Пакистанд олзлогдсон энэтхэг нисгэчийг Баасан гаригт /2019.03.01/ суллана хэмээн  Пакистаны Ерөнхий сайд Имран Хан мэдэгдээд байсан билээ. Ерөнхий сайдын энэхүү мэдэгдлийн дараа Энэтхэгийн цэргийн нисэх хүчнийхэн түүний шийдвэрт талархаж байгаагаа илрэхийлж байв. Тэгвэл нисгэгчийг өнөөдөр өглөө /2019.03.02/ сулласан байна.

Имран Хан өөрийн шийдвэрээ хоёр улсын хооронд үүсээд буй зөрчилдөөнийг намжаахаар авч буй арга хэмжээ хэмээн тайлбарласан ч Энэтхэгийн  тал Пакистан улс ямар ч үйлдэл хийсэн анхаарал болгоомжоо суллаж болохгүй гэж мэдэгдсэн юм.

1947 онд Энэтхэг, Пакистан улс тусгаар тогтносноос хойш Гималайн хилийн бүс дагуух Кашмир муж аль улсад нь хамаарах нь тодорхойгүй байгаа. Кашмирын бүс дэх хоёр улсын маргаан энэ удаа сүүлийн 20 жил байгаагүй хамгийн хурцадмал байдалд байгаа ба нэг нэгэндээ ээлжлэн агаарын цохиолт өгсөөр байгаа. Хамгийн сүүлд Энэтхэгийн хоёр онгоцыг агаарын хил зөрчсөн хэмээн Пакистаны тал буудан сөнөөж, нэг онгоц нь Энэтхэгийн талд, нөгөө нь Пакистаны талд унасан бөгөөд тус онгоцны нисгэгчийг Пакистан улс олзлоод байсан нь энэ юм.

Хоёул цөмийн зэвсэгтэй, ШХАБ-ын шишүүн улсуудын маргаан нь дэлхий нийтийн анхаарахгүй байхын аргагүй асуудал билээ. Тиймээс ОХУ-ын зүгээс хоёр улсын хурцадмал байдлыг намжаахын тулд зуучлагчийн үүрэг гүйцэтгэхэд бэлэн хэмээн мэдэгдсэн. Энэтхэгийн тал хариу хэлээгүй байгаа бол Пакистаны талаас ОХУ-аар дамжуулан хэлэлцээ хийхэд бэлэн байгаагаа илэрхийлсэн байна.

Эх сурвалж: BBC