“Нюанс” хамтлагийн хамгийн калуу уран бүтээлч, дуучин Д.Дүйнхэржав ОХУ-ын Улаан-Үд хотноо болж буй  СССР-ийн Ардын жүжигчин, Буриадын АЖ, Буриадын алдарт дуурийн дуучин К.И. Базарсадаевын нэрэмжит дуурийн дуучдын  дөрөвдүгээр уралдаанд оролцож байгаа билээ. Д.Дүйнхэржав нь 2004 -2009 онд СУИС-ийг Дуурийн дуулаачийн мэргэжлээр, багш МУГЖ Ц.Түвшинтөгс, МУСТА Г.Гэрэлбаатар нарын удирдлага дор суралцаж төгссөн, Ньюансынхан дундаа хамгийн нялх нь юм. Гэвч тэрбээр  Г.Дарамзагдын нэрэмжит “Дорнын эгшиглэн” дуулаачийн уралдааны Алтан гургалдай тусгай байр, МУГЖ Д.Банди багшийн нэрэмжит Ари, романс дуулаачдын уралдааны тусгай байрт шалгарч амжилттай оролцож байсан туршлагатай дуучдын нэг билээ. Тиймээс ч  “Нюанс”-ынхан  залуу дуучнаа олон улсын уралдаанд илгээж, хамтлагийнхаа төдийгүй улс орныхоо нэрийг гаргана гэсэн итгэлээр хүлээж буй ажээ.

Д.ЦЭЭЛ