Монголын Хөлбөмбөгийн Холбоо нь Монгол Улсын хөлбөмбөгийн спортын эрх барих дээд байгууллага бөгөөд Олон Улсын хөлбөмбөгийн холбоо /FIFA/, Азийн хөлбөмбөгийн холбоо /AFC/-ны албан ёсны гишүүн байгууллага юм. Тус холбоо нь хөлбөмбөгийн спортыг тогтвортой хөгжүүлэх, спортын эв нэгдэл, боловсрол, соёл, болон хүмүүнлэгийн олон талт ач холбогдлыг Монгол улс даяар сурталчилан таниулах зорилготой бөгөөд дотоод гадаадын ивээн тэтгэгч, түнш байгууллагуудаасаа хөрөнгө босгон хөлбөмбөгийг хөгжүүлэх бүх талын үйл ажиллагааг хэрэгжүүлдэг.

2019 онд АХБХ-ны дэмжлэгтэйгээр Үндэсний шигшээ багийн бэлтгэлийн баазын дотуур байрны барилгын зураг төслийг хийх дотоодын зөвлөх буюу архитектор сонгон шалгаруулж авна.

Зөвлөх нь уг барилгын зураг төслийг чанарын өндөр түвшинд хийж гүйцэтгэн, барилга барих явцад барилын ажил бүхэлд нь хяналт, анхаарал тавьж ажиллана.

Зөвлөхөөр ажиллах хугацаа нийт 6 сар буюу 2019 оны 3 сараас 9 сар болно.

Зөвлөхөөр ажиллах сонирхолтой мэргэжлийн архитекторууд өөрийн танилцуулга, мэдээллийг 2019 оны 3-р сарын 8-ны дотор munkhzul.ch@the-mff.mn хаягаар ирүүлнэ үү.

Сонгон шалгаруулалтын дүн 2019 оны 3-р сарын 15-ны дотор гарах бөгөөд 2019 оны 3-р сарын 20-ны дотор МХБХ-ноос холбогдоогүй тохиолдолд шалгараагүй гэж үзнэ.