2019 оны хоёрдугаар сарын 28-ны өдөр Төв аймгийн Заамар суманд үйл ажиллагаа явуулдаг “Эко Алтан Заамар” компанийн уурхайд осол гарсны улмаас ажил үүргээ гүйцэтгэж явсан дөрвөн халуун амь эрсэдсэн харамсалтай хэрэг гарлаа. Уул уурхай, хүнд үйлдвэрийн сайдын хувьд би гүнээ харамсан, гашуудаж байна.

Энэхүү харамсалтай үйл явдал уул уурхайн салбарын хөдөлмөрийн аюулгүй байдлыг улам бүр дээшлүүлж, үйл ажиллагаа явуулж буй компаниудын сахилга хариуцлагыг нэмэгдүүлэх зайлшгүй шаардлагатайг харуулж байна. Амь эрсэдсэн уурхайчдын гэр бүл, төрөл төрөгсдөд нь гүнээ эмгэнэл илэрхийлье.

Ум сайн амгалан болтугай.

УУХҮ-ийн сайд Д.СУМЪЯАБАЗАР

УУХҮЯ, АМГТГ-ЫН ХАМТ ОЛОН