“Гурван охин” хамтлагийн дуучин Г.Анхмаа бие даан цомог гаргахаар шуударчээ. Цомогт нь багтах анхны бүтээл нь “Би чиний хайртай бүсгүй” дуу болж байгаа аж.

Өмнө нь шинэ бүтээл дээр ажиллахад “Гурван охин” хамтлагийнхаа хоёр гишүүнтэй хувааж ачааллыг хуваалцдаг байсан бол энэ удаад бие даан уран бүтээл хийхэд бүх ажлыг ганцаар амжуулах үүрэг хариуцлага ирж байна гэдгийг тэрбээр тодотгов.

“Би чиний хайртай бүсгүй” дууг “Никитон” хамтлагийн гитарчин Өөжгий буюу Д.Өлзий-Орших бичжээ. Уг дууг клипжүүлэх ажил мөн давхар хийгдэж байгаа бөгөөд хэсэг хугацаанд нам жим байсан Г.Анхмаа фэнүүдтэйгээр “Би чиний хайртай бүсгүй”-гээр эргэн учрах нь ээ.

Г.ХОРОЛ