"Монголд ипотекийн зээлийн хүү бусад оронтой харьцуулахад гурав дахин өндөр" | News.MN

"Монголд ипотекийн зээлийн хүү бусад оронтой харьцуулахад гурав дахин өндөр"

"Монголд ипотекийн зээлийн хүү бусад оронтой харьцуулахад гурав дахин өндөр"

"Монголд ипотекийн зээлийн хүү бусад оронтой харьцуулахад гурав дахин өндөр"

“Ньюс” агентлаг энэ долоо хоногийн онцлох ярилцлагуудаа тоймлон хүргэж байна.


Найман хувийн орон сууцны зээлийн талаар Барилга, хот байгуулалтын яамны Бодлого, төлөвлөлтийн газрын дарга Л.Батжаргалтай ярилцлаа.

-Өнөөдрийн байдлаар орон сууцны зах зээлд нийлүүлэлт нь эрэлтээ давж борлуулалт зогсонги байдалд шилжин, барилгын салбар өдрөөс өдөрт уруудаж байна. Нөгөө талаар сүүлийн жилүүдийнхээс ипотекийн зээлийн санхүүжилт буурсан нь салбарын хувьд хүнд цохилт болсон гэж хэлж болох байх. Энэ чиглэлд яамны зүгээс хэрхэн анхаарч байна вэ?

-Өнгөрсөн жилүүдэд ипотекийн зээлд жилдээ 6-8 мянган иргэн хамрагдаж, 300 орчим тэрбум төгрөгийн санхүүжилт зарцуулагдсан. Үүний 110 тэрбум төгрөгийг Засгийн газраас, 190 тэрбум төгрөгийг Монголбанк ипотекийн зээлийн эргэн төлөлтөөс олгож ирсэн. Зээлийн санхүүжилт өмнөх жилүүдээс буурсан нь ОУВС-гийн өргөтгөсөн санхүүжилтэд хамрагдсантай холбоотой. ОУВС-гийн зүгээс халамжийн шинж чанартай ипотекийн зээлийг зогсоо гэдэг хатуу шаардлага тавьсан. Монголбанк, Сангийн яамны зүгээс ипотекийн зээлийг зогсоох боломжгүй, иргэдээ орон сууцжуулах нь Засгийн газрын бодлого гэж үзэн, ОУВС-гийн хэлэлцээрт орсноор тодорхой хязгаарлалттайгаар ипотекийн зээлийг үргэлжлүүлж байна. Харин энэ оноос ипотекийн зээлийг шинэ журмаар хэрэгжүүлж байна. Журамд ипотекийн зээлийн эх үүсвэрийг нэмье гэдэгт Сангийн яам, Монголбанкны зүгээс санал нэгдсэн. Монголбанкны хувьд арилжааны банкуудтайгаа тохирч арилжааны банкууд өөр дээр байгаа мөнгөө ипотекийн зээлд оруулж байхаар тохиролцсон. Шинэ журмаар ипотекийн зээлийн эх үүсвэр 600 орчим тэрбум болж нэмэгдэж байгаа юм. Тиймээс энэ онд ипотекийн зээл олголтын хүртээмж нэмэгдэнэ.

-Ипотекийн зээл хэвийн олгогдож байна гэх хэдий ч арилжааны банкууд өөрсдийн санхүүжүүлсэн барилгуудад зээл олгож байна гэх иргэдийн шүүмжлэл байнга гардаг. Энэ асуудалд яамны зүгээс хяналт шалгалт хийж байна уу?

-Яг энэ асуудлаар манай яаманд маш их гомдол ирдэг. Нөгөө талаас яамны зүгээс арилжааны банкуудад үүрэг, чиглэл өгөх эрх нь хязгаарлагдмал. Банкууд өөрсдийн дотоод шалгуурын дагуу ипотекийн зээлийн журмын дагуу олгодог учраас банкуудад бид хүчээр тулгалт хийх эрхгүй. Харин саяхан буюу өнгөрөгч сарын 20-нд Сангийн яам, БХБЯ, Монголбанк хооронд орон сууцны хөнгөлөлттэй зээлийн санхүүжилтийн эх үүсвэрийн хамтарсан гэрээ байгуулсан. Уг гурвалсан гэрээний үр дүнд яам Монголбанкыг шахаж ажиллах нөхцөл бүрдэж байгаа юм. Мөн Засгийн газар болон Монголбанк нь олгосон орон сууцын хөнгөлөлттэй зээлийн санхүүжилтийн эх үүсвэрийн зориулалт, ашиглалт, эргэн төлөлтөд хамтарч хяналт тавина. Банкуудад олгосон орон сууцны хөнгөлөлттэй зээлийн санхүүжилтийн эх үүсвэрийг банк зориулалтын дагуу зарцуулаагүй, өөрийн эрх ашигт нийцүүлэн ашигласан, шаардлага хангасан иргэний зээлийн өргөдлийг хүлээн авахаас үндэслэлгүйгээр татгалзсан тохиолдолд Монголбанк тухайн арилжааны банкны санхүүжилтийн чөлөөт эх үүсвэрийг буцаан татах, мөн тухайн банкинд эх үүсвэр хуваарилахыг хязгаарлана гэж Орон сууцны хөнгөлөлттэй зээлийн санхүүжилтийн шинэ журамд маш тодорхой тусгаж өгсөн. Дээрх заалтыг банкууд зөрчсөн тохиолдолд иргэдийн зүгээс Монголбанканд гомдол гаргах эрх нь нээлттэй.

Дэлгэрэнгүйг ЭНД дарж уншина уу

"ИРЭЭДҮЙН ТЭТГЭВРЭЭ ИПОТЕКИЙН УРЬДЧИЛГАА ТӨЛБӨРТ ТООЦУУЛАХ БОЛОМЖТОЙ"

МҮХАҮТ-ын Хяналтын зөвлөлийн гишүүн, БЗД-ийн ИТХ-ын Төлөөлөгч Г.Хонгортой найман хувийн орон сууцны зээлийн талаар  ярилцлаа.


-Ипотекийн зээлийн хүүг 8 хувиас бууруулах бодит боломж байгаа талаар та ярьж байсан.  БХБЯ-ны зүгээс  "Ипотекийн зээлийн хүүг бууруулахыг ОУВС-гаас хориглосон" гэдэг тайлбарыг өгсөн. Санхүүч хүний хувьд зээлийн хүүг бууруулах ямар гарц гаргалаа  байна вэ?

-Өнөөдөр нийгэмд орон сууцны ипотекийн зээл маш өндөр хүлээлттэй байдаг асуудлын нэг. Гэр хорооллын олон мянган айлын янданг цөөрүүлж, иргэдийг тохилог орон сууцанд шилжүүлэх нь нэг талаас төрийн бодлого, нөгөө талаас нийгмийн зайлшгүй эрэлт хэрэгцээ. Ипотекийн хөнгөлөлттэй зээлийн зорилго бол агаарын бохирдлыг бууруулах, гэр хорооллын дахин төлөвлөлтийн төслийг хэрэгжүүлж иргэдийг орон сууцжуулах, ипотекийн зээлийн санхүүжилтэнд иргэний хуримтлал буюу тэтгэврийн нэрийн дансыг холбох. Үүнийг хэрэгжүүлэхийн тулд нэн түрүүнд ипотекийн зээлийн  хүүг буулгах шаардлагатай. Манайд өнөөдөр ипотекийн зээлийн хүү найман хувь байгаа нь дэлхийн бусад улсуудтай харьцуулахад гурав дахин өндөр байна. Тухайлбал, ипотекийн зээлийн жилийн хүү нь Сингапурт 2.6 хувь, Японд  3 хувь, Солонгост 2.25-3.15 хувь, Туркт 3.5,  Канадад 2.98-3.75,  Германд 1.15-2.31 хувьтай байхад манайд найман хувьтай  байгаа нь дэлхийд байхгүй өндөр хүү. Ипотекийн зээлийн хүүг болон урьдчилгаа төлбөрийг бууруулах хэд хэдэн гарц бий. Нэгдүгээрт, ажил хийж байгаа Монгол Улсын иргэн бүр өнөөдөр ирээдүйн тэтгэврийн нэрийн дансандаа сар бүр цалингаасаа мөнгө төлдөг. Энэ дансанд хуримтлуулсан мөнгөнийхөө үр шимийг тухайн даатгуулагч тэтгэвэрт гарсан хойноо л хүртэх эрх нь нээгдэнэ, мэдээж хэрэг энэ хүртлээ насалж чадвал шүү дээ.

Эхний алхам болгож ипотекийн зээлийн зорилтот бүлгийн зээлдэгч нарын тэтгэврийн нэрийн дансыг нь мөнгөжүүлэх замаар ипотекийн зээлийн урьдчилгаа төлбөрт тооцуулдаг болгох боломж байгаа. Хоёрдугаарт, Хувь хүний орлогын албан татварын тухай хуульд нэмэлт өөрчлөлт оруулж орон сууцны ипотекийн зээлийн урьдчилгаанд хуримтлал үүсгэдэг, ингэсэн тохиолдолд татварын хөнгөлөлт чөлөөлөлт буцаалтыг олгодог ээлтэй татварын тогтолцоог бүрдүүлж дэмжих ёстой. Хэдий хэр хэмжээний хуримтлал бий болно, төдий чинээ  тухайн иргэнд ипотекийн зээл авахад нь татварын хөнгөлөлт үзүүлдэг болгох хууль эрх зүйн орчныг нь одооноос эхэлж бүрдүүлбэл залуучууд сарын задгай хэрэглээгээ хумьж орон сууц худалдан авах ирээдүйн хуримтлалдаа хөрөнгө оруулалт хийх сонирхол, тэмүүлэл, зорилго  нь нэмэгдэнэ. Нөгөө талаас санхүүгийн хөшүүрэг болно. Гуравдугаарт, санхүүгийн болон барилгын үйлдвэрлэлийн өртөг зардлын нэгдмэл удирдлагыг ипотекийн зээлийн тогтолцоонд хэрэгжүүлэх нь зээлийн хүүг бууруулахад жинтэй хувь нэмэр оруулна.

Дэлгэрэнгүйг ЭНД дарж уншина уу

"ЭМЭГТЭЙ ХҮНИЙГ БҮХ ЗҮЙЛД ЭРЭГТЭЙ ХҮНТЭЙ ЯГ АДИЛХАН АВЧ ҮЗЭХ ЁСТОЙ"

Мартын 8 буюу Олон улсын эмэгтэйчүүдийн эрхийг хамгаалах өдөр өнөөдөр тохиож байна. Энэ өдрийг дэлхийн өнцөг булан бүрт эмэгтэйчүүд эрхээ хамгаалуулахын төлөө нэгдэж дуу хоолойгоо хүргэдэг өдөр. Баярын дугаараараа Монгол Улсын Засгийн газрын Жендэрийн үндэсний хорооны Ажлын албаны дарга Т.Энхбаяртай ярилцлаа.


-Юуны өмнө танд баярын мэнд хүргэе. Энэ өдрийг эрхээ хамгаалуулж чадахгүй байгаа нийгмийн янз бүрийн давхаргын эмэгтэйчүүдийн үгийг сонсч, асуудлыг нь шийдэх учиртай өдөр хэмээн олон улсад тэмдэглэдэг ч манайд бол эсрэгээрээ баяр, бэлэг, цэнгүүний өдөр болгон  тэмдэглэдэг. Энэ тухайгаас хоёулаа ярилцлагаа эхлүүлье?

-Монголынхоо нийт эмэгтэйчүүд та бүхэндээ баярын мэнд хүргэе. Олон улсад энэ өдрийг эмэгтэйчүүдийн  эрхийг хамгаалах өдрөөр хүлээн авч тэдний төлөө дуу хоолойгоо хүргэхэд олон төрлийн үйл ажиллагааг зохион байгуулдаг. Зарим нэг улсад тайван жагсаал хүртэл хийдэг. Манай хорооны хувьд эмэгтэйчүүдийн эрхийг хамгаалах олон улсын өдрийг угтаж тодорхой арга хэмжээг жил бүр тогтмол зохион байгуулж ирсэн. Энэ жилийн тухайд оюутан залуучууд руу илүү чиглүүлснээрээ онцлог байлаа. Жендэр, жендэрт суурилсан хүчирхийлэл, гэр бүлийн хүчирхийллээс урьдчилан сэргийлэх асуудлаар оюутан залуучуудын ойлголт мэдлэгийг нэмэгдүүлэх зорилгоор Их дээд сургуулиудын оюутнуудад семинар зохион байгуулж, телевизийн шууд хэлэлцүүлэг мөн “Гэр бүлийн үнэ цэнэ, жендерт суурилсан хүчирхийлэл”сэдвийн дор эрдэм шинжилгээний бага хурлыг зохион байгууллаа.

Дэлгэрэнгүйг ЭНД дарж уншина уу

Ш.АДЪЯАМАА

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2019-03-09 103.57.92.102

Bodlogiin huu bolon hadgalmjiin huu buurval togrogiin hansh unana . Yumnii une bas dahin osono. Dollariin hansh oson.

Avatar

zochin 2019-03-09 59.102.114.106

mongold hamgiin undur barilguudiig hen barij bna hardaa ta nar buh banknuud bgaa iim undur huutei oron mongoloos uur bhgui gutamshig ard tumnee tuilduulj bna

Avatar

zochin 2019-03-09 59.102.114.106

ard tumnee shulj bgaa ulsiin ih hurliin gishuudn banknii bolon hadglamj zeeliin horshoonii ezduud bgaa bolhoor zeeliin huu mongold hamgiin undur amjirgaanii tuvshinuuruu dooguur baijeej huugeeree delhiid hamgiin undur bdag odoo manai avragch hurelsukh eniig 0-s dooshluulna gej naidii tegehgui hezeech buurahgui

Avatar

Hun 2019-03-09 202.126.89.155

Unee buulgahgui bol zasgaas ger horoolol ruu ded butetsee tatas

Avatar

Mgl 2019-03-09 202.126.89.155

Barilgiin companiud chanargui barilgiinaa uniig buulgaach.Zuvhun bank buruutai yum uu

Avatar

БАНКНУУД ХАМГИЙН ИХ АШИГ ХҮРТЭЖ, АРД ИРГЭД ЭЭ ШУЛЖ БАЙНА 2019-03-09 58.108.22.92

ИПОТЕК БОЛОН ШИНЭ МАШИНЫ ЗЭЭЛИЙН ХҮҮГ БУУЛГАЖ БАНКУУД ӨРСӨЛДӨХ ЁСТОЙ!!! БАНКНУУДЫН ХОЛБОО ГЭГЧИЙГ МАШ САЙН ШАЛГАХ ХЭРЭГТЭЙ!!! ЗОХИОН БАЙГУУЛАЛТТАЙ БАНКНЫ ЗЭЭЛИЙН ХҮҮГ ӨНДӨР БАРЬЖ БАЙГАА, ГАДААДЫН БАНКУУДЫГ ОРУУЛЖ ӨРСӨЛДӨӨНИЙГ БИЙ БОЛГОХ ХЭРЭГТЭЙ

Avatar

зочин 2019-03-09 202.9.42.177

Энэ МАНгарууд , олон олон залуучуудын хүсэл мөрөөдлийг гацааж байгаагаа ойлгохгүй байгаа юм байх даа ...

Avatar

Bold o 2019-03-09 223.33.164.235

Ipotekiig halamj uchraas zogsoo gej valytiin sangiinhan helsen gene uu..ta nar ingej hudalaa shaadag bhguj daa ..mangaruudaa ard tumniig teneg geed doromjlj bahaa hangah tsag chini udahgui duusnaa

Avatar

Зочин 2019-03-09 64.119.26.160

Монгол шиг цалингүй, орлогогүй, тэгсэн хирнээ хэрэглээний бараа нь барууны саятанууд ч авч дийлэхээргүй үнэтэй, үүнийг л хээл хахуульдаа идэгдэж, улс төр гээчийн шуламиын хорлолд нэрвэгдсэн улс гээч дээ.

Avatar

Зочин 2019-03-09 202.55.191.42

barilgiin salbar unaltand orloo zogsloo geheesee iluu ard tumnee oron suutsjuulahad anhaarsan n deer bishuu? bankuudiin barilgiin companiudad zeelsen mungiig n butsaaj olj uguhiin tuld l zeel olgood baigaa yum shig haragdah yum. tegeed mongol banknaas bolhoor teriigee bid nar banknii dotood asuudald oroltsoh yosguy gesen umuursun baidaltai tailbar hiine. neg yosondoo ulsaas irgedee oron suutsjuul gesen mungiig n barilgiin company bank 2 l oorsdiin biznesdee ashiglaad baina gsn ug shuu dee.

Avatar

zochin 2019-03-09 139.5.219.166

Mongol iin ediin zasag humuusiin amijargaanii tovshin USA . JAPAN .GERMAN uls ornii tovshind hurj chadsan uu chaddaagui bol buurai oron yamagt mongonii gachigdaltai uchiraas huu ondor baidag . 6 n jiliin omno bairnii zeel 20% baisan odoo 8% ulam davaj baih yum ene zeregtee baigaan n eh yum. Yor zeel ogohgui oorsdoo nasaaraa mongoo huraagaad 50 hureed bairand orhod bolohgui yum baihgui . Hunii omnoos amidarhaa bolimoor yum.

Avatar

Зочин 2019-03-09 64.119.26.148

2013-2016 онд Монголын 60 мянган айл шинээр орон сууцтай болсон байдаг. Тухайн үеийн Монгол банк үнэхээр зөв бодлого хийж ажилтай хүнийг ипотекийн зээлээр дамжуулж хөрөнгө оруулалт, хуримтлал хийлгэж сургаж байсан. Тэр нь барааны үнийн өсөлт бага болох, айл өрхийн мөнгөн орлого хэрэглээ рүү урсахыг өөрчилж биет капитал болгох маш зөв зүйтэй бодлого байсан. Харамсалтай нь 2017-2019 онд энэ бодлогыг зогсоож, валютын сан гэгч байгууллагын нэрийг барьж ипотек гэж байхгүй болсон.

Avatar

иргэн 2019-03-09 202.126.89.87

нөгөө паар маар тавиад байдаг бацаан уу. Сантехникч хүн барилгын салбарыг мэдх үү

Avatar

Монгол 2019-03-09 172.58.137.235

Энэ валютын сан монголчуудын орон сууцжуулахгүй байх сонирхолтой юм биш үү. Утаандаа дарлуулж байг. Бусад улсад чинь 8 бага хувьтай байдаг бууруулах нь зөв гээд байсан санагдах юм. Гадныхнаар толгойгоо мэдүүлбэл ингэж л хандана даа

Avatar

Erguu ats 2019-03-09 202.126.89.217

Ene erguu batsaan songuuliin daraa shagnalaar l yaamand irsen sh dee. Boon avilgaliin sonirholtoi zolbin batsaan. Yu ch medehgui bj yuun ch hevleleer garah durtai ats ve dee. Hudlaa yarvaisan l hooson tolgoi bdiin.

Avatar

иргэн 2019-03-09 174.50.62.78

Зөв. Ипотекийн зээл олгоэжэхэлсэн эхний 1 сард байрны үнэ нугарч өссөн. Хүн болгон барилга барина гэж дайрсан. Жишээ нь:БатҮүлийн хүү студи ажиллуулдаг мөртлөө мөнгөний үнэрээр орон сууц руу орсон.

Avatar

мгл 2019-03-09 103.229.123.252

тосвоос ториин албан хапгчид булэглэн хулгайлдагыг л хорих естой,тэрнээс ипотекиин зээлииг бууруулахад тэд нээх суйдтэй хориглоно гэж байхгуй,битгии худлаа иргэдээ айлгаж бай

NewsMN Гар утасны хувилбар Татах
NEWS.mn

Мэдээллийн эх сурвалж