэлхийн улс орнуудаас 125-т жагсаж байгаа тус улсын нийт хүн амын 25 хувь нь тодорхой ажил эрхэлдэггүй. Жилд 3,7 тэрбум ам.долларын бараа бүтээгдэхүүн экспортолж, 2,9 тэрбум .ам.долларын импорт хийдэг бөгөөд гол импортлогч улс нь Хятад улс. Хятад улс нийт импортынх нь 87 хувийг дангаараа бүрдүүлдэг юм байна.

 

"Болор дуран"-аар шалгав.
Энэ мэдээнд өгөх таны сэтгэгдэл?
9
ЗөвЗөв
2
ТэнэглэлТэнэглэл
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-03-19 66.181.161.115

Бүлт бүлт үсрээд байгаа нѳхдүүд Монгол тѳгрѳг - Хойд Солонгосын хэдэн вонтой тэнцэж байгааг харчихаад мултраасай

Avatar

L 2019-03-19 202.126.89.215

Ih medegch nar nar Yuma

Avatar

Орос 2019-03-19 180.149.96.90

Мадура, 3-р КИМ нарыг Путин тэжээх нь дэ. Орос найз нар минь бүсээ улам чангалах хэрэгтэй болж дээ.

Avatar

зочин 2019-03-19 202.9.43.249

Газар газрын мөхөл нь ойртож байгаа дарангуйлагч нарын сүүлчийн найдвар нь Путин юм биздээ ? ! . Аугаа их Орос үндэстнийг ингэж гутаах гэж ..

Avatar

Зочин 2019-03-19 139.5.216.36

За ингээд хой солонгос нохойн замаар орлоодоо 60 жил оросыг дагаад ийм л бгага ойлгодоггүй ээ

Avatar

зочин 2019-03-19 103.57.95.176

Тарган тэнэг бацааныг яаж ашиглахаа Путин мэдэх байлгүй дээ. Өөрсдөө Жинхэнэ алтан боломжоо алдчихасан юм бишүү.

Avatar

Зочин 2019-03-19 202.9.44.173

Трамп арай л байсан юм. Кимийн ухааныг ......

Avatar

Зочин 2019-03-19 103.229.123.86

Энэ Путин гэгч АНУ болон ЕХ-ны эсрэг л бол хэнтэй ч хамаагүй нөхөрлөх замаар Орос орныг баллаж гүйцлээ!!! Хайран улс, хайран ард түмэн!!! ОХУ бүтэлгүйтвэл Монголд ч хортой!!!!

Avatar

Зочин 2019-03-19 202.21.107.8

Үхэр монголчуудаа ганц монгол иргэнд гэж нэг үг өгүүлбэр алга гадаадын иргэд гэж байхад мөөрөлдөөд байх юм ямар ухаантай хүн үхэр монгол гэж оноод хэлчихвээ

Avatar

Зочин 2019-03-19 202.72.245.207

ХА ХА ХА ХЭДЭН МИНУТ ЭЛГЭЭ ХӨШӨӨХ ЛӨХЛӨӨ. АНУ АЛТАН БОЛОМЖОО АЛДЛАА ГЭНЭ ЭЭ. ХА ХА ХА ОРОСЫН НАЙЗ МаДУРА ЦААНА ЧИНЬ СҮЙРЭЭД ДУУСЛАА. АРААС НЬ ОРОХ ХЭРЭГТЭЙ БАЙСАН УУ КИМЧИ

Avatar

эрх чөлөө 2019-03-19 202.21.106.159

өнөөдөр бие даан бодлого явуулж байгаа улс цөөн. хэт том хэдэн гүрэн бусдын дотоод хэрэгт оролцож өөрсдийн үгээр хөгжлийг нь удирдаж байна, харин хойд солонгос жижиг гэхгүй бие дааж байна.

Avatar

Монгол хүн. 2019-03-19 103.10.21.37

Энэ 2 нийлээд юу ч олж долоохгүй. ЗХУ хүчирхэг байхад хөгжөөгүй улс одоогын сульдсан ОХУ-с авна уу гэхээс юу ч өгч чадахгүй. Энэ нь ОХУ дахиад нэг эдийн засгийн дарамт ирж байнаа гэсэн. ОХУ Америкийн шантаажлах гээд өөрөө өөрийгөө худагт унгаад байна.

Avatar

ooriinhooroi bga uls shuu.. 2019-03-19 139.5.218.181

ooriinhooroi hogjij bgaa shuu hoid solongos chin. ugsaasai ediin zasag oros hyatad 2-aas l hamaatai. ted oorsdoo bvheniig hiij amidarah hvseltei tegej chadaj bna. amerik baruun yponuud horig tabiad diilehgui bn ch dee..

Avatar

Bataa 2019-03-19 202.9.42.100

Amerikiin tvremgiin ecreg zuv alxam xiij baina

Avatar

РАВДАН 2019-03-19 66.181.160.103

ЕРТӨНЦИЙГ ЗАХИРАГЧ ПУТИНЫ АЛДАР БАДРАГ.

Avatar

Зочин 2019-03-19 202.131.245.243

Алдар нь бадарч яваг.

Avatar

ккк 2019-03-19 103.26.194.238

ккк амид ахн ккк

Avatar

Зочин 2019-03-19 66.181.168.199

ХОЙД СОЛОНГОСТОЙ БАЙЛДАХ ГЭЭД БАЙГАА ГАНЦ Ч УЛС БАЙХГҮЙ. ЯДАЖ Л ОЛЗОЛЖ АВЧИХААР ЮУ Ч БАЙХГҮЙ ШҮҮ ДЭЭ. ГАЗРЫН ТОС БАЙХГҮЙ, БАЙГАЛИЙН ХИЙ БАЙХГҮЙ, АЛТ АЛМААЗ БОЛ БҮР Ч БАЙХГҮЙ. ТИЙМЭЭС ЦӨМИЙН ЗЭВСЭГТЭЙГЭЭ КОММУНИЗМАА БАЙГУУЛЖ ҮЗДЭЭ ХӨӨРХИЙ ЗАЙЛУУЛ

Avatar

Зочин 2019-03-19 66.181.187.14

За чи л дут кккк

Avatar

Зочин 2019-03-19 139.5.218.181

hamgiin gol ni amerikiin bodolgiig sorgoj ooriinhooroi hogjij buid l amerikuud horsood bna.. ted nariig zvgeer orhibol amerikiig sonsoj vgiig dagdagui oronii too ulam l ih bolonoo.odoo oros iran solongos veniszuli kuba geed amerikiin bodolgiig ogt toodogui sordog olon bii ch dee..

Avatar

ednb 2019-03-19 49.0.153.66

Яг үнэн

Avatar

Зочин 2019-03-19 66.181.168.199

ХОЙД СОЛОНГОС БИТГИЙ МАЯГЛА. ХҮНИЙ ӨМНӨӨС АМЬДАРЧ БАЙГАА ЮМ ШИГ ААШИЛДАГАА БОЛИХ ХЭРЭГТЭЙ.

Avatar

tenegt 2019-03-19 139.5.218.181

solongosuud harin ch henees guihgui amidarch hogjij bgaa. amerikuud l ediin zasagiin horig tabij doosh ni ih tataj hogjiliig booj bgaa bolohoos horigui bol hoid solongos dor ni hogjij chadanaa.odoo hvrtel bvheniig ooroo hiij bvteej bgaa za..

Avatar

Зочин 2019-03-19 66.181.171.26

АНУ хүний асуудалыг шийдэх гэж бүү оролц

Avatar

иргэн 2019-03-19 202.179.26.157

БНАСАУ-ын Залуу Удирдагч Зөв алхам хийжээ АНУ анхнаасаа хэт их Түрэмгий бодлого явуулж ирсэний Уршиг Хэн ч бусдын дарамт шахалтанд байгаад байхыг хүсэхгүй шүү дээ

Avatar

Зочин 2019-03-19 103.9.91.40

Чи орос хятадын дарамт шахалтанд амьдардагаа мэдэх сөхөөгүй нэгэн бололтой.

NewsMN Гар утасны хувилбар Татах
NEWS.mn

Мэдээллийн эх сурвалж