“Зоригт эрийн түүх” киногоороо монголчуудыг нэгэн үе байлдан дагуулж байсан Ким Ду Хан буюу жүжигчин Ан Жэ Му Монгол Улсын Ерөнхийлөгчөөс хаус бэлгэнд авч байсан тухайгаа ярьжээ. Тэрбээр өнгөрсөн Баасан гаригт /2019.03.08/ Өмнөд Солонгосын KBS телевизийн “TV with Love” нэвтрүүлэгт оролцсон бөгөөд тус нэвтрүүлэгт өөрийн амьдралын түүх, болон дурсамжтай үйл явдлуудаасаа хуваалцсан байна.

Тус киног гарч байх үеэр тэрбээр монголчуудын урилгаар хэд хэдэн удаа Монголд ирж байсан удаатай. Нэг удаа түүнийг Монголд очиход Монгол Улсын Ерөнхийлөгч түүнд хотоос зайдуу газар 300 мкв орчим талбайтай хаус бэлэглэж байсан тухайгаа нэвтрүүлгийн үеэр ярьжээ. Бэлгээ үзэхээр Улаанбаатараас гурван цаг орчим шороон замаар явж очиж байснаа ч ярьсан байна.

ЭХ СУРВАЛЖ: WWW.NEWSEN.COM