Нийгмийн даатгалын ерөнхий газраас хөгжлийн бэрхшээлтэй иргэдэд ээлтэй орчин бүрдүүлэх, нийгмийн даатгалын бүх төрлийн үйлчилгээг чирэгдэлгүй, шуурхай хүргэх зорилгоор дохионы хэлний анхан шатны мэдлэг олгох сургалтыг 2019 оны гуравдугаар сарын 4,5-ний өдрүүдэд зохион байгууллаа.

Сэргээн засалт, сургалт үйлдвэрлэлийн төвийн мэргэжлийн боловсрол, ур чадвар олгох сургуулийн дохионы хэлний багш, орчуулагч, докторант Б.Саранчимэг хоёр өдрийн сургалтыг удирдан явуулсан бөгөөд сургалтад нийт 23 байцаагч, мэргэжилтнүүдийг хамрууллаа.

Сонсголын бэрхшээлтэй иргэд нийгмийн даатгалын үйлчилгээг чирэгдэлгүй  авах боломжийг бүрдүүлэх, тэдэнд тулгардаг бэрхшээлийг шийдвэрлэх, харилцааны ур чадварыг нэмэгдүүлэх үүднээс зохион байгуулсан энэхүү сургалтад хамрагдсан нийгмийн даатгалын байцаагч, мэргэжилтнүүд батламж гардан авсанаар сургалт үр өгөөжтэй болж өнгөрлөө.

Мөн түүнчлэн нийгмийн даатгалын байгууллагын албан хаагчид ахисан шатны сургалтанд хамрагдахаар төлөвлөөд байна.

Эх сурвалж: НИЙГМИЙН ДААТГАЛЫН ЕРӨНХИЙ ГАЗАР