Төв аймгийн Эрдэнэ суманд газар доороос булаг оргилон гарчээ. Тодруулбал, Төв аймгийн Эрдэнэ сумаас таван километр зайтай орших дөрөвдүгээр багийн нутаг дэвсгэрт Ар Хустайн голын аманд хэд хэдэн булаг бий.

Жил бүрийн хавар булаг ханзран ус нь гардаг боловч энэ жил онцгой содон байдлаар хүрхрээ үүсгэн оргилон гарчээ. Ингэхдээ дээрх байгалийн өвөрмөц үзэгдэл нь 2019 оны гуравдугаар сарын 15-ны өдрийн 13.00 цагийн орчимд 2-3 метр өндөрт оргилон найман цаг орчим үргэлжилсэн гэж Төв аймгийн Эрдэнэ сумын ИТХ-ын дарга А.Мөнгөнбаяр мэдээллээ.

Э.ЭНХ