АНУ-ын Сансар судлалын агентлаг (НАСА)-аас гуравдугаар сарын 22-ны өдөр “EA2” нэртэй томоохон солир дэлхийн хажуугаар, сарнаас холгүй зайд зөрж өнгөрнө гэж мэдээлэв. Тухайн өдөр уг биет дэлхийгээс 306,171 километр, сарнаас 80 мянган километрийн зайд нисч өнгөрөх юм байна.

Урьдчилан тооцоолсноор, тус солир нь 40 метр диаметртэй, ойролцоогоор 5.37 км/секундын хурдтай байх аж. 2019 EA2 солир нь дэлхийн тойрог замд байдаг Атоны бүлэгт багтдаг. Эрдэмтэд энэ нь 2019 EA2 солирын хувьд 112 жилийн туршид дэлхийд хамгийн ойртон ирж буй тохиолдол болохыг тэмдэглэжээ. Дараагийн удаа EA2 солир 2131 оны гуравдугаар сард дэлхийд ойртон ирэх юм байна.

Эх сурвалж: НАСА