Өнөөдөр эх орондоо ирээд байгаа их аварга Асашёорюү Д.Дагвадорж “Чингис хаан” нисэх онгоцны буудлаас “Баянгол” зочид буудлыг зорьсон бол тэндээсээ “Таны төлөө бид” эмнэлэгт түр байрлаж буй II  эмнэлгийг зорьсон юм. Их аварга тус эмнэлэгт өнөөдөр мэндэлсэн бяцхан үрс болон амаржсан ээжүүдэд гарын бэлгээ гардуулж, тус эмнэлэгт шинээр мэндэлсэн хүүд өөрийн нэрийг хайрлаж, бяцхан хүүд Дагвадорж нэрээ чихэнд нь шивнэлээ.
Сануулахад, Асашёорюү Д.Дагвадорж өмнө нь төлөвлөж байсанчлан энэ сарын 14-нд болох башёгийн эхний өдрийн барилдааны нээлтэд оролцохгүй бөгөөд энэ тухайгаа “Түүнийг төлөөлж Такасога дэвжээний ояката, их аваргын багш  Такасога түрүү бөхийн туг болон эзэн хааны цомыг Сумогийн холбооны тэргүүнд гардуулж өгөхөөр болсон” гэдгийг хэвлэлийн бага хурлын үеэр онцолсон юм.

Б.Энх