Чөлөөт бөхийн эрэгтэйчүүдийн Дэлхийн тэмцээн өчигдөр ОХУ-ын Якутад эхэллээ. Энэ жилийн “Дэлхийн цом”-ын “А” хэсэгт ОХУ, Япон, Куба, Турк, “В” хэсэгт АНУ, Гүрж, Иран, Монголын баг багтсан.

Манай баг өчигдөр эхний барилдаанаа Ирантай хийсэн ч 9:1-ээр ялагдсан. Энэ барилдаанд Гавьяат тамирчин Э.Бэхбаяр ганцаараа өрсөлдөгчөө ялжээ. Тэгвэл хоёр дахь барилдаанаа Гүржийн шигшээ багтай хийсэнч 5:5-аар тэнцэн ялалтын чанараар 20:21-ээр манай бөхчүүд ялав. Ингэснээр манай бөхчүүд нэг хожил, нэг хожигдолтой боллоо. Өнөөдөр АНУ-ын багтай хэсгийн сүүлийн барилдаанаа хийнэ. АНУ-ын баг Гүржийг хожиж, Иранд ялагдаад байгаа.

“В” хэсэгт АНУ, Ираны багууд тэргүүлж байна. Өнөөдөр хэсгийн сүүлийн барилдаан болж, медалын төлөө өрсөлдөх багууд тодорно.

ӨНӨӨДРИЙН ХУВААРЬ:

07:30 – 08:00 – Жин үзэлт, эмчийн үзлэг
10:00 – 12:30 – Гуравдугаар тойрог “А” хэсэг ОХУ – Турк, Куба – Япон, “В” хэсэг АНУ – Монгол, Иран – Гүрж
12:30 – 15:45 – 5/6, 7/8 дугаар байрын төлөөх барилдаан
14:15 – 15:45 – Хүрэл медалийн төлөөх барилдаан
16:00 – 18:00 – Шигшээ барилдаан, шагнал гардуулах ёслолын ажиллагаа

Монгол улсын шигшээ багийн бүрэлдэхүүнийг танилцуулья:

• 57 кг: Д.Түвшинтулга /2018 оны ДАШТ-ий хүрэл медальт/
• 61 кг: Гавьяат тамирчин Э.Бэхбаяр /2015, 2017 оны ДАШТ-ий хүрэл медальт/ болон Г.Отгонбаатар
• 65 кг: Б.Батмагнай
• 70 кг: Гавьяат тамирчин Г.Мандахнаран /ДАШТ-ий хошой хүрэл, "Рио 2016" олимпийн шагналт V байр/ болон Э.Бямбадорж
• 74 кг: Б.Бямбадорж, Б.Бат-Эрдэнэ
• 79 кг: Гавьяат тамирчин П.Өнөрбат /2015 оны ДАШТ-ий мөнгөн медальт/
• 86 кг: О.Үйтүмэн, Э.Батмагнай
• 92 кг: Б.Өлзийсайхан
• 97 кг: Ө.Батзул, Л.Төртогтох
• 125 кг: Д.Хүдэрбулга, М.Лхагвагэрэл нар багийн бүрэлдэхүүнд багтжээ.

ШУУД ҮЗЭХ ЛИНК: https://unitedworldwrestling.org/

МОНГОЛ – ИРАН 1:9

ГҮРЖ – МОНГОЛ 5:5 /Ялалтын чанараар 20:21-ээр Монголын баг ялав/