Говь-Алтай аймгийн төвөөс баруун зүгт өнөөдөр өглөө 10 км-т газар хөдөлж, хүчтэй дуу чимээ гарчээ. Аймгийн төвөөс 46,36 өргөрөг, 96,12 уртрагт болсон газар хөдлөлт иргэдэд мэдрэгдсэн байна. Тус аймгийн Онцгой байдлын алба энэ талаар шуурхай хуралдааныг хийж байгаа талаар албаныхан хэллээ. Мөн одоогоор ямар нэгэн хохирол гарсан талаарх мэдээлэл Одон орон судлалын геофизикийн хүрээлэнгийн Алтай салбарт ирээгүй байна.

Говь-Алтай аймагт он гарсаар газар хөдлөлт болсон хоёр дахь тохиолдол нь энэ боллоо. Өмнө нь гуравдугаар сарын 2-ны өдрийн 03.46 цагт Тонхил суманд 3.8 магнитутын хүчтэй газар хөдлөлт болсон юм. Мөн Булган аймгийн аймгийн Бүрэгхангай сумын нутагт өнгөрөгч хоёрдугаар сарын 27-ны өдөр 4.1 магнитудын хүчтэй газар хөдлөлт болсон мэдээлэл бүртгэгдсэн.