АНУ-ын ерөнхийлөгч Дональд Трампын сонгуулийн сурталчилгааны кампанит ажлыг зохион байгуулсан Пол Манафорт татвар болон санхүүгийн луйврын хэргээр ял сонсчээ. АНУ-ын шүүхээс түүнд 47 сар шоронд хорих ял оноож, 24 сая ам.долларыг нөхөн төлбөр, 50 мянган ам.долларын торгууль ноогдуулжээ. Пол Манафортыг олон тэрбум ам.долларын орлогыг нуун дарагдуулсан хэргээр өнгөрсөн зун баривчилсан байв. Өдгөө 69 настай Пол Манафорт нь Украинд улс төрийн зөвлөх үйлчилгээ үзүүлснээс олсон орлогоо нуун дарагдуулсан аж. Түүнчлэн ирэх долоо хоногт түүнийг хууль бус лобби хийсэн хэрэгт дахин шүүхэд дуудах гэнэ.

Өмнө нь түүнийг АНУ-ын ерөнхийлөгчийн сонгуулийн кампанит ажлын хүрээнд ОХУ-тай хамтран ажилласан хэрэгт сэжиглэж байв. Дональд Трампын ОХУ-аас дэмжлэг авсан гэх хэргийг мөрдөн шалгах ажил 22 сарын хугацаанд үргэлжилж байна.

Эх сурвалж: ВВС