С.Даваасүрэн Дэлхийн санхүүгийн бодлого тодорхойлогчдын дээд хэмжээний чуулга уулзалтыг даргаллаа | News.MN

С.Даваасүрэн Дэлхийн санхүүгийн бодлого тодорхойлогчдын дээд хэмжээний чуулга уулзалтыг даргаллаа

С.Даваасүрэн Дэлхийн санхүүгийн бодлого тодорхойлогчдын дээд хэмжээний чуулга уулзалтыг даргаллаа

С.Даваасүрэн Дэлхийн санхүүгийн бодлого тодорхойлогчдын дээд хэмжээний чуулга уулзалтыг даргаллаа

Олон Улсын Санхүүгийн хүртээмжийн нийгэмлэг /СХН, The Alliance for Financial Inclusion, AFI/-ийн бодлого тодорхойлогчдын дээд хэмжээний чуулга уулзалт Бүгд Найрамдах Кот д’Ивуар Улсын Абиджан хотноо өчигдөр эхэллээ. Нийгэмлэгийн Захирлуудын зөвлөлийн гишүүн, Монгол Улсын Санхүүгийн зохицуулах хорооны дарга, доктор С.Даваасүрэн “Санхүүгийн хүртээмжийн ирээдүйг шинэчлэх нь” сэдэвт тус чуулганы хуралдааныг даргалав.

Дэлхий дахинд өнөөгийн байдлаар банк, санхүүгийн үйлчилгээнд хамрагдаж чадахгүй байгаа 1.7 тэрбум хүн байна гэсэн судалгааг СХН-ээс гаргажээ. Тэдгээр хүмүүст санхүүгийн үйлчилгээг хүргэх стратегийг төлөвлөх, цаашид хүртээмжтэй санхүүг ямар чиг хандлагаар өргөжүүлэн хөгжүүлэхийг тодорхойлох зэрэг өргөн хүрээний асуудлуудыг хуралдаанаар хэлэлцэв. Түүнчлэн хөгжиж буй орнуудад тулгарч буй санхүүгийн хүртээмж дэх жендерийн тэгш бус байдлыг багасгах арга зам, тэдгээрийн шийдлүүдийг эрэлхийлж, технологийн дэвшилд суурилан санхүүгийн хүртээмжийг тэлэх боломж, гарцуудын талаар хэлэлцэн, гишүүн улс орнуудын төв банк, санхүүгийн зохицуулагч байгууллагуудад хандан дээрх асуудлуудаар зохих зөвлөмжийг өгөхөөр боллоо.

Бодлого тодорхойлогчдын дээд хэмжээний чуулга уулзалтад СХН-ийн гишүүн төв банкууд, олон улсын байгууллагууд, хувийн хэвшлийн төлөөллөөс бүрдсэн дэлхийн санхүүгийн салбарын 180 гаруй удирдагчид оролцож байна. Хорооны дарга, доктор С.Даваасүрэн чуулга уулзалтад тэргүүлэх байр суурьтай оролцож байгаа нь СХН дэх Монгол Улсын оролцоог улам бүр өргөжүүлэх ач холбогдолтой. Учир нь хүн амын эмзэг бүлгийн оролцоо санхүүгийн салбарт нэмэгдэх хэрээр улс орны эдийн засгийн өсөлт болон санхүүгийн тогтвортой байдалд ихээхэн эерэг нөлөө үзүүлдэг тул санхүүгийн хүртээмжийг нэмэгдүүлэх нь улс орны хөгжил, тэр дундаа банк, санхүүгийн салбарын өсөлтөд томоохон үүрэг гүйцэтгэдэг юм.

Эх сурвалж: САНХҮҮГИЙН ЗОХИЦУУЛАХ ХОРОО

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochon 2019-03-05 103.26.193.92

Hen ataarhaj uhej baigaa ni oilgomjtoi doo.Hulgai hiilgesengui gej uheh ni ee.Doktort bayar hurgei.

Avatar

Пп 2019-03-05 202.21.106.133

Яасан их АТААРХУУ новшнууд вэ өөрсдөө юу ч чадахгүй байж Амжилт хүсье Даваасүрэн доктор оо

Avatar

Зочин 2019-03-05 185.89.216.235

Энэ хэрүүлч авгай улсын мөнгөөр күй ээ мөн их тэнэх юмааа. Шалгадаг хянадаг газар байдагүй юм байхдаа энэ эзэнгүй улс оронд. Тэнэг юм үзээгүй юм болохоор энд тэнд тэнэж яваагаа хөөрхий рекламдаад илчлээд л байх. Дотроо бол их л мундаг хүн гэж өөрийгөө боддог биз.

Avatar

Зочин 2019-03-05 202.21.96.212

Юм үзээгүй тэнэг амьтан. Хаа хамаагүй африкт нэг панелд суусныгаа юу гэж бодцон хөлдүүс вэ? Комунист сэтгэхүйгээсээ хэзээ ч салахгүй, даргын хэнхэг туссан, юу ч мэдэхгүй б а а с.

NewsMN Гар утасны хувилбар Татах
NEWS.mn

Мэдээллийн эх сурвалж