Мэргэжлээ өөрчлөх замаар карьераа өсгөнө гэдэг бол шинэ ажил олохоос хавьгүй хэцүү. Гэхдээ шинэ мэргэжил чинь таны нуугдаж байсан авьяасыг илрүүлж, одоогийн байгаагийнхаас илүү амжилт гаргахыг үгүйсгэхгүй.

Магадгүй одоогийн энэ ажлаас чинь илүү амжилттай ч байж болно. Гэхдээ та өөрийгөө юу хүсээд байгаагаа сайн мэдэж байгаа бол амжилт ирнэ. Та юу ч гэсэн өөрийнхөө зөвшөөрч, санаа нийлж байгаа зүйл дээр тэмдэглэж, өөрийгөө сонжино уу. Тийм эсвэл үгүй гэж хариулаарай

·    1. Би авьяасаа шинэ мэргэжилдээ хэрхэн тааруулж, зохицуулахаа сайн мэдэж байна.

·    2. Ер нь шинэ мэргэжлийнхээ талаар хангалттай мэдлэг, ойлголттой. Зарим нарийн ширийн зүйлийг нь сурахад л хангалттай.

·    3. Би энэ мэргэжлийн тухай хэдий чинээ их уншиж, мэднэ, төдий чинээ надад улам таалагдаж байгаа.

·    4. Намайг энэ салбарт амжилт олоход минь туслах, зөвлөх найз нйхйд, холбоо сүлбээ бий.

·    5. Би энэ салбарын мэргэжилтний сонин хэвлэлд өгсөн ярилцлага, нийтлэл зэргийг нь уншсаар байгаад бараг мэргэжлийн, сайн мэдлэгтэй болсон.

·    6. Манай гэрийнхэн намайг мэргэжлээ солихыг минь дэмжиж, зоригжуулж, итгэл урам хайрлаж байгаа.

·    7. Миний чадвар, сул тал, давуу тал зэргийг сайн мэдэх найз нар маань миний энэ төлөвлөгөөг дэмжиж байгаа.

·    8. Би мэргэжлээ сольсноор үүсэх бүх давуу тал, сул тал зэргээ тооцож үзсэн. Би чадахаар юм билээ.

·    9. Шинэ мэргэжлээраа ажиллахад надад ямар шинэ боломжууд үүсэхийг жагсааж, төсөөлж бодож үзсэн. Одоогийн байгаагаас минь илүү их боломж нээгдэх юм билээ.

·    10. Шинэ ажилд орсоноор миний амьдралын хэв маягт орох өөрчлөлт надад таалагдсан.

Хэрэв та
8-аас дээшид нь Тийм гэсэн хариу авч чадсан бол урагшаа, амжилт таны гарт байна. Та бүгдийг бодож, төлөвлөжээ.

Хэрэв та 8-с дээш оноо авч чадаагүй бол таныг юу хүлээж байгааг ч сайн мэдэхгүй байгаа бололтой. Асуудалд бодитой ханд. Дахиад энэ 10 асуултад хариул, тэгээд 8-с дээш оноо авталаа дахин дахин бодох хэрэгтэй. Харин тэр болтол ажлаас халагдах өргөдөл өгөөд хэрэггүй шүү.

Эх сурвалж: www.goolingoo.mn