Нийслэлийн Баянгол дүүрэгт өнөөдөр /2019.036.04/ 12.40 цагийн үед зам тээврийн ноцтой осол гарчээ. Тодруулбал, 28 дугаар сургуулийн зүүн талд дээрх осол гарсан байна. Ослыг харсан гэрчүүдийн мэдүүлснээр, зам дагуу зогсож байсан тээврийн хэрэгсэл огцом хөдөлж урдуур явж байсан 40 гаруй настай эмэгтэйг мөргөж, улмаар дээгүүр нь гарсан гэжээ.

Тээврийн цагдаагийн албаныхан хэргийн газарт очиход хохирогч эмэгтэй машины хоёр дугуйн дор орсон байдалтайгаар олдсон байна. Дээрх хэрэгт цагдаагийн байгууллагаас мөрдөн шалгах ажиллагаа явуулж эхэлжээ. Албаны эх сурвалжийн мэдээлэхдээ “Тухайн машины жолооч хөдлөхдөө араагаа сольсон. Тормоз гишгэтэл гэнэт хүн гарч ирж таараад, сандарсандаа хааз, тормоз хоёроо андууран гишгэсэн" гэсэн юм.

Э.БУРАМ