С.Даваасүрэн: Төслөөс бодит үр дүн хүлээж байна | News.MN

С.Даваасүрэн: Төслөөс бодит үр дүн хүлээж байна

С.Даваасүрэн: Төслөөс бодит үр дүн хүлээж байна

С.Даваасүрэн: Төслөөс бодит үр дүн хүлээж байна

Санхүүгийн зохицуулах хороо, Японы Олон Улсын хамтын ажиллагааны байгууллага (ЖАЙКА) хамтран хэрэгжүүлэх “Монгол Улсын хөрөнгийн зах зээлийн чадавхыг бэхжүүлэх II үе шатны төсөл” энэ сараас эхэлж буйг бид өмнө мэдээлсэн. Төсөл эхэлж буйтай холбогдуулан манай улсад ажиллаж байгаа Огата Эрина тэргүүтэй ЖАЙКА байгууллагын төлөөлөгчдийг Хорооны дарга, доктор С.Даваасүрэн өнөөдөр хүлээн авч уулзан, нарийвчилсан төлөвлөлтийг нь сонсож, ялангуяа санхүүгийн зах зээл дээр зээлжих зэрэглэл тогтоох үйлчилгээг нэвтрүүлэх ажлын төлөвлөлттэй танилцлаа.

Хорооны дарга С.Даваасүрэн уулзалтын үеэр төслөөс бодит үр дүн хүлээж буйгаа онцлон дурдаж, эрх зүйн орчныг олон улсын жишигт нийцүүлэн сайжруулах замаар зээлжих зэрэглэл тогтоох үйлчилгээг Монгол Улсын санхүүгийн зах зээлд нэвтрүүлэх явдал ихээхэн ач холбогдолтой ажил болохыг тэмдэглэн, төслийн үйл ажиллагаанд амжилт хүсэв.

Төслийг хэрэгжүүлэхэд Монгол Улсын Сангийн яам мөн оролцох бөгөөд уулзалтад тус яамны Санхүүгийн бодлогын газрын дарга Ц.Зоригтбат, Хорооны Үнэт цаасны газрын дарга Б.Лхагвасүрэн болон бусад холбогдох албаны хүмүүс оролцлоо.

Эх сурвалж: САНХҮҮГИЙН ЗОХИЦУУЛАХ ХОРОО

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж