Машин шатсан талаарх мэдээллийг Нийслэлийн онцгой байдлын газраас тодруулахад “Хан-Уул дүүргийн 15 дугаар хороо “Хурд рапид” хорооллын 27, 28 дугаар байранд гал гарч байна гэх дуудлага 2019 оны гуравдугаар сарын 11-ны 05.54 цагт ирсэн. Дуудлагын дагуу 06.00 цагт гал командын зургаан алба хаагч очиж ажилласан. Галд "Delica" машины хөдөлгүүр хэсэг, "Prius-20" машины жолооч талын хаалга, "Harrier" машины тээш хэсэг өртсөн. Галын шалтгаан тогтоогдоогүй байгаа ч цахилгааны утаснаас болсон байх магадлалтай” гэлээ.