Дэлхий дахинд 2009 оны сүүлээр санхүүгийн хямрал нүүрлэхэд Монгол ч бас зах зухаас нь ширвүүлж, “Анод” банкны дампуурлыг зарлаж байв. Үүнээс болж, “Анод” банкны Төлөөлөн удирдах зөвлөлийн даргаар ажиллаж байсан Н.Даваа шүүхээс хоёр жилийн ял сонсч, юм, юм л үзсэн. Одоо харин тэрээр үйлдвэрлэгч болж, цахилгаан халаагуур хийх болсон байна.

Түүнийгээ дэлхийд өрсөлдөх брэнд бүтээгдэхүүн болно гэдэг итгэлтэй байгаа юм. Уг халаагуурыг монгол гэрт ашиглахад сарын цахилгааны төлбөр нь 40-50 мянган төгрөг л гарах аж. Нийслэлийн гэр хорооллын айлууд БНСУ, Хятад улсад үйлдвэрлэгдсэн цахилгаан халаагуурыг өвлийн улиралд ашиглах тохиолдол цөөнгүй. Гэвч сарын төлбөр нь өндөр гардаг. Харин “Анод”-ын Н.Даваагийн үйлдвэрлэж байгаа цахилгаан халаагуур өртгийн хувьд хямд тусаж мэдэх аж. Тэрээр цахилгаан халаагуур үйлдвэрлэх төсөл дээрээ 2009 оноос эхэлж ажиллажээ.

Г.ХОРОЛ