“Байтаг богд” киногоо хулгайд алдчихаад сэтгэлээр маш их унасан | News.MN

“Байтаг богд” киногоо хулгайд алдчихаад сэтгэлээр маш их унасан

“Байтаг богд” киногоо хулгайд алдчихаад сэтгэлээр маш их унасан

“Байтаг богд” киногоо хулгайд алдчихаад сэтгэлээр маш их унасан

Эрүүгийн цагдаагийн албанаас “Зохиогчийн эрх болон түүнд хамаарах эрхийн эсрэг гэмт хэрэг, зөрчилтэй тэмцэхэд тулгамдаж буй асуудал” хэмээх хэлэлцүүлгийг өнгөрөгч Баасан /2019.03.15/ гаригт зохион байгууллаа.


Уг хэлэлцүүлэгт Монголын оюуны өмчийн эрхийг хамгаалах холбоо ТББ, Монголын зохиолч, хөгжмийн зохиолч, нийтлэгчдийн нийгэмлэг, Монголын дуу бичлэг бүтээгчдийн үндэсний төв, “Ддэш” тв, “Скайтел” групп “SPS” тв, “Азхур” ХХК, “Монсудар” Паблишнг, “Х-Түц”, “Хувьсал”, "Шилдэг өнгө", “Ю-Фильм”, “Фантастик”, “Этик”, “Талент Медиа” ХХК, “Мөрөөдлийн театр”, “Аримун”, Ай фай зэрэг  продакшн болон төрийн ба төрийн бус байгууллагуудын төлөөлөл оролцож санал бодлоо солилцлоо.

“БАЙТАГ БОГД” КИНОГОО ХУЛГАЙД АЛДСАНЫХАА ДАРАА МАШ ИХ СЭТГЭЛЭЭР УНАСАН

Энэ үеэр Монгол Улсын Гавьяат жүжигчин О.Бат-Өлзийтэй ярилцлаа.

-Зохиогчийн эрхийн талаарх хэлэлцүүлэг болж байна. Та бүхэнд зохиогчийн эрхтэй холбоотой ямар бэрхшээл тулгардаг вэ?

-Уран бүтээлч бид нарт нэг бүтээл хийхэд маш их цаг хугацаа, хүч хөдөлмөр  шаарддаг. Бид хийсэн бүтээлээ хамгаалах гэж хамгийн ихээр шаналж, тэмцэж ирсэн. Хуулиар хамгаалагдсан нөхцөл нь юу гэвэл оюуны өмчийн тухай хуульд оюуны өмчийг хулгайд алдвал Зөрчлийн тухай хуулиар торгуулдаг юм билээ. Тэр дундаа оюуны өмчийг хулгайлаад олон нийтэд олшруулж тараасан тохиолдолд Зөрчлийн тухай хуулиар ердөө 500 мянган төгрөгөөр торгоод өнгөрдөг байх жишээтэй. Манай уран бүтээлчид хийсэн бүтээлээ СD болгож хувилуулчихаад Оюуны өмчийн газарт хандахад дээд талын арга хэмжээ нь 500 мянган төгрөгөөр торгодог, хуулийн байгууллага эзэн холбогдогчийг олсон ч мөн л 500 мянгаар торгодог юм билээ.

-Тэгэхээр хууль эрх зүйн орчинг сайжруулах тал дээр ямар бодолтой явдаг вэ?

-Оюуны өмчийн хулгайтай тэмцэхийн тулд хуулийг чангатгах хэрэгтэй. Зөрчлийн тухай хууль гэдгийг бид нар ойлгодоггүй. Оюуны өмчийн газар, Кибер гэмт хэрэгтэй тэмцэх газрынхан оюуны өмчийн хулгайн гэмт хэрэгтэй яаж тэмцэх вэ гэсэн гаргалгаа гаргахаар бидэнтэй уулзаж байна. Уран бүтээлчдийн хувьд уран бүтээлээ л хийх зорилготой. Тэрнээс биш хууль, хулгайтай яаж тэмцэх талаар толгойгоо гашилгамааргүй байгаа юм. Үүнийг хийх ёстой хүмүүс нь хийх  байх. Гэхдээ бид бүтээлээ алдсаныхаа дараа маш их сэтгэлээр унадаг. Хамгийн сүүлд хийсэн “Байтаг богд” уран сайхны кино маань кино театраар гарч байх үед нь киногоо алдсан. Тухайн үед СD-г нь интернетэд тавихад гол харласан. Жишээлбэл, манай киног сошиалд тавихад 130 мянган хүн үзсэн байсан. Үүнийг бид нар IPTV-д тавьсан бол олсон орлогоороо олон сайхан бүтээл хийх байсан юм.

-Оюуны өмчөө алдахгүй байх талаар кино театртай гэрээ хийдэг үү?

-Бид нар киногоо гаргахаас өмнө гэрээ хийдэг. Тэгэхдээ кино театрын зүгээс бид гаргах үүрэгтэй, хулгайгаас хамгаалах хүнийг та нар өөрсдөө хийгээрэй гэсэн шаардлага тавьдаг. Тэгэхээр бид дахин хүн хөлсөлж, бусад театрт хяналт тавьдаг. Сүүлийн үеийн театрууд камертай болсон нааштай байдал харагдаж байна.

-Таны зүгээс цагдаагийн байгууллагад оюуны өмчөө алдчихаад хандсан тохиолдол бий юу?

-Байлгүй яах вэ. Сүүлийн хийсэн киногоо бүгдийг нь алдах жишээтэй. Түүнийгээ Кибер гэмт хэрэгтэй тэмцэх  хэлтэст шалгуулж байсан. Ер нь үр дүнд хүрдэггүй юм билээ.

-Оюуны өмчөө алдлаа гэхэд ямар нэгэн байдлаар таны хохирлыг  барагдуулав уу?

-Тийм зүйл байгаагүй.

-"Байтаг богд" киногоо ямар хэлбэрээр алдсан бэ?

Файл хэлбэрээр алдсан. Тэгэхдээ уран бүтээлчдээс биш өөр арга замаар авсан байсан. Түүний эзэн холбогдогчийг тогтоосон. Тэгэхдээ тухайн хүн 500 мянган төгрөгөөр торгуулаад өнгөрч байгаа юм.

-Дээрх байдлыг өөрчлөхийн тулд уран бүтээлчид маань хоорондоо нэгдээд ярилцаж үзсэн үү?

-Бид ярилцдаг. Тэгэхдээ бид нар ярилцаад ямар ч шийдэлд хүрэхгүй шүү дээ. Тиймээс Оюуны өмчийн хуулийг чангатгах хэрэгтэй.

ОЮУНЫ ӨМЧИЙН ЭСРЭГ ГЭМТ ХЭРГИЙН ТАЛААР ИРГЭДИЙН ДУНД ЭРХ ЗҮЙН МЭДЭЭЛЭЛ МАШ ДУТМАГ

“3ОХИОГЧИЙН ЭРХ БОЛОН ТҮҮНД ХАМААРАХ ЭРХИЙН ЭСРЭГ ГЭМТ ХЭРЭГ, ЗӨРЧИЛТЭЙ ТЭМЦЭХЭД ТУЛГАМДАЖ БУЙ АСУУДАЛ” СЭДЭВТ ХЭЛЭЛЦҮҮЛЭГ ЗОХИОН БАЙГУУЛАГДЛАА

Оюуны өмчийн газрын хяналтын хэлтсийн дарга Д.Бат-Эрдэнэтэй ярилцлаа.

-Өнөөдрийн байдлаар оюуны өмчийг хулгайлахтай холбоотой хэчнээн хэрэг шалгагдаж байна вэ?

-2019 оны эхний гурван сарын байдлаар зохиогчийн эрхтэй холбоотой 10 хэргийг хяналтын байцаагч нар шалгаж байна.

-Өнгөрсөн онд зохиогчийн эрхтэй холбоотой хэрэг хэчнээн бүртгэгдсэн юм бол?

-Өнгөрсөн жил Оюуны өмчийн газрын хяналтын хэлтэс нийтдээ 143 хэрэг, зөрчлийг шалгаж шийдвэрлэсэн. Зохиогчийн эрхийг хоёр хуулиар шийдвэрлэдэг. Нэгдүгээрт, Эрүүгийн хуулиар, болон зөрчлийн хуулиар шийддэг. Хуулийн байгууллагаас Оюуны өмчтэй холбоотой хэрэгт 50-аас дээш сая төгрөгийн хохиролтой хэргийг шалгадаг. Хэрэв 50 саяас доош хохиролтой байвал Оюуны өмчийн газрын байцаагч нар шалгаж, шийдвэрлэдэг. Монгол Улсад 1996 онд Оюуны өмчийн газрыг байгуулсан. 2000 оноос оюуны өмчийн талаар хүмүүс нэлээд ярьдаг болж эхэллээ. Урлаг соёлын асуудал бол харьцангуй шинэ асуудал. Нэгдүгээрт, оюуны өмчийн ухамсрыг төлөвшүүлэх, хүүхэд багачуудад бага наснаас нь соёлыг төлөвшүүлэх хамгийн чухал.

-Уран бүтээлчид хэлэхдээ оюуны өмчтэй холбоотой хууль эрх зүйн орчныг сайжруулах талаар санал нэгдэж байна. Үнэхээр хууль эрх зүйн орчныг сайжруулах шаардлагатай юу?

-Бид өнөөдөр оюуны өмчийн хулгайн хэргийг 50 сая төгрөгт хүрэхгүй болохоор нь хэрэгсэхгүй болгоод түүнээс илүү гарахаар нь тогтоогдохгүй байна гээд яваад байгаа нь аргачлалтай холбоотой. Тэгэхээр оюуны өмчийн эсрэг гэмт хэргийн талаар иргэдийн дунд эрх зүйн мэдээлэл маш дутмаг байна. Дээрх хэргийн 50 гаруй хувийг шийдвэрлэгдсэн. Үлдсэн 50 гаруй хувийг нь хэрэгсэхгүй болгож шийдвэрлэсэн.

Энэ салбарын хувьд хамгийн чухал асуудал нь хохирлын үнэлгээний тухай асуудал байдаг. Яг нарийвчлан хэдэн төгрөгийн хохирол гарчихаад байгааг тогтоож чаддаггүй. Хохирлын асуудал тогтоогдохгүй байгаа учраас ихэнх гэмт хэрэг шийдэгддэггүй.

Хууль тогтоомж бол хангалттай сайн. Хуулиас илүүтэй хүмүүсийн ухамсрыг сайжруулах хэрэгтэй. Мөн сургалт судалгааны ажил хийх хэрэгтэй. Зохиогчийн эрх бол хүний хөдөлмөрийн үр дүнд бий болдог онцлогтой юм.

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
3
ХарамсалтайХарамсалтай
3
ТэнэглэлТэнэглэл
2
БурууБуруу
1
ГайхмаарГайхмаар
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-03-18 202.9.43.251

Түүхийг үнэнээр нь хийсэн байна уу, гуйвуулсан байна уу хамаагүй, сайн кино л хийх хэрэгтэй ш дээ. Brave heart шиг. Энэ фантастикийн кинонуудыг хэн кино гэхийн. Зохиол драматург муутай, сүржигнэж хэтрүүлсэн муу жүжиглэлттэй.

Avatar

Зочин 2019-03-18 155.4.39.118

balai hudlaa kino shig yum hiicheed bas yu be hen teriig yzehiiin kk

Avatar

Зочин 2019-03-18 150.129.140.61

Миний ээжийн аав өвөг эцэг маань хасгуудад дээрэмдүүлсэн малынхаа араас явж хасгуудтай байлдаж заримыг цаашаа харуулж өөрөө шархдаж явсан гэж надад 1970 онд ярьж би хүүхэд байсан өвөг эцэг шигээ мундаг баатар болно гэж боддог байлаа. Одоо бодоход улсын хил уруу орж ирээд мал хунар манай ард иргэдэд халддаг байсан бололтой.Түүх үнэнээр байвал сайхан .

Avatar

Зочин 2019-03-18 162.243.2.59

Амжилт.

Avatar

Зочин 2019-03-18 202.131.243.186

er ni baitag bogd mash nuuts geh kinonuud bol sudalgaa muutai muu kinonuud bolson ni ynenshdee

Avatar

Ганибал 2019-03-18 64.119.18.149

Хулгайд юмаа алдчихлаа гэсэн уран бүтээлчид цуглаж уулзалт хийхдээ өөрсдөө хулгай хийхээ болих тухай бас ярилцсан л байгаа даа. Гадна дотны кино, зохиол санааг нь хуулбарлах нь цөөнгүй харагддаг шүү. Бүгд адил энэ нь л нийгмийн бүтээгдхүүнүүд гэсэн шиг адилхан арга барилтай байж болохгүй юм.

Avatar

Зочин 2019-03-18 66.181.189.62

Худлаа кино байна билээ. худлаа киног хулгайлаад ч яахийм

Avatar

Gv 2019-03-18 66.181.161.122

Baitag bodgiig unegui ch uzeegui

Avatar

Хасаг дээрэмчид халдсан 2019-03-18 192.82.64.23

Байтаг богдод хасаг дээрэмчид байнга халддаг байсан.Хятад цэрэг халдсан юм байхгүй. Миний өвөө томоохон хасаг дээрэмчийн буудаж хөнөөгөөд хутга бүс хоёрыг ялсан монгол цэргийн ёсоор дурсгал болгож авсан байдаг. Богинохон хурц сумчин гэдэг хутгыг нь манай ах алга хийсэн харин бүсийг нь өвөө минь амьд сэрүүн байхдаа надад өгсөн.Би Цагаан сараар дээлэн дээр бүслэж гайхуулдаг. Ногоон улаан чулуун шигтгээтэй мөнгөн тоногтой хасаг бүс.

Avatar

Зочин 2019-03-18 64.119.22.232

байтаг богдын тулаан оспаны дээрэмчидтэй тулалдаж алтан амиа өргөсөн гэж байдаг биз дээ кинондоо оспаны дээрэмчдыг яагаад хасч түүх гуйвуулсан кино хийсэн юм бэ

Avatar

Зочин 2019-03-18 107.77.173.10

Яагаад АНУ-д шоронгийн хоригдлууд маш олон байдгийг одоо ойлгож авцгаа.Тэнд бүх төрлийн хулгайд зоолттой хорих ял өгдөг,хэнийг ч өршөөхгүй,урд өмнө байгуулсан гавьяа шагнал одон медаль энэ тэрийг огт авч хэрэгсэхгүй.

Avatar

Зочин 2019-03-18 119.40.103.37

БҮХ ЭНЭ ХАЛТАР ХУЛТАР САЙТУУДЫГ ХААХ, ЭСВЭЛ ТОДОРХОЙ ХЯНАЛТ ШҮҮЛТҮҮРТЭЙ БОЛГОХ, ЯНЗ ЯНЗЫН НОВШНУУД ЯНЗ БҮРИЙН СЭДЭЛ ЗОРИЛГООР ЮМ ОРУУЛЖ БАЙГАА УЧИР ҮҮН ДЭЭР ХЯНАЛТ ТАВЬЧИХВАЛ ТЭГЖ ХЯНАЖ ЯДААД БАЙХ АСУУДАЛГҮЙ.\nХЭВЛЭЛИЙН ЭРХ ЧӨЛӨӨ ГЭДЭГ ЧИНЬ ЮУ ДУРТАЙГАА БИЧ ГЭСЭН ҮГ БИШ. ХЭВЛЭЛИЙН ЭРХ ЧӨЛӨӨНИЙ ТУХАЙ ХУУЛЬ, ХУВЬ ХҮНИЙ ЭРХ, ҮҮРГИЙН ТУХАЙ ХУУЛЬ, ЯЛАНГУЯА ОЛОН НИЙТЭД ХАНДАН НЭР ХҮНДИЙГ УНАГААСАН АСУУДЛУУДАД ХАТУУ ТООЦДОГ БОЛОХ ХЭРЭГТЭЙ. ГЭХДЭЭ УЛС ТӨРЧИДИЙН ХУВЬД АРАЙ ӨӨР.

Avatar

Зочин 2019-03-18 119.40.103.37

ЧИНГИС ХААН ГАРЧ ИРЖ ЭНЭ ХУЛГАЙ, ХУУЛЬ ДҮРЭМ ЗӨРЧДӨГГҮЙ, УРВАГЧ ШАРВАМТГАЙ БАЙДЛЫГ ХАТУУ ХУУЛИАР БАРЬЖ БАЙСАН ҮЕД Л МОНГОЛЧУУД ХҮЧИРХЭГЖСЭН. МӨНГӨ, ӨНГӨ, НЭР АЛДРЫН ТӨЛӨӨ ЮУГАА Ч ӨГӨХӨӨС БУЦАХГҮЙ МОНГОЛЧУУДЫН ГЕНД ЭНЭ БАЙГАА ЦАГТ ХАТУУ АРГААР ТАС ЦАВЧИЖ ТЭМЦЭХ ХЭРЭГТЭЙ. ТУХАЙН САЙТААР КИНО, ДУУ, БҮЖИГ ӨӨР ЮУ Ч БАЙДАГ ЮМ ОРУУЛАХ ГЭЖ БАЙГАА БОЛ ТЭР ДУУНУУД НЬ БАТАЛГААЖСАН ЭСЭХ ЗЭРГИЙГ НЬ ХЯНАДАГ БОЛГОЧИХВОЛ ИЙМ БАЙДАЛ ҮҮСЭХГҮЙ. ЦАХИМ ОРЧИНД ХУЛГАЙН ЮМ ОРУУЛДАГ ХҮМҮҮС БОЛ ЦӨӨХӨН ШҮҮ ДЭЭ.

Avatar

Зочин 2019-03-18 119.40.103.37

ЕР НЬ ЭНЭ ЦАХИМ ОРЧНЫ ХЯНАЛТЫГ САЙЖРУУЛАХ, ОЮУНЫ ӨМЧИЙН ХУЛГАЙ, ХУВЬ ХҮНИЙ НЭР ТӨРД ХАЛДСАН ТОХИОЛДОЛД ШААРДЛАГАТАЙ ГЭЖ ҮЗВЭЛ ХУУЛЬ ХЯНАЛТЫН БАЙГУУЛЛАГА, ЗӨРЧЛИЙН ГЭХ ХУУЛИНДАА МАШ ТОМ ТОРГУУЛЬТАЙГААР ЗААХ ХЭРЭГТЭЙ. ДУУ ОРУУЛАХАД 50 САЯ, КИНО ОРУУЛАХАД 500 САЯ ТӨГРӨГИЙН ТОРГУУЛЬТАЙ БОЛГОХ ХЭРЭГТЭЙ. ТӨЛЖ ЧАДАХГҮЙ ТЭРЭНДЭЭ ДҮЙЦСЭН ЯЛАА ЭДЛЭХ ХЭРЭГТЭЙ. УГААСАА СОЛОНГОСЧУУД МОНГОЛЧУУДЫН ТҮҮХИЙГ СУДЛААД ЦААНА ЧИНЬ ДҮГНЭЦГЭЭСЭН БАЙНА ЛЭЭ. МОНГОЛЧУУД МАШ УРВАГЧ, ШАРВАМТГАЙ, ЭВ НЭГДЭЛГҮЙ, БАС ИХ ХУЛГАЙЧ

Avatar

Болор 2019-03-18 202.9.42.3

Энэ зөочлийн иухай хууль нэг л сонин. Эргэж харах хэрэгтэй юм шиг ээ

Avatar

Uul n bol... 2019-03-18 174.204.10.52

Heduulhenee baij nugoo muu heden uran buteelchdiinhee hiisen kino, duu, hoshin shog mogiig hamaagui CD DVD deer huulj hulgaigaar zarna, odoo net deer tavina. Yamar hereg baina aa? Uneheer l durtai jujugchin, duuchin, hoshin shogchin yum bol hun shig mungoo tulood avaad uzeed, sonsood uyaraad, duulaad uulaad hailaad Yav l daa. Tegeed yas yuman deer cagdaagiihan olood shiitgene gevel chadnashd, uorsdiin ashig sonirhol baidag bolood asuudliig n shiidej ugohgui, hergiig n haachihgui bailgaad baidag

Avatar

яг хятадууд тэгж халдаж байсан уу 2019-03-18 185.220.101.25

хятадын элчин яам юу гэх юм түүхийг үнэнээр гаргамаар байна шүү. хасагууд халдаж байсан гэж нутгийн хөгшидөөс сонгож байсанаас гамингууд халдаж байсан гэж сонсоогүй гамингууд цаад дотоод талдаа асуудалтай байсан юм билээ. тэгээд хасагуудыг барих гэхээр монголын хил луу яваад орчихдог. тэгээд зохиолын монгол түүүх болохоор битгий монголчуудаас харамлаад бай. та нартай наргүй монголчуудад дотоод сэтгэлд кони шиг дүрслэгдэн үлдсэн юм дээр өөхчлөх бузар лобби хийгээд бай.

Avatar

зочин 2019-03-18 202.21.127.166

хятадын явуулгаар, хятадын цэргийн нэг жигүүр нь хасаг цэргүүд байсан юм, тэд албаар халдсан юм, тэр үед буюу 1947 онд БНМАУ НҮБ-д элсэх гэж байхад хятадын талаас түрэмгийлэгч гэдэг үндэслэлээр БНМАУ-ыг НҮБ-д элсүүлээгүй юм

Avatar

зочин 2019-03-18 202.21.127.166

манайд ер нь хятадууд их болжээ, энд их харагдаж байна

Avatar

зочин 2019-03-18 64.119.26.111

Түүхийн сэдэвтэй кино болон номуудыг үнэнд ойртуулж хийх хэрэгтэй. Зохиолч найруулагч нарын мэдлэг нимгэнээс түүхийн үнэнийг гуйвуулсан Байдаг богд, Галдан бошигт мэт юм гарч байна

Avatar

Байтаг богдод хасаг дээрэмчид халдсан 2019-03-18 192.82.64.23

Түүхэн үнэнийг гуйвуулсан худал хуурмагаар дүүрэн хуурамч киног харин ч шүүхэд өгөх хэрэгтэй. Байтаг Богдод хасаг дээрэмчид халдсан болохоос хятадууд халдаагүй. Юун зохиогчий эрх? Ёс зүйтэй байх хэрэгтэй.Кино урлагийн зөвлөл гэж байдаг бол ийм киног үл тэвчиж торгууль тавиад дэлгэцэнд гаргах байх нь зөв. Киногоо ч хат даа. Жонхуу санхүүжилттэй холливүүд эффэкттэй хятадын эсрэг турхирсан балиар кинонцор. Байтаг богдод хасаг дээрэмчид л халдсан. Юун хятад мятад падлий ч байхгүй

Avatar

Elii 2019-03-18 192.82.65.29

Eliireed baigaarai gomindaniihan hasaguudtai hamt bainga orj irdeg bsan. medehgui bol chimeegui l baij bai

Avatar

Зочин 2019-03-18 103.10.23.3

Бас ураан нтрийн тухай гардаг гэсэн үү

Avatar

Зочин 2019-03-18 202.21.106.168

Манай өвөө тэнд байлдаж байсан. Хэдэн хасгуудыг бугуйлдаж аваад үхтэл нь газраар мориндоо хол чирдэг байсан л гэдэг дээ

Avatar

Зочин 2019-03-18 122.201.21.18

192.82.64.23 элийрсэн орос троллоо Хасгийн дээрэмчид б** сумаа хаанаас авсан байх уу Гомидан Монголчуудтай байлдуулах гэж хасгуудад з****г өгсөн

Avatar

zochin 2019-03-18 66.181.167.71

1 jil daatguulchihad l bolooshd\n

Avatar

Зочин 2019-03-18 182.160.37.39

гэхдээ энэ айл их шуналтай хүмүүс юм билээ?

Avatar

Yayaya 2019-03-18 202.126.89.97

Gehdee ih chadvartai hvmvvs bolood cham shig hoosnuudad ingej heluulj bgaa baihaa

Avatar

Зочин 2019-03-18 64.119.22.232

нямтайширыг гүйцэх шуналтай хүн байна уу

Avatar

Зочин 2019-03-18 64.119.19.36

Элбэгийг шуналаараа гүйцэх үү

Avatar

Зочин 2019-03-18 66.181.166.196

280 saya dollar alga bolgochihood dahid yurunhiilugch boloh shunaltai hun bas bn

Avatar

Зочин 2019-03-18 103.229.176.130

манайхны хулгайч сэтгэхүй, хүний юмыг дандаа үнэгүй зүгээр авах гэдэг дадал зуршил тийм ч амар арилахгүй байхаа

Avatar

Зочин 2019-03-18 103.229.176.130

манайхны хулгайч сэтгэхүй, хүний юмыг дандаа үнэгүй зүгээр авах гэдэг дадал зуршил тийм ч амар арилахгүй байхаа

NewsMN Гар утасны хувилбар Татах
NEWS.mn

Мэдээллийн эх сурвалж