Дэлхийд танигдсан  ноолууран брэнд  “Говь” ХК нь  дээд зэргийн зөөлөн  ноолуураар чанартай  тансаг  бүтээгдэхүүн урладагаараа алдартай юм.

“Говь” ХК-нь үргэлж хэрэглэгчдийнхээ амжилт, нэр хүндэд зориулан төгс загвар, шинэ технологийг дэвшүүлсээр ирсэн.

Энэ удаад шинэхэн бүтээсэн 100 % нарийн ноолууран даавуугаар өөрт тохирсон хослол хийлгэх боломжийг хэрэглэгчиддээ танилцуулсан “MADE TO MEASURE” өдөрлөгийг  зохион байгууллаа.

Хүний биед тухтай, загварлаг байдлаа алдахгүй, өд мэт хөнгөн “Говь” брэндийн нарийн ноолууран даавуу нь өндөр түвшний технологи, 100 гаруй шат дамжлага, нарийн ур хийцээс бүтдэг байна.

Эрчүүдэд зориулсан  тансаг хослол, нарийн  хийцийг танилцуулсан,  хүндэт зочидтой,  хийц загвар төгс бүтээгдэхүүнтэй сайхан  үдэш болж өнгөрчээ.

Уг шинэ загварын нимгэн ноолууран хослолыг та   “Үйлдвэрийн дэргэдэх төв дэлгүүр” болон “Галлериа”  салбар дэлгүүрээс сонирхох боломжтой юм байна.