Монгол улсын харьяат, залуу тамирчин Дариа Томашевская Канад улсын үндэсний аварга шалгаруулах (битүү корт) 12 хүртэлх насны хүүхдийн тэмцээнд ганцаарчилсан болон хос төрлөөр түрүүллээ.

Дариа нь энэ оны 1-р сард Вьетнам улсын Хо Ши Мин хотноо болсон Азийн аварга шалгаруулах тэмцээнд оролцох байсан ч "Orange Bowl", "American Cup" зэрэг тэмцээнүүдэд оролцох хугацаа нь давхцсан байна. Дариа эдгээр тэмцээнүүдэд тоглохдоо нийт 8 хожил авсан бөгөөд дэлхийн тэргүүн тоглогч Химари Сато, Оросын Чараева, АНУ-ын номер нэг Габриела Прайс, Чеон нарт тус бүр нэг хожигдсон байна.

Ийнхүү Монгол Улсын харьяат, залуу тамирчин Дариа Томашевская Канадын 2015 оны Үндэсний аварга шалгаруулах тэмцээнд түрүүлж, олон улсад танигдаж эхэллээ.

Түүний талаарх мэдээллийг эргэн хүргэх болно.

Ч.БОЛОР