“Зам, тээврийн хөгжлийн төв” ТӨҮГ нь Олон улс, улсын чанартай авто зам ашигласны төлбөр хураах үйл ажиллагааг хөгжүүлэх ажлын хүрээнд “Гэрэгэ системс” ХХК-тай хамтран ажиллах гэрээ байгуулж, орчин үеийн шийдэл бүхий онлайн системээр авто зам хэрэглэгчдийг зам ашигласны төлбөр хураамжаа төлөх боломжийг бүрдүүлэх ажлыг эхлүүллээ.

Тус ажлын хүрээнд эхний ээлжинд Баруунтуруу болон Налайх-Тэрэлжийн төлбөр авах цэгт энэхүү үйлчилгээг нэвтрүүлэн, цаашид Монгол орон даяар хэрэгжүүлэхээр төлөвлөн ажиллаж байна. Баруунтурууны төлбөр авах цэгт “Гэрэгэ” гэсэн хаягтай нэвтрэх хэсгээр гар утсаараа онлайнаар хураамжаа төлсөн жолооч нар шууд нэвтрэх эрхтэй боллоо.

Дэлхий даяараа онлайн төлбөрийн систем рүү шилжин, бэлэн мөнгөгүй явдаг болсон энэ үед бүхий л төлбөрийг онлайнаар шийдэх боломжтой платформыг Гэрэгэ системс ХХК-ийн инженерүүд бүтээжээ. Энэ удаад замын хураамжийн мөнгийг онлайнаар төлөх боломжийг бүрдүүлэн Зам, тээврийн хөгжлийн төвтэй хамтран ажиллаж байна.

Товчоо, цэгээр нэвтрэн гарахдаа хураамжаа төлөх гэж урт дараалалд зогсохгүй, хариултаа авах гэж хүлээхгүй, бутархай мөнгөгүй гэж санаа зовох хэрэггүй болж, технологийн дэвшилтэй хөл нийлүүлэн алхах боломжтой болжээ.

Гэрэгэ аппликейшнийг гар утсан дээрээ суулгасан байхад таны цагийг хэмнэсэн, технологийн дэвшлээр асуудлуудыг тань шийдсэн олон үйлчилгээг ашиглах боломжтой. Гар утасны Гэрэгэ аппликейшн, Гэрэгэ киоскоор дамжуулан автомашины торгууль, татвар төлөх, орон нутгийн автобусны тасалбар захиалах гээд олон төрлийн төрийн үйлчилгээний төлбөрийг төлж болох бол тун удахгүй байр, тог, СӨХ-ийн мөнгө, үзвэр үйлчилгээ, дэлгүүр, кофе шопоос худалдаа хийх зэрэг бүхий л төлбөрийг нэг товч дараад л шийдэх боломжтой. Төлбөрийн үйлчилгээнээс гадна шимтгэлгүй мөнгө шилжүүлэх, худалдаа эрхлэгчид Гэрэгэ Агент аппликейшн ашиглан нэмэлт төхөөрөмжгүйгээр и-баримт олгох, цаг бүртгэх зэрэг үйлчилгээний олон боломжууд бий.